mikudagur 31. august 2005síða 24

24 Nr. 164 - 31. august 2005 Heine reyk Vantandi úrslit og ein lívsstílur, sum víkir nakað frá tí seriøsa, sum helst skal eyð- kenna ein venjara. Tað tykist vera bland- ingin, sum at enda fekk nevndina í HB at geva Heine Fernandez reyða kortið HB-VENJARIN Jákup Mørk Sum vit skrivaðu í blaðnum í gjár, so var tað ógvuliga sannlíkt, at HB fór at geva Heine Fernandez sekkin sum venjari hjá besta mans- liði felagsins. Svertan var neyvan starn- að á prentaða blaðnum, tá verulig gongd kom á tíð- indini um, at nýggjur venj- ari varð funnin. Boðini vóru, at spælararnir vóru boðsendir á fund við leiðsl- una í felagnum undan venj- ingini mánakvøldið, og tað fekk illa havt fleiri enn tí einu niðurstøðuna við sær. Proletarur Alment vil eingin í felagn- um siga meira enn tað, sum er nevnt í tíðindaskrivinum. Men tað er eingin loyna, at hóast greipuna, sum felagið vann í fjør, so hevur talan á fleiri frontum verið um ónøgd við leiðsluna hjá Heine Fernandez. Sum spælari varð Heine av flestu donsku miðlunum í fleiri ár skýrdur at vera ein proletarur innan danskan fótbólt. Fleiri ferðir kom hann við útsagnum, sum ikki sampakkaðu serliga væl við hugburðin hjá venj- arum og leiðslum, og ofta varð tikið til, at hann heldur ikki førdi tann lívsstíl, sum vanliga verður kravdur av einum yrkisleikara. Fram um aðrar, so dugdi hann tó at skjóta mál, og øll árini tóktist hesin eginleik- in at vinna á kritikkinum. Og partvíst, so tykist hetta sama eisini hava gjørt seg galdandi í HB. Tá úrslitini ganga ímóti Har vóru longu í fjør røddir frammi, sum vildu vera við, at lívsstílurin hjá venjaran- um als ikki sampakkaði við støðuna hjá HB sum eitt av fremstu feløgunum í land- inum. Ivaleyst hevur leiðsl- an eisini havt hetta í huga, men tá maðurin hinvegin framhaldandi leveraði vør- una - enntá við eini greipu sum úrsliti - bar illa til at siga, at venjarin ikki var nóg góður. Men gribbarnir hava kanska bara bíða eftir rætta høvinum, og sum árið í ár hevur gingið, so er ágang- urin vorðin alt hvassari. Hóast HB framhaldandi hevur havt fast sæti frammi í oddinum, so hava úrslitini í mangar mátar ikki verið eins góð. Í steypakapping- ini gjørdist talan um tap móti ÍF, og í landskapp- ingini hava tað serliga verið avrikini á útivølli, sum ikki hava verið nóg góð. Broytingar í liðuppstill- ingini - eisini hóast hesar hava verið avleiddar av skaðum og leikbannum - hava eisini skumpað eyka undir tosið móti venjaran- um. Og tá úrslitini so eisini sviku, so var mest sum eingin bjarging hjá Heine. At spælararnir eisini hava sæð skriftina á vegginum bar avrikið á Eiði leygar- dagin síni sjónligu boð um. Sjálvandi er tað ikki til- vitað, at spælararnir fara út at spæla ein vánaligan dyst, men ytru faktorarnir kunnu í nógvum førum ávirka motivatiónina hjá spælar- unum. Tá úrslitini ganga ímóti, er skjótt at viðhaldsfólkini gerast til mótstøðufólk. Tað tykist vera lærdómurin, sum Heine Fernandez hevur fingið við sær, nú hann ikki longur er partur av oddastríðnum hjá HB Tað verður Julian Hansen, sum seinastu seks dystirnar skal standa á odda fyri besta liðnum hjá HB HB-VENJARIN Jákup Mørk Tað vóru gitingar av nógv- um slag frammi, tá tað mánadagin skuldi setast navn á nýggja HB-venjar- an. Millum annað varð her í blaðnum gitt, at Albert Ell- efsen kom at fáa ein størri leiklut enn higartil, og at nýggjur maður síðani kom at verða knýttur at honum. Hetta varð tó ikki heilt rætt. HB hevur ístaðin leit- að sær út um landoddarnar, og hevur Julian Hansen játtað at taka við leiðsluni av liðnum seinastu seks umførini. Julian, sum seinastu nógvu árini hevur búleikast í Danmark, var gjøgnum stóran part av 80'unum mettur sum besti høgri bakkurin í landinum. Við framfýsna spælinum úr verjuni gjørdist hann at kalla prototypan upp á ein modernaðan høgra bakk. Ein leiklutur, sum bara TB hevði gjørt nýtslu av í før- oyskum fótbólti