týsdagur 23. august 2005síða 32

32 Nr. 158 - 23. august 2005 Oddaliðini halda tørn Talan var ikki um nøkur serliga óvæntað úrslit, tá kvinnurnar um viku- skifti spældu sínar dystir. Meðan KÍ hevur verið uttanlands í Europa-Cup ørindum, hevur B36 klintrað upp á odda- sessin, og hendan hildu tær fast um, tá tær høvdu vitjan av EB/- Streymi. Rakul N. Joensen (2 mál) og Ása Dam á Neystabø skutu málini í 3-0 sigrinum. KÍ hevur tó enn tveir dystir til góðar, og tá hildu fast um trýstið, tá tær vitjaðu í Gøtu. Og hóast KÍ-kvinnurnar onkra tíð hava verið meira sannførandi, so høvdu tær ikki stórvegis trupulleikar av at toga sigurin móti GÍ. Fyri steðgin legði Bára S. Klakstein gestirnar frammmum, og tann støðan helt sær til heilt móti endanum, tá Malena Josephsen slerdi sigurin fastan. AB hevði hesa ferð vitjan av EB/Streymi, og tann dysturin endaði við tryggum heimasigri. Seinasti dysturin var á Argjum, har AB tók ímóti FS Vágum. Her var líkt til, at tær á heimaliðnum skuldu fáa fulla úrtøku, men í seinna hálvleiki megn- aðu gestirnir kortini at javna, soleiðis at liðini fingu eitt stig hvør fyri ómakin. Úrslitini: GÍ-KÍ 0-2 (0-1) B36-EB/Streymur 3-0 (1-0) AB-FSV 2-2 (2-1) Enn einaferð fóru teir hjá EB/Streymi úr Klaksvík, har KÍ ikki megnaði at halda fast um viðrárkið, sum sigurin á Sevmýri átti at borið við sær FÓTBÓLTUR Jákup Mørk Oftani verður tikið til, at tað í veruleikanum als ikki skal so nógv til, um eitt lið skal bróta eina sonevnda ónda ringrás. Tað mundu helst eisini vera nógvir klaksvíkingar, sum roknaðu við, at hetta fór at gera seg galdandi, tá KÍ langt um leingi fekk ein sigur seinasta vikuskifti. Tann sigurin bar í fyrstu atløgu við sær, at TB varð lagt einsamalt á botnsessin, og megnaðu klaksvíkingar- nir at draga nakað av sjálvsálitið við sær úr tí dystinum, so tóktist ein sigur á EB/Streymi á ongan hátt ógjørligur. Og tað byrjaði eisini stak væl. KÍ var væl við í dystinum fyri steðgin. Teir royndu at trýsta gestirnar aftur móti brotsteiginum, og møguleikar spurdust eisini burturúr. Men meðan Kurt Mørkøre akkurát var ov stuttur ta einu ferðina, stórbjargaði Rene Tórgarð í EB/Streyma-málinum, tá málrevurin seinni gjørdist púrasta leysur. Hjá EB/Streymi vóru talan ikki um so nógvar møguleikar, men Hans Pauli var tó nær við, tá hann fyrst hevði jonglerað seg leysan, áðrenn hann høgdi til úr spískum, og einans ein fantom-bjarging frá Meinhardt Joensen í KÍ- málinum forðaði fyri einum leiðslumálið. Tað varð ístaðin KÍ, sum kundi leggja seg á odda, tá Marek hamraði til ein returbólt, sum varð stútaður út frá málinum. Kósin var kanska ikki heilt so bein, men tá Sorin Anghel royndi at stúta burtur, fekk hann bara avrættað bóltin, og so var Rene Tórgarð prísgivin. Lívligir kantar Eftir steðgin vendi spælið tó til fyrimuns fyri gestir- nar. Ikki minst vóru Hans Pauli Samuelsen og Bárður Olsen væl upplagdir á kant- unum, og fleiri ferðir vóru boð eftir KÍ-verjuni, uttan at talan tó gjørdist um teir heilt stóru