fríggjadagur 2. september 2005síða 13

Nr. 166 - 2. september 2005 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Sverri Vilhelm, Klaksvík, andaðist á Klaksvíkar Sjúkrahúsi mikudagin 31. august, 79 ára gamal. Jarðarferðin verður kunngjørd seinni. Karolina Johannesen, Tvøroyri, andaðist týsdagin 30. august, 87 ára gomul. Jarðarferðin verður úr Tvøroyrar kirkju leygardagin 3. sep- tember klokkan 13.00. Sungið verður úr sálma- bókini. Tey, ið vilja minnast Karolinu kunnu lata Missiónshúsinum á Tvøroyri eina gávu. Konta í Føroya Banka. Andlát og jarðarferðir Í dag fríggjadagin 2. sep- tember fyllur Halldóra Z. Poulsen á Sandi 70 ár. Halldóra er dóttir Marin og Zacharias Zachariassen á Sondum. Hon traðkaði sín- ar barnaskógvar á Sondum, og er hon næstyngst av einum systkinaflokki upp á 12 børn. Halldóra er gift við Ras- musi, og tey eiga trý børn. Sonni er elstur og hevur amerikanska konu og er trúboðari. Sonni og familj- an hava starvast í frum- skóginum í Papua Ny Guinea sum trúboðarar í mong ár. Svenning hevur konu úr Leirvík og starvast hjá Róland Vidtfelt, Svenn- ing býr á Sondum á Sandi og Evie er gift manni úr Onglandi, og tey eru nýliga flutt til Føroyar og fara at búseta seg á Sandi. Halldóra hevur duga væl at halda hús, hon hevur ver- ið virkin í brøðrasamkom- uni og hevur starvast í mong ár í handlinum og við bókhaldið hjá Rólanti Vidt- felt. Halldóra hevur við sínum stilla sinni altíð veitt um- sorgan, har tørvur hevur verið á tí. Tað hava vit sanniliga merkt tá móður okkara á alt for ungum árum varð tikin frá okkum. Hjá Tantu, sum vit altíð hava kalla Hall- dóru, var altíð troyst at finna. Hjá Tantu og Rasmus stóð hurðin altíð opin, og vit eru tykkum báðum sera takksom fyri tað, tit hava verið og enn eru fyri okk- um. Nú Tanta verður sjeyti, er hon enn líka løtt í sinni og upp á tá, sum hon altíð hev- ur verið. Har Tanta er, har hendir altíð nakað, og ikki er at gloyma teir góðu drekkamunnarnar, sum hon altíð ber á borðið, tá hugt er inn á gólvið. Væl hevur Tanta duga at loyst úr lagdi, hvat tað so er. Hon dugur sera væl til hendurnar. Vit vilja ynskja Tantu hjartaliga tillukku við degnum og Guðs ríku sign- ing í framtíðini, við tøkk fyri tað hon altíð hevur verið fyri okkum øll. Annebeth Halldóra Z. Poulsen á Sandi 70 ár Leygardagin 3. september kunnu hjúnini Elsa og Jógvan Petersen, vanliga nevndur Jógvan Sev, í Kollafirði, halda gullbrúd- leyp. Dagurin verður hildin í missiónshúsinum í Kolla- firði millum kl. 10 og 14, har tey ið ynskja at gleða gullbrúðarparið eru hjarta- liga vælkomin. Elsa og Jógvan búðu mong ár í Vestmanna, har hann var maskinmeistari hjá elfelagnum Sev. Jógvan arbeiddi har, til hann legði frá sær í august 1994, 63 ára gamal. Hóast tað eru fleiri ár síðan Jógvan gavst hjá Sev, verður hann fram- vegis nevndur Jógvan Sev. Jógvan er fuglfirðingur. Foreldrini vóru: Martina og Sámal Petur Petersen, hann var ættaður av Viðareiði. Elsa er ættað úr Klaksvík, foreldur hennara vóru Herdis og Hans Pauli Klein. Elsa og Jógvan giftust í Havn í 1955 og búsettust í Vestmanna, har tey búðu til 1989, tá tey