fríggjadagur 19. august 2005síða 20

20 Nr. 156 - 19. august 2005 Hóast úrslitið var helst stóra vónbrotið hjá før- oyskum fótbólti, síðani landsliðið í 1993 tapti 2-0 fyri Kypros, so helt før- oyski venjarin, at tað eisini vóru positivir lutir at síggja í avrikinum. – Tú hevur nokk rætt í, at úrslitið nokk var tann vána- ligasti parturin av dystinum fyri okkara viðkomandi. – Vit hava jú fleiri møgu- leikar, men hinvegin, so eru teir eins góðir, sum vit høvdu roknað við. Og teir skapa sær eisini nakrar møguleikar, men teir fáa so trý mál burtur hesum, og tað var so tann stóri mun- urin á liðunum. Góðskan ov lítil Ein tann størsti trupulleikin hjá føroyska liðnum tóktist vera, at góðskan í bæði uppspæli og innleggum ikki var nóg góð. Nakað sum landsliðsvenjarin á ongan hátt var ósamdur í. – Uppspælið úr aftastu ketuni var ikki nóg gott, og tí fingu vit ikki lagt nóg nógv trýst á. Tá vit so hóast alt komu um kantarnar nakrar ferðir, so vóru inn- leggini bara ikki nóg góð. Tey lógu at kalla konsekv- ent á fyrsta kypriotiska verjuspælaran, og tað er altso ikki nóg gott. Og endaliga, so fáa vit kortini nakrar stórar møguleikar burturúr, men hesar megna vit ikki at gera okkum dælt av. Tað var, sum vóru teir alla tíðina eitt lítið fet skjótari enn okkara, og tað var kanska tann størsti munurin í dystinum. Teir hava altso fleiri spælarar, sum spæla í bestu griksku deildini, og tað gevur so meira, enn um spælarar spæla í bestu føroysku deildini og í donskum fótbólti. – Tá tað er sagt, so haldi eg kortini, at vit áttu betri uppiborið. Hóast vit ikki spæla upp til okkara allar- besta, so skapa vit fleiri møguleikar. Og hóast vit missa bæði Súna og Toda, so hava vit fyri tað allar mesta eitt sera gott tak á dystinum. Og hugsar tú samtundis um, at vit hvørki hava Fróða Benjaminsen ella Julian Johnsson við í dag, so er tað klárt, at talan verður um mótbrekku. Hevði álit á Mortani Tá tosað verður um fráver- una, so er væl eisini náttúr- ligt at tosa um teir, sum loystu av. Her munnu tey flestu vera samd um, at Mortan úr Hørg var mest positiva føroyska innslagið. – Tað er einki dulsmál, at eg var sera væl nøgdur við Mortan. Hann megnar at koma, og er sera dugnalig- ur, tá trýst skal setast á teirra verju. Tað høvdu vit eisini roknað við út frá tí, sum vit høvdu sæð undir venjingunum. Nú hava vit so eisini sæð, hvat hann er førur fyri í einum slíkum dysti, og tað er avgjørt positivt, staðfestir venjarin. Hóast úrslitið soleiðis var eitt av teimum heilt keði- ligu, so tóktist Henrik ikki at halda, at nøkur orsøk var at dvølja ov leingi við keði- ligu síðurnar av dystinum. – Har var jú hóast alt eis- ini nógv positivt at síggja. Vit hava dyst móti Frak- landi um hálva triðju viku, og tá hava vit bæði Jákup og Fróða við aftur. Tað gev- ur eina góða kapping um plássini, og so mugu vit bara royna at standa okkum so væl sum gjørligt í Frak- landi, heldur Henrik Larsen at enda. Úrslitið var tað ringasta Henrik Larsen helt,at føroyska liðið átti betri uppiborið í dystinum. Ikki minst, tí liðið hóast alt skapti fleiri opna møguleikar, sum tó allir vórðu misnýttir Mynd: Álvur Haraldsen Verður helst dýrt Tað er einki at ivast í,a t