møguleikarnar. Tað var eisini av kantun- um, at málið kom. Vandin tóktist annars ikki so stórur, tá Hans Pauli við rygginum móti málinum skuldi taka ímóti bóltinum, men við einum vøkrum saksasparki fekk hann kortini sent bóltin í meskarnar. KÍ royndi at svara aftur, men tað gav at kalla bak- sláttur, tá teir royndu at flyta fólk niðan á vøllin. Tað gav í øllum førum EB/- Streymi góðar fortreytir at spæla eyðkenda kontra- spælið, og so beyð ikki bøt- ur. Egil á Bø legði gestirnar framum, tá hann var fyrstur á bólti úr høgru, og tá Sorin lítla løtu seinni varð spældur leysur, var hann ísakaldur. Við 3-1 dovnaði spælið nakað, men klaksvíkingar- nir fingu eina lítla vón, tá Ove Nysted var so nógv hægstur og drønstútaði inn- legg úr vinstru. Meira enn ein vón gjørdist tað tó ong- antíð til. Sorin var enn einaferð rætti maðurin á rætta staðnum løtu seinni, og so var leyst og liðugt. Niðri við 2-4 megnaðu klaksvíkingarnir ikki at reisa seg aftur, og meðan teir fimm minuttirnir, sum dómarin hevði lagt afturat tíðini, gingu, kundu gestir- nir draga andan púrasta róliga. Tað er tó ikki nakað, sum klaksvíkingar kunnu loyva sær í hesum døgum. Hóast sigurin á TB gav nakað av luft til botnsessin, so er so langt í frá sloppið enn. Og tað er einki dulsmál, at skal felagið lyfta seg, so skal tað helst gerast í teim- um fýra komandi dystun- um. Her verður talan um dystir móti fleiri av teimum liðum, sum eru stødd niðar- liga á talvuni, umframt at Skála eisini kemur á vitjan. Í øllum førum munnu viðhaldsfólkini vóna, at talan ikki verður um spent- ar støður undan seinastu trimum umførunum. Tá skulu klaksvíkingarnir tvær ferðir til Havnar, áðrenn NSÍ kemur á vitjan í seinasta umfarinum, so tað talar av álvara fyri einum sera truplum endaspurti. KÍ-EB/Streymur 2-4 (1-0): KÍ helt ikki fast 1. deild kvinnur v t d v - j - t mál mál +/- stig 1 B36 13 10 - 2 - 1 52 9 43 32 2 KÍ 11 10 - 1 - 0 44 8 36 31 3 GÍ 13 6 - 1 - 6 22 36 -14 19 4 EB/Streymur 12 4 - 1 - 7 22 32 -10 13 5 AB 12 2 - 3 - 7 11 29 -18 9 6 FSV04 13 0 - 2 - 11 12 49 -37 2 KÍ-EB/Streymur 2-4 (1-0) 1-0: Marek Wierzbicki, 31. 1-1: Hans Pauli Samuelsen, 55. 1-2: Egil á Bø, 71. 1-3: Sorin Anghel, 78. 2-3: Ove Nysted, 86. 2-4: Sorin Anghel, 89. Dómari: Páll Augustinussen KÍ: Meinhard Joensen – Leon Bjartalíð, Ovi Nysted, Jan Andreasen, Marek Wierzbicki – Høgni Madsen (Harley Bertholdsen, 74.), Hjalgrím Elttør, Símun Joensen – Arnold Joensen (Emir Huseinovic, 76.), Kurt Mørkøre, Heðin á Lakjuni GK: Ove Nysted, Høgni Madsen, Hjalgrím Elttør, Kurt Mørkøre EB/Streymur: Rene Tórgarð - Gert Hansen, Fróði Clementsen, Andrzej Pacek, Esmar Eiðisgarð (Ólav- ur Poulsen, 46.) - Bárður Olsen, Egil á Bø, Marni Djurhuus, Hans Pauli Samuelsen - Sonni L. Peter- sen (Ronnie Samuelsen, 63.), Sorin Anghel GK: Hans Pauli Samuelsen FAKTA UM DYSTIN Kurt Mørkøre var í tveimum førum nær við, men tað eydnaðist honum ikki at skjóta KÍ burtur av niðurflytingarsessunum í hesum umfarinum Mynd: Bárður Lydersen