fluttu til Kolla- fjarðar. Jógvan lærdi til el-in- stallatør hjá Tofta Karl í Klaksvík. Í 1953 kom hann í starv hjá einum elektrik- ara í Vestmanna, nevndur Petersen. Teir vóru við í ar- beiðinum av stóru vatn- orkuútbyggingunum hjá Sev í Vestmanna í 50-un- um. Í 1954 kom hann í starv hjá Sev. Jógvan er fittur í hond- unum, kreativur og tiltikin góður handverkari. Hann hevur altíð góð hugskot. Tað eru eisini nógv fólk, sum millum ár og dag hava notið gott av hansara evn- um til at loysa ymiskar trupulleikar og finna loysn- ir - næstan líka mikið hvat tað er, so hevur hann eina loysn. Honum hevur altíð dámt væl at royna nakað nýtt og spennandi, hann hevur mangan staðið á skíðum, bæði í kava og á vatnskíð- um. Vind-surfing hevur hann eisini roynt. Hann hevur eisini verið nógv í bjørgunum og fleyga fugl, bæði í Vestmannbjørgunum og í Settorvuni nærhendis Viðareiði. Elsa er framvegis virkin innan fimleikin, sum altíð hevur havt hennara áhuga. Hon hevur í mong ár havt ymisk kvøldskúlaskeið í fimleiki ymsastaðni, sum t.d. í Vestmanna, Kvívík og Kollafirði. Hon er sjálv- lærd, men hevur verið til ymisk skeið í hesum sam- bandi. Hóast hon er farin upp um tey sjeyti, undir- vísir hon pensionistum í Kollafirði í fimleiki í bygdarhúsinum. Elsa var heimaarbeiðandi meðan børnini vóru smá, og gav hon sær góða tíð til at vera um tey, vegleiða tey, biðja við teimum og læra tey úr Guðs orði. Elsa og Jógvan eru bæði virkin í samkomuni Zion í Kollafirði, har tey hava sítt andaliga heim. Tá jólatræið í bygdini varð tendrað í fjør, helt Elsa eina góða talu. Eisini vitjar hon á hvørj- um ári hvørt hús í Vest- manna, tá hon selur álma- nnakkan "Ráðgevari mín", við einum skriftbroti fyri hvønn dagin. Børnini hjá Jógvan og Elsu eru: Marna, sum býr í Danmark, Dánjal, sum býr í Kollafirði, Hergerð, sum býr í Gøtu, og Senøva, sum býr í Havn. Barnabørnini eru 9 í tali. Elsa og Jógvan Petersen gullbrúdleyp DANSUR Komandi vikuskifti verð- ur country tónleikur í hæddini í Glitni - hugna- liga dansistaðnum á Skálatrøð. Countrytónleikin hava føroyingar veruliga tikið til sín, og vanligt er at fólk møta fjølment upp at fáa sær ein svingandi countryvals ella bert at lurta eftir teimum eyð- kendu "countryslagar- unum". Nú býðst so høvi at koma í Glitnir at njóta vælumtóktan country- tónleik - livandi tónleik frá byrjan til enda, í væl- umtókta umhvørvinum í Glitni. »Her er gott at dansa...« Dansigólvið í Glitni er helst millum tey bestu í Føroyum, og við livandi tónleiki afturvið er møguleiki veruliga at fáa "luft undir" dansiskógv- arnar. Ljóðviðurskifti gera at tú fer í annan heim, meðan tit fara leik- andi løtt yvri dansigólv- ið. Fríggjakvøld og leygarkvøld Tey trý: Njál Reinert Petersen, Mourits Mohr og Sólva Ford, fara at borðreiða við einum slagara fyri og øðrum eftir - bæði fríggjakvøld- ið 2. og 3 september frá kl.23.30, verður møgu- leikin at fáa sær ein góð- an upplyftandi country- dans. Hetta er ein gyltur møguleiki at tvinna hugaliga umhvørvið í Glitni saman við góðum tónleiki, so vit síggjast vónandi í Glitni. Country vikuskifti í Glitni www.sosialurin.fo