týsdagur 16. august 2005síða 10

10 Nr. 153 - 16. august 2005 Mentamálaráðið boðar í tíðindaskrivi frá, at menta- málaráðharrin hevur fingið handað álit um ítrótta- politikk. Ítróttin hevur stóran mentanarligan og sam- felagsligan týdning. Landsstýrismaðurin í menta- málum setti tí á sumri 2003 arbeiðið í gongd at orða ein almennan ítróttapolitikk. Hetta var sera skilagott og eigur táverandi landsstýrismaður sjálvsagt rós fyri hetta stigið. Umframt at lýsa, hví tað er umráð- andi við virknum og miðvísum almennum ítrótta- politikki, skuldi arbeiðsbólkurin lýsa støðuna hjá ítróttinum í Føroyum í dag sum heild og greina framtíðarvisjón og menningarætlan fyri almenna ítróttapolitikkin. Landsstýrismaðurin í mentamálum hevur nú fingið handað álitið hjá arbeiðsbólkinum um almennan ítróttapolitikk. Høvuðsniðurstøðan í álitinum er, at føroyska ítrótta- rørslan stendur ov spjadd, og at ÍSF sum yvirskipað- ur og savnandi landsfelagsskapur fyri føroyskan ítrótt undir núverandi skipan ikki megnar at virka fyri felagsítróttaligu áhugamálunum í nóg stóran mun, og harvið at standa fyri eini støðugari menn- ingartilgongd hjá ítróttinum sum heild. Tað er tí neyðugt, at ÍSF verður styrkt umsitingarliga og fak- liga. Arbeiðsbólkurin vísir í hesum sambandi á, at ÍSF í samstarvi við ymsu sersambondini eigur at skipa umstøður fyri virknari og áhaldandi føroyskari luttøku og sjónliggering í altjóða samstarvinum um- framt at skipa fyri miðsavnaðari førleikamenning. Ein liður í menningartilgongdini er, at Føroyar átaka sær at skipa fyri Oyggjaleikum aftur. Hóskandi høvi til hetta er 2015. Heldur enn eitt avmarkað mál í sær sjálvum, skulu Oyggjaleikirnir brúkast sum partur av einari miðsavnari menningtilgongd innan før- oyskan ítrótt. Tað er ítróttin sjálv, vísir bólkurin á, ið hevur ábyrgdina av at seta út í kortið tey ítøkiligu langtíðarmálini fyri ítróttaliga virksemið og menn- ingina av hesum. Um hesi mál skulu røkkast er neyðugt, at betri og tættari samstarv verður skipað millum ÍSF og sersambond tess og almennu og kommunalu myndugleikarnar. Tí er eisini neyðugt, at politisku myndugleikarnir seta orð á, hvørji mið og mál almenni stuðulin til ítrótt skal hava. Arbeiðsbólkurin metir vera av stórum týdningi, at gongd nú verður sett á eitt veruligt og støðugt ítróttapolitiskt kjak. Hesum tykist forseti ÍSFs at vera samdur í. Annars er hann ósamdur við innihald- ið. Tað ger ikki so nógv um ósemja er um innihaldið. Vit her í Føroyum eru vanliga ósamd um mestsum alt, so hví ikki um eitt ítróttaálit. Tað sum umræður er, at vit nú fáa eitt orðaskifti um ítrótt. Vit skulu al- ment skifta orð um elituítrótt mótvegis áhugaítrótt, um altjóða luttøku sum eydnast á ávísum økjum og ikki á øðrum økjum, um ítrótt og fólkakheilsu, um ítrótt sum fyribyrgjandi virksemi millum ung og um ítrótt sum mentan eins væl og um ítróttamentan. Vit her á blaðnum halda álitið vera bæði áhugavert og kveikjandi og fara at venda aftur til hetta álit í blað- greinum. DAGSINS MEINING Sosialurin Orðaskifti um ítrótt VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Tóki Højgaard toki@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Teresa Jensen teresa@sosialurin.fo Finnbjørg Nattestad finnbjorg@sosialurin.fo Gudny Langgaard gudny@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e-post: aki@sosialurin.fo e-post: dagfinn@sosialurin.fo Uppseting/prent: Uppseting: Føroyaprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Tórsgøta 1, 100 Tórshavn Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – hevur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli. Good Morning, Breckmann! Svenning Borg Vágur Nú hoyrist aftur um Suður- oynna, hvussu gott í her skal blíva at búgva, og tað er frá sjálvum Óla Breck- mann, stavnamanninum, sum hevur verið nakar dag- ar í Suðuroynni og ferðast og fingið reina og