fríggjadagur 19. august 2005síða 10

10 Nr. 156 - 19. august 2005 2013 er stungið út í kortið sum árið, har Føroyar aft- ur skulu miðja eftir at hýsa oyggjaleikunum. Eitt stórt mál í sjálvum sær, og tað er eisini longu stað- fest, at nógvar fyrireikingar mugu fáast frá hondini, áðrenn vit kunnu so mikið sum droyma um at leggja inn umsókn um vertsskap. Sjálvsagt skulu bæði lands- og kommunalir mynd- ugleikar spæla við, um ein slíka ætlan skal gerast veruleiki. Men fram um allar aðrar fyrireikingar. Fram um rennibreyt, fleiri tennis-breytir, nýggja skjótibreyt, bogaskjótibreyt og mangt annað. So eig- ur ein nýggjur ítróttardepil at gerast, áðrenn søkt verður um oyggjaleikir. Bæði tí hesin nærum er neyðugur, tá skipast skal fyri somikið stórari ítrótt- arhending, men so sanniliga eisini tí hesin vil lyfta føroyskan ítrótt á eitt væl hægri støði. Tí hvat kundi ein slíkur depil ikki givið okkum her í Føroyum. Eitt er, at einstøku ítróttargreinarnar, sum koma at húsast á einum slíkum depli hvør í sínum lagi koma at fáa betri venjingar- og kappingarum- støður. Annað - og nógv meira týdningarmikið - er, at vit við hesum kundu skapt eitt veruligt elituum- hvørvi. Ikki tí elitan í sjálvum sær er nakað mál, men tí tað aloftast vísir seg, at breidd og elita ganga hond í hond. Eingin kann vera til uttan hin. Heldur enn at 10 bogaskjúttar, 7 borðtennisleikarar, 8 kast- arar o.s.fr. venja hvør í sínum lagi, so høvdu við hes- um eitt stað, at har kanska hundrað fólk frá fyrsta degi høvdu havt sína dagligu gongd. Og við tíðini er einki sum helst at ivast í, at hetta tal vildi fleirf- aldast. Fólkheilsuni, ítróttini, breiddini, elituni - ja, øllum Føroyum at gagni. Men ein slíkur depil kostar nógvar milliónir. Milli- ónir, sum ítróttin heilt víst ikki hevur einsamøll. Og milliónir, sum hvørki land ella býráð av sær sjálvum fara at seta í eina slíka verkætlan. Til seinastu tveir oyggjaleikirnar hava vit tó sæð, at oljupengar í stór- an mun hava fíggjað slíkar deplar. Í Hetlandi enntá fleiri av slagnum, soleiðis at sjálvt útoyggjarnar eis- ini hava sínar deplar. Og tá boðini frá oljufeløgunum samstundis eru, at tað standa 35 milliónir og bíða eftir umsóknum, er væl bara at fara ígongd. Verður hugt at samlaða samfelagsvirðinum, sum ein slíkur depil vildi havt, er einki at ivast í, at hetta væl kann koma undir endamálið um førleikamenning, sum oljugrunnurin hevur. Og tað er upplagt, hvør skuldi tiki stigið til ein slíkan depil. ÍSF er ópolitiskt og virkar ikki við persónligum vinningi fyri eyga. Ein felagsskapur, sum hevur til endamáls at menna og fremja ítróttina her á landi. Tí vildi tað verið upplagt, at tað var her, at spakin varð settur í stóra átakið at fáa okkum ein ítróttardepil. DAGSINS MEINING Sosialurin Oljupengar til ítróttardepil VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Tóki Højgaard toki@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Teresa Jensen teresa@sosialurin.fo Finnbjørg Nattestad finnbjorg@sosialurin.fo Gudny Langgaard gudny@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e-post: aki@sosialurin.fo e-post: dagfinn@sosialurin.fo Uppseting/prent: Uppseting: Føroyaprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Tórsgøta 1, 100 Tórshavn Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – hevur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli. Heri Ziska Vegna Bragdið og FÍF Havi sæð at Dimmalætting er byrjað við einari herferð mótið tí komandi økinum fyri frælsan ítrótt. Fyrst var tað ítróttarskrivarin sum gjørdi vart við at fótbólti- num manglaði venjingar- vøllir og róði uppundir, at kastibreytin (øki inni í rennibreytini) kundi nýtast til fótbóltsvøll. Her var tað gott at hoyra borgmeistaran Heðin Mortensen melda klárt út, at hatta var eitt øki, sum var sett av til Frælsan ítrótt, og at fótbólturin mátti brynja seg við tolið í hesari umberingini. Í eini seinni grein í Dimmalætting var sagt, at Heðin Mortensen sat mill- um tveir stólar, tí at hann sum borgmeistari hevði lagt upp