mikudagur 24. august 2005síða 6

6 Nr. 159 - 24. august 2005 Countryfestivalur við íblástri úr Nashville Seks av teimum, sum fara at spæla á countryfestivalinum í Vestmanna leygar- dagin 17. september, koma á festivalin við nýggjum íblástri úr Nashville, Tennessee, har fleiri føroyskir tónleikarar vitja í hesum døgum. Fleiri av Føroya fremstu tónleikarum og country- og gospel- sangarum verða á festivalinum, og Hallgrím Miðberg, ið yrkti kendasta før- oyska country-sang- in, »Eg siti so eina«, fer at syngja sín egna sang, sum Vestmenn góvu út á plátu í 80'unum COUNTRYFESTIVALUR Nógvar kendar føroyskar country- og gospelrøddir og góðir tónleikarar verða at hoyra á country-festi- valinum í Vestmanna 17. september. Undan festi- valinum vitja fleiri teirra í Nashville, Tennessee, sum er altjóða háborgin hjá country-tónleikinum. Ólavur Højgaard, Martin Joensen, Hallgrím Mið- berg, Magni Christiansen, Jóannes Ólavsson og Jákup Zachariassen eru allir kendir frá countrytónleiki og gospeltónleiki. Teir verða at hoyra á country- festivalinum, men undan festivalinum fara teir í tveimum bólkum til Nash- ville, har teir millum annað fara í upptøkuhølir. Helst koma teir aftur fullir av íblástri til countryfestivalin í Vestmanna, ið ivaleyst kann metast sum føroyska háborgin hjá countrytón- leikinum. Aðrir sangarar og tónleikarar á festivalinum verða Jóan Magnus Daniel- sen, Sólvá Ford, Øssur Christiansen, Ólavur Øster, Jónleif Jensen, Petur Jacob- sen, Eyðun Johannesen, Jógvan Olsen og Pauli Magnussen. Eg siti so eina Tann kendasti føroyski country-sangurin, »Eg siti so eina«, hevur sín uppruna í Vestmanna. Hallgrím Miðberg, sum er vestmenn- ingur, yrkti sangin í seksti- árunum, tá country- og rokktónleikurin blómaði í bygdini. Á festivalinum fer hann at syngja sín egna sang saman við Vestmonn- um, sum veruliga gjørdu sangin kendan í áttatiárun- um, tá teir góvu hann út á plátu. Skráin fyri festivalin er í fýra pørtum. Martin Joen- sen fer at undirhalda á Fjørðukrónni seinnapart leygardag. Klokkan 20.00 verður Country-gospel konsert í ítróttarhøllini. Eftir konsertina verður »countrylive« á Bryggjuni, og undan dansinum, sum byrjar í ítróttarhøllini um miðdnáttarleitið, verður framsýning í »line-dansi«. Fólk, sum fara á skeið í »line-dansi« í Vestmanna vikuskiftið 9. og 10. sep- tember, fara saman við øðrum line-dansarum at vísa síni dansikynstur. »Line-dansur« verður á skránni nakrar ferðir undir almenna dansinum. Kampingpláss Á festivalinum verður havnarlagið mitt í Vest- manna skipað sum kamp- ingpláss, og sostatt verður møguligt at fara á country- festivalin við húsvogni. Umframt tónleikin, verð- ur borðreitt við góðum mati. Á Fjørukrónni verður meksikanskt sjálvtøkuborð, og matur verður eisini seld- ur aðrastaðni í bygdini. Fyrireikararnir siga, at alt verður at fáa til »cowboy- arar« hendan dagin, uttan hestarnir, sum teir sjálvir mugu hava við. Ætlanin er, at Country- festivalurin verður eitt afturvendandi tiltak tíðliga um heystið fyri ikki at órógva summarfestivalar- nar og stevnurnar. Ein arbeiðsbólkur, sum javnan hevur skipað tiltøk fyri VÍF og onnur feløg í Vestmanna, fyrireikar festi- valin. Í ár hevur bólkurin valt at lata avlopið av tiltak- inum fara óskert til Vest- manna Talvfelag. Eyka Pipar & Salt- framførsla Ungdómsvikuskift i í Kollafirði Bæði almenn og privat gransking ANSO letur Pipar & Salt fáa Norður- landahúsið til ekstra- ordinera framførslu fríggjakvøldið UNDIRHALD ANSO - felagsskapurin hjá lesandi samkyndum í Norðurlondum - heldur til í Norðurlandahúsinum alla hesa vikuna. Men fríggjakvøldið 26. august hevur felagsskapurin einki á skránni í húsinum, og orsakað av ovurstóra áhuganum fyri framførsl- unum hjá Pipari & Salti, hevur ANSO gjørt av at lata Jákup, Sjúrð, Kim og James sleppa inn at framføra hetta kvøldið. Atgongumerki til ta ekstraordineru framførsl- una fríggjakvøldið fáast á vanligum støðum. Komandi vikuskifti verður serligt ungdómsvikuskifti í Missiónshúsinum í Kollafirði UNGDÓMUR Nú summarfrítíðin er av, og annað virksemi byrjar aftur, ætla tey í Kollafirði at hava eitt vikuskifti við ungdómsmøtum í Missi- ónshúsinum. Møtini verða fríggja- kvøldið komandi kl 19.30 við luttøku úr Miðvági, leygarkvøldið kl 19.30 við luttøku úr Fuglafirði og sunnukvøldið kl 18 við luttøku av Glyvrum. Á skránni verður sangur, tala, vitnisburður og drama. Aftaná verður bjóðað okkurt til matna uppiá, og eru øll vælkomin til hettar ungdómsvikuskifti, siga fyrireikararnir, sum síggja fram til nøkur hugnalig kvøld. ÚTBÚGVING OG GRANSKING Hóast Akureyri í Íslandi er ein býur á stødd við Havnina, er har ein lærdur háskúli sum hevur gjørt gransking og undirvísing til eina stóra vinnu. Har eru hundraðtals studentar og bæði almenn og privat gransking. Hóskvøldið 25.august kl.19.30 verður almennur fyrilestur í Norðurlanda- húsinum um møguleik- arnar hjá føroyingum at lesa á Akureyri og møgu- leikarnar fyri samstarvi við føroyingar um gransk- ing. Á fundinum fara Mikael M. Karlsson og Ágúst Þór Árnason á Samfelags- frøði- og løgfrøðideild Háskólans á Akureyri at greiða frá um millum annað eina skrá um rættindini á norðurpól- og suðurpóløkjunum. Eisini fer Kári á Rógvi at siga nøkur orð um, hvussu tað er sum føroyingur at virka í útbúgving og gransking í Íslandi. Norrøna Felagið í Før- oyum skipar fyri almenna fundinum í Norður- landahúsinum hóskvøldið kl.19.30.