fríska Suðuroyarluft niður í lung- uni. Hugur mín leitar eini seks ár aftur í tíðina, full- veldistíðina, tá komu nógv- ir politikkarar til Suður- oynna við einum sokallað- um Økismenningarskjali, sum bleiv lagt fram í VB- húsinum. Fullsett hús av suðuroy- ingum fyri at frætta, hvussu nú Suðuroyggin skuldi koma víðari, støðuna kenna okur tíverri alt ov gott. Økismenningarálitið bleiv latið Granskingar- depulinum fyri økismenn- ing, og var tað taktist ógvu- liga smart av samgonguni, tí har bleiv tað væl parker- að, og síðani hevur ongin hoyrt nakað aftur um nakra økismenning Okur fingu ístaðin tús- und nýggj almenn arbeiðs- pláss í miðstaðarøkinum og onki í Suðuroynni, nú kem- ur so Óli, sum eisini tá var ein partur av samgonguni, aftur við einum boði uppá, hvussu okur skulu skapa okra framtíð her í Suður- oynni. Undirrittaði hevur skriv- að nógv í bløðunum um eina komandi granskingar- park og víst á tað neyðuga í at hava nøkur almenn arb- eiðspláss í Suðuroynni og harvið fingið nakað av tí unga fólkinum til at støðast í oynni. Havi eisini alment bjóðað fram øki at byggja á. Um Óli meinar nakað við tað hann sigur um Suður- oynna, so kann hann byrja við at virka fyri, at gransk- ingarparkin verður bygd her suðuri. Nú tveir skúlar skulu byggjast saman mitt í Suð- uroynni, kundi tað verið hóskandi at bygt Gransk- ingarparkina upp í teir skúlarnir, hvar í okur so kundi fingið ein undirvís- ingar- og granskingardepul av eini rímuligari stødd. Er tað eitt nú gengransking talan verður um, so er Suð- uroyggin sera væl egnað. So Óli Breckmann, tað er at bróta upp um armar og vísa í verki tín vilja at loysa málið viðvíkjandi Suður- oynni, málageipan hevur verið nokk av. Hans Birgir Hansen Tað at broyta atburð, hug- burð, málburð til at gerast meira seriøs, motiverað, og virkisfús, í øllum tí dagliga samskifti, samstarvi og í øllum kjaki skapar nýggjar lívsavbjóðingar. Tað er við atliti til at fáa skapt sær eitt sjálvstøðugt lív og gerast sjálvstøðugt vinnurekandi heimanífrá, við at kenna ábyrgd, og skyldur yvir fyri sær sjálvum, egnari fam- ilju, vinnum, kenningum o.ø. Tað leggur støði fyri al- ternativum lívsmøguleik- um úti á bygd og í bý, í hvørjari kommunu, oyggj, skúla. Øll koma víðari í tí dagliga lívi og sleppa und- an strongd og fylgisjúkum, ið merkir almenningin. Tað at fremja slíkt yvir eitt longri tíðarskeið fer at hækka heilsustøðIð, kondi- tión, so øll koma at kenna seg væl fyri í tí dagliga arb- eiðs-,familju-,frítíðar-, privatlívi á bygd og bý í hvørjari kommunu, oyggj.Tað hevur avgerandi týdning at fáa fólk at ger- ast, seriøs, motiverað, og virkisfús og vísa teim á al- ternativar lívsmøguleikar. Seriøs - motivera og virkisfús Gjeikara- skrúðgonga á Vaglinum Norðurlandahúsið verður alla komandi viku karmur um norðurlendska ráð- stevnu um samkynd RÁÐSTEVNA Jákup Mørk Kanariufuglar í kola- námum. Tað er heiti á ráðstevnu, sum Felagið Bogin, skipar fyri í Norðurlandahúsinnum í komandi viku. Endamálið við ráð- stevnuni er at varpa ljós á umstøðurnar hjá sam- kyndum lesandi í av- byrgdum samfeløgum. Ein tilvera, sum í nógvar mátar er væl truplari, enn tá talan er um størri samfeløg enn tí før- oyska. Tað er ANSO, ið er norðurlendskur student- arfelagsskapur, sum skipar fyri ráðstevnuni, sum altso fyri fyrstu ferð skal haldast í Føroyum. Fleiri altjóða røðarar fara at hugleiða um ofta truplu støðuna, sum samkynd eru í, og tosað verður eisini um, hvussu hesir trupulleikar kunnu loysast. Endamálið við ráð- stevnuni er soleiðis at seta navn á og ítøkiligera teir trupulleikar, sum eru á økinum, eins og roynt verður at finna fram til, hvussu hesir kunnu beinast burtur. Ráðstevnan byrjar komandi sunnudag, og heldur so fram alla vik- una. Punktum verður sett leygardagin, tá Før- oya fyrsta »Pride-par- ada« er á skránni. Hend- an verður frá Vaglinum í Havn kl. 10.00.