til, at eitt stadion til frælsan ítrótt við 6 geir- um skuldi gerast, hóast tað ikki lýkur krøv til altjóða kappingar, og so sum ÍSF forseti góðkendi hetta. Her var róð uppundir, at frælsi ítrótturin vildi hava eitt av IAAF góðkend stadion, men at Heðin unti okkum tað ikki. Vónandi havi eg yvir- tulkað boðskapin í Dimma- lætting, men fyri at ongin misskiljing skal verða, so kann eg vegna Bragdið og FÍF (Frælsur Ítróttur Før- oya) siga, at dreymaloysnin er sjálvandi eitt sokallað »Construction Category 1«, men her er kravið millum annað, at tað er pláss fyri meir enn 10.000 áskoðarum, og at tað er ein sokallað upphitingar renni- breyt við síðuna av sjálvum stadion, ella við øðrum orðum tvær rennibreytir lið um lið. Tað eru einans 38 stadion í øllum heiminum, sum eru góðkend sum »Construction Category 1« stadion, og onki av hesum er í nøkrum Norðanlandi. Tað sum er í uppskoti er eitt stadion, sum fylgir al- tjóða krøvum og sum sam- stundis er hóskandi til ta nýtslu (venjing og fyriskip- an av oyggjaleikum), sum verður í Føroyum. Havast skal í huga, at tað sum er altavgerandi fyri frælsan ítrótt í Tórshavn her og nú er, at vit fáa umstøður til at venja frælsan ítrótt (renn- ing, lop og kast) á 365 dag- ar um árið. Vit duga at síggja, at sannlíkindini fyri at játtað verður ein fleirfaldað upp- hædd til dreymaloysnina eru lítil, eins og tørvurin á einari slíkar loysn ikki er til staðar, tí er tað at Bragdið eins og FÍF stuðla verandi ætlan 100%. Harafturat kann nevnast, at umboð fyri frælsa ítróttin í Tórs- havn (Bragdið) hava verði við til at tilevna tað upp- skot, sum er samtykt í kommununi. Øki til Frælsan Ítrótt í Tórshavn Jón Kragesteen Dagligur leiðari á Ráðnum fyri Ferðslutrygd Í degi og viku mánakvøldið 15. august segði eg í sam- røðu, at tað í útbúgvingini at taka koyrikort skal verða lagdur meira dentur á risi- koina ella váðan í ferðsluni. Segði eisini, at tað at taka koyrikort ikki skal bara skal vera nakað, sum man kann skunda ígjøgnum upp á 3 mánaðir og at útbúgv- ingin at taka koyrikortið skal vera soleiðis, at hon rørir innstillingina hjá fólki. Nevndi eisini, at út- búgvingin kundi verið væl betri. Eftirsíðan hava koyrilær- arar sett seg í samband við meg og hava ført fram, at teir skilja útsøgn mína í sjónvarpinum sum ein kri- tikk av teimum. Nú er at siga, at í samrøðuni við sjónvarpsmannin kom eg við eini nærri útgreining um, hvat eg meinti við. Men tað kom so ikki við í innslagið. At sjónvarps- samrøður verða skornar til, er einki nýtt, tað mugu vit bara liva við. Eg vil tí nýta høvi til at undirstrika, at ætlanin hjá mær var ikki at kritisera koyrilærarar, men at vísa á, at karmarnir hjá útbúgving- ini at taka koyrikort eru ikki nóg góðir. Haldi ikki tað vera at taka munnin ov fullan at siga, at millum mest grundleggj- andi forteytir hjá koyrilær- arunum er, at teir kappast um næmingarnar. Og kapp- ingarelementini, sum koma í fyrstu røð eru: 1) prísur og 2) tað at kunna taka koyri- kortið upp á stytst møgu- ligu tíð. Koyrilærarar hava sjálv- andi eitt pensum, sum teir skulu fara í gjøgnum. Men tað eru nú einaferð fleiri mátar at fara í gjøgnum eitt pensum. Tað ber til at fara stytstu leiðina, sum bara gongur út upp á at læra næmingarnar júst tað, sum sjálv koyriroyndin krevur. Men tað ber eisini til at gera meira burturúr, sum eg veit, at fleiri koyrilærarar eisini gera. Men tað krevur altso, at tú gert eyka arbeiði uttan at fáa eyka gjald. Og hetta eru, eftir míni metan, ikki góðar fortreytir. Eg kann skoyta upp í, at ein víðari avleiðing av, at koyrilærarar eru kappingar- neytar í staðin fyri sam- starvspartar, er at teir standa ov langt frá hvørjum øðrum, og hava tí, sum fak- bólkur, sera torført við at standa saman, og tað darvar menningini á økinum nógv. Haldi at tað er umráð- andi, at vit hava eitt orða- skifti um hetta evnið, og tað hevði verið áhugavert at hoyrt fleiri sjónarmið. Meiri um evnið er at lesa í álitinum "Ávegis Null- hugsjónini" á www.ferdslutrygd.fo Ikki kritikkur av koyrilærarunum