Angelos Anastasiadis kann rokna við, at dyst- urin á Svangaskarði fær eitt eftirspæl fyri hans- ara viðkomandi. Tá kypriotiski venj- arin varð burturvístur av vøllinum, snøgt sagt noktaði hann at fara, og í glósum, sum ikki kundu misskiljast, gjørdi hann vart við sína ónøgd um avgerð- ina. Frágreiðing er skriv- að og send FIFA. Men hóast úrskurðurin um málið ikki verður gjør- dur enn, so vita keldur at siga okkum, at talan helst verður um bæði leikbann og bót til kypriotiska venjaran. -jm Liktenstein skapti sensatiónina Umframt dystin á Svangaskarði vórðu fimm aðrir dystir í HM-undankappingini spældir mikukvøldið. Mest óvæntaða úr- slitið í hesum var uttan iva, at Liktenstein á heimavølli stríddi seg til málleysan javnleik móti Slovakia. Eisini Andorra fekk eitt heið- urligt úrslit, tá teir megnaðu at avmarka tapið móti Rumenia til 2-0, meðan Letland á heimavølli vann frálík- an 1-1 javnleik móti Russlandi. Einasta Norðanlandi, sum spældi teljandi dyst hetta kvøldið, var Finnland, sum á útivølli vann greiðan 3-0 sigur á Makedonia. Úrslitini mikukvøld- ið vóru annars hesi: Føroyar-Kypros 0-3 Kasahkstan-Georgia 1-2 Letland-Russland 1-1 Makedonia-Finnland 0-3 Liktenstein-Slovakia 0-0 Rumenia-Andorra 2-0 -jm Tjóðarhetjan skeyt eitt av málunum, tá Frakland hitaði upp til Føroya-dystin við einum tryggum 3-0 sigri á Fílabeins- strondini FÓTBÓLTUR Jákup Mørk »Takk fyri Zidane« og »Zizou – leið okkum til HM« vóru millum skeltini, sum vóru at síggja kring vøllin, tá Frakland miku- kvøldið spældi venjingar- dyst móti Fílabeinsstrond- ini. Hóast liðið hesaferð eis- ini gav come-back til Lili- am Thuram og Claude Makelele, so var tað Zine- dine Zidane, sum tað mesta snúi seg um. Gávaði spæl- arin, sum av fleiri verður roknaður á hædd við Pelé og Maradona í alheims fót- bóltssøgu, hevur aftur játt- að at vera partur av franska landsliðnum, og hóast hann ikki domineraði dystin, so slapp hann at seta sítt týðilig merki á kortini. Ikki minst, tá hann í seinna hálvleiki økti til 2-0. Hini bæði fronskuk málini skutu William Gallas og Thierry Henry. Danir í hopla Donsklu miðlarnir fingu ovmikið at frøast um, tá tað í Parkini eydnaðist dønum at senda enska landsliðið heim við størsta tapinum í 25 ár. 4-1 gjørdist úrslitið í dystinum, men í Onglandi varð ikki tosað um, hvussu góðir danir vóru. Heldur varð fokus sett á eina kata- strofala enska byrjan til seinna hálvleik, har danir – væl hjálptir av David James – at kalla avgjørdu dystin innan fáar minuttir. Aðrastaðni spældu Týsk- land og Holland javnleik í einum undirhaldandi dysti. Noreg mátti taka til takkar við einum 2-0 tapi fyri Sveis, har tann í Føroyum so væl kendi Alexander Frei skeyt eitt av sveisisku málunum. Og loksins so eydnaðist eisini Svøríki at fáa eitt gott úrslit. Sviar tóku á heima- vølli móti Kekkia, og her tryggjaðu Henrik Larsson og Markus Rosenberg grannum okkara ein 2-1 sigur móti sterku kekkun- um. Zidane er klárur Zinedine Zidane er aftur. Fronsku áskoðararnir vilja í øllum førum vera við, at Frakland nú aftur skal teljast millum tær allar sterkastu fótbóltstjóðirnar í heiminnum. So er spurning- urin, hvat føroyska landsliðið megnar um góðar tvær vikur