fyrr. Og við ótroyttiliga arbeiðsav- rikið sínum var hann eisini ein, sum altíð gekk á odda, tá sigurin kravdi meira enn bara gott fótbóltsspæl. Og ivaleyst eru tað júst slíkir eginleikar, sum HB leitar eftir eftir undan sein- astu umførunum. Sjálvur segði Julian við Dag og Viku mánakvøldið, at hann ongantíð var í iva, tá hesin møguleikin stóð honum í boði. Hann helt, at hetta var ein møguleiki, sum var ov góður at takka nei til, og eftir at hava ráð- ført seg við familjuna og fingið avgreitt praktisku viðurskiftini á arbeiðs- plássinum, varð endaliga avgerðin tikin. Umframt góðu avrikini í HB, var Julian eisini í drúgt áramál fastur fúsur á fót- bóltslandsliðnum. Í altjóða høpi gjørdist talan tó bara um 6 dystir, men hetta kemst av, at Føroyar ikki fingu altjóða limaskap fyrr enn í 1988. Mikudagin kemur venj- arin so til landið, og so er vónin í HB, at hann er mað- urin, sum kann lyfta liðið somikið, at talan kann ger- ast um fjórða meistaraheit- ið á rað. Spælararnir góðtaka boðini Rúni Nolsøe er liðskipari á besta HB-liðnum, men sum umboð fyri spælararnar sigur hann seg ikki hava tær stóru viðmerkingarnar til málið. - Tað er ein avgerð, sum nevndin í felagnum hevur tikið. Vit vórðu kunnaðir um hesa mánadagin, og meira er sum so ikki at siga um tað. Fyri fýra árum síðani var ein líknandi støða, tá Ion Geolgau varð sendir til hús. Ta ferðina settu spælararnir seg ímóti hesum, og fingu á tann hátt sett venjaran aftur í starv. Kann tað roknast við, at ein líknandi støða endurtekur seg hesaferð? - Tað haldi eg ikki. Sum eg havi skilt tað, so hevur hópurin valt at góðtaka boðini, og nú verða so allar kreftir lagdar í seinastu dystirnar, soleiðis at enda- støðan kann gerast tann best møguliga, staðfestir Rúni Nolsøe. Nýggi maðurin Seinastu tíðina hevur Julian virkað sum venjari hjá ÍF- Føroyum, men mikudagin kemur hann so til Føroya at leiða HB seinastu seks dystirnar mynd: www.fotboltur.fo Tíðindaskrivið, sum HB legði út á heimasíðuna um seks-tíðina mánakvøldið, var soljóðandi: Sagt skal verða frá, at samstarvið millum Havnar Bóltfelag og Heine Fernandez frá í dag av er hildið uppat. Partarnir hava viðgjørt ítróttarligu úrslitini hjá felagnum í seinastuni og eru eftir hetta vorðnir samdir um at halda uppat við samstarvinum. Sum nýggjan lim í venjarahópinum er settur fyrr- verandi HB- og landsliðsleikarin og núverandi venjari hjá ÍF Føroyum í Keypmannahavn, Julian Hansen. Sagt verður somuleiðis frá, at nevndin ikki hevur aðrar viðmerkingar enn hesa til ta av felagnum tiknu støðu. BOÐINI FRÁ HB Claus og Jón Rói eru við Mánakvøldið stóð greitt, at talan ikki verð- ur um avboð frá hvørki Jón Róa Jacobsen ella Claus Bech Jørgensen til komandi landsliðs- uppgávurnar. Teir báðir fingu báðir skaðar at dragast við í farnu viku, og tí var iva- samt, hvørt tað skuldi eydnast teimum at verða klárir, nú landsliðið fer til Fraklands mikudagin. Jón Rói keikti fótin, tá Frem seinasta mikudag spældi móti Vejle í donsku steypakapping- ini, og tað hevði við sær, at hann ikki var í hóp- inum, sum skuldi spæla móti sama Vejle í lands- kappingini um viku- skiftið. Mánadagin tosaðu landsliðsvenjararnir við Jón Róa, og tá sá ljósari út. Spælarin skuldi týs- dagin taka lut í venjing- unum hjá Frem, og hann verður tí eisini við í hópinum, sum fer av- stað til Fraklands. Claus Bech Jørgensen fekk ferðilin av einum vøddaskaða, tá Coven- try fyri góðari viku síð- ani vann 3-0 á Queens Park Rangerst. Ein dyst- ur, har Claus annars skeyt fyrsta málið, sum yvir høvur er skotið á nýggja heimavøllinum hjá Coventry. Hóttandi skaðin hevði við sær, at Claus ikki var á liðnum, tá Coven- try spældi um viku- skiftið, men mána- kvøldið var hann tó partur av eykaliðnum hjá felagnum, tá hesir skuldu royna seg. Og her vóru boðini positiv. Claus var á vøll- inum mest sum allan dystin, uttan at hann merkti nakað til skaðan, og tí er hann eisini tøkur. -mørk