fríggjadagur 2. september 2005síða 7

Nr. 166 - 2. september 2005 7 – Tað er ógvuliga harmiligt, at Lands- sjúkrahúsið letur sparingar raka teir allarveikastu sjúkl- ingarnar, siga tey í Heilafelagnum SPARINGAR Áki Bertholdsen aki@sosialurin.fo – Hetta sømir seg ikki. Napoleon Joensen varð bæði kløkkur og bilsin, tá ið hann hoyrdi Útvarp Før- oya greiða frá, at sparingar á Landssjúkrahúsinum fóru at raka apopleksisjúklingar meint. Sambært Útvarpinum skal seingjatalið til apopleksisjúklingar skerj- ast úr níggju sengrum, nið- ur í fimm, tað, sum eftir er av árinum. Apopleksisjúklingar eru sjúklingar, sum hava fingið heilaskaðar av blóðtøppi ella heilabløðing og tí ger- ast tey meiri og minni óhjálpin. Napoleon Joensen er nevndarlimur í Heilafel- agnum og hann heldur lítið um hesar sparingar. Apopleksisjúklingar eru tann sjúklingurin, sum er eina ringast fyri. Og eg haldi ikki, at tað sømir seg at lata sparingar raka teir sjúklingabólkar, sum frammanundan eru teir veikastu. Apopleksisjúklingar hava frammanundan sera vána- ligar umstøður á Lands- sjúkrahúsinum og tí varðeg bilsin at frætta, at júst hesin bólkurin skuldi rakast av sparingum. Napoleon Joensen sigur at sostatt fáa apopleksi- sjúklingar ikki tær sømdir, teir eiga at fáa framman- undan og tí harmar tað hann, at teirra umstøður skulu skerjast enn meir. – Nógvir apopleksi- sjúklingar eru sera illa fyri og krevja munandi røkt alt samdøgurið. Apopleksi er sostatt ein sjúka, sum rakar alt húski hjá sjúklinginum sera hart og tí her hetta ómetaliga tyngjandi fyri tey avvarðandi. Napoleon Joensen ivast ikki í, at hetta sparitiltakið á Landssjúkrahúsinum fer at vera umrøtt, næstu ferð, Heilafelagið hevur nevnd- arfund seinni í mánaðinum. Fara at mótmæla Hanna áReynatúgvu, sum er forkvinna í Heilafelagn- um tekur fult undir við hes- um. Tá ið vit hitt hana beint fyri døgverða í gjár, segði hon, at nevndin í Heilafel- agnum hevur tosað saman og er samd um at senda landsstýrismanninum í heilsumálum og leiðsluni á Landssjúkrahúsinum eitt mótmæli. – Hetta eru sparingar, sum eru heilt burturvið, tí landssjúkrahúsið er einasta stað í landinum, sum tekur ímóti hesum sjúklingum. Tí er hetta ein sparing, sum raka bæði sjúklingarnar sjálvar og alt teirra húski, sera meint. Hon vísir á, at samstund- is eru møguleikarnir fyri at vera sendir av landinum til venjingar skerdir, tí eisini á tí økinum verður táttað í. – Vit hava arbeitt fyri at fáa fleiri tilboð til tey apopleksiraktu og tí er tað sera hugstoytt, at tað tvørt- urímóti verður spart á økin- um, sigur forkvinnan í Heilafelagnum. Hon vísir eisini á, at væntandi er, at talið á apopleksisjúklingum fer at vaksa við árinum, tí blóð- tøppar eru ein vælferðar- sjúka, sum fleiri og fleiri fáa. – Hetta eru sjúklingar, har tað er altavgerðandi at teir fáa venjingar fyri at teir, og húski teirra, kunnu fáa eitt virðiligt lív og tí er tað hugstoytt, at tað verður skert, sigur hon. Umfatandi sparingar á Landssjúkrahúsinum Tilsamans skal Landsjúkrahúsið spara tvær milliónir krónur í hesum árinum fyri at halda játtanina. Sparingarnar føra við sær, at talið á seingjaplássum til apoplexi-sjúklingar verður skert úr 9 niður í 5 seingjarpláss, tað ið eftir er av árinum. Viðvíkjandi B6 og B7 verður onnur deildin stongd um vikuskiftið, tað ið eftir er av árinum. Sostatt fara deildirnar fara at skiftast um at hava stongt um viku- skiftið. Á B8, sum er intensiv deild, eru tríggjar náttarvakt- ir, og har verður tann ein skorin burtur. Á barnadeildini eru tvær náttarvaktir og har verður onnur skorin burtur. Tá ið tilber, skal barnadeildin verða stongd í vikuskiftinum. Tá verða børnini flutt á aðrar deildir, og móttøkan verður á bráfeingis deildini í nýggja G-bygninginum. Harafturat verður reingerðin skerd. Keldur: Útvarp Føroya og Dimmalætting Eri bæði kløkk og bilsin av sparingum – Tað er syndarligt, at sparingar á Landssjúkrahúsinum skulu raka tey, sum hava apopleksi, tí hetta er ein bólkur, sum framman- undan er eina ringast fyri, siga tey í Heilafelagnum