týsdagur 6. september 2005síða 23

Nr. 168 - 6. september 2005 23 Fyri aðru ferð í ár og triðju ferð í allari formel1 søguni komu allir bilar, sum byrj- aðu koyringina á mál, tá heimsins bestu rasarakoyrarar kapp- aðust á Monza breyt- ini í Ferrari landi FORMEL 1 Niels Uni Dam nielsuni@sosialurin.fo Á Indianapolis breytini fyrr í ár komu allir bilar, sum byrjaðu koyringina í má. Tá luttóku tó einans teir seks bilarnir, sum brúka Bridge- stone dekk. Hetta var aðru ferð í allari formel 1 søg- uni. Á Monzabreytini sunnudagin byrjaðu 20 bilar, og allir sum ein komu á mál. Hetta hóast øll spáddu stórt mannfall á Monzabreytini, ið slítur motorarnar á formel 1 bilunum harðliga. Montoya vann Kolumbiumaðurin í Mc Laren-Mercedes Juan Pablo Montoya byrjaði av fyrstu byrjunarstøðu, og megnaði at halda spanska Renault koyraran Fernando Alonso aftan fyri seg alla koyringina,. Montoya tók sostatt sín annan sigur hetta kappingarárið. Alonso kom um málstrikuna beint í høl- unum á honum. Dekktrupulleikar aftur Michelin dekkini fingu aft- ur á Monza ein óhepnan leiklut, við dekktrupulleik- um á vinstra bakhjóli á báðum McLaren Mercedes bilunum. Dekktrupulleikar og eitt pittstopp at skifta vinstra bakdekk kostaðu Räikkönen í minsta lagið annað pláss, og møguliga eisini sigurin. Enn verri var, at hetta ivaleyst eisini av- gjørdi slagið um heims- meistaraheitið. Räikkönen endaði á fjórða plássi. Montoya fekk somuleiðis trupulleikar við sínum vinstra bakdekki, hetta hendi við 4 umførum eftir, og kolumbiumaðurin stríddi seg á mál, men misti nógva tíð, so Alonso á øðrum plássi var beint í hølunum á honum um mál- strikuna. Liðfelagin hjá Alonso, Giancarlo Fisi- chella tók triðja plássið á sigurskammlinum. Hetta er ikki fyrstu ferð, at Michelin dekkini fáa ein óhepnan leiklut. Williams bilarnir, ið eisini brúka Michelin dekk, punkteraðu í seinastu koyring báðir á høgra bakdekki tvær ferð hvør og noyddust tí at gev- ast. Fyrr í ár valdu allir bil- ar við Michelin dekkum ikki at luttaka í ameri- kansku koyringini á Indi- anapolis, tí dekkini ikki vóru trygg. Hetta er sera óheppið fyri trúvirði hjá Michelin. Ein gandaður finni Kimi Räikkönen koyrdi sum ein meistari alt viku- skiftið, men um hann var gandaður, hevði tað ikki gingið verri. Trupulleikar- nir byrjaðu áðrenn tíðar- koyringina. Enn einaferð sveik Mercedes motorurin hjá unga finnanum. Hann noyddist at skifta motor, hetta flutti hann tíggju byrjunarstøður aftur. Hann koyrdi skjótastu tíðina í tíðarkoyringini leygardag- in, og byrjaði sostatt á ell- inta plássi. Í byrjanini slapp Jaques Villeneuve framvið Räik- könen, sum sjálvur fór framvið Ralf Schumacher. Fyri Räikkönen var hetta sera óheppið, tí í 14 umfør lá hann á ellinta plássi, uttan at sleppa framvið Villeneuve. Tá Villeneuve fór í pitt at fáa sær bensin, varð Räik- könen verandi úti, hann var byrjaður við fullum tanga, og bíðaði heilt inntil 24. umfar við at fara í pitt. Hetta flutti hann heilt upp á annað pláss, áðrenn hann fór í pitt. Hann fylti tangan aftur, og hetta var nóg mikið at koma í mál við. Hann hevði sostatt ætlanir um bara at hava eitt pittstopp, meðan allir hinir skuldu inn aftur. Tí var ein sigur ikki heilt ósannlíkur. Men á 28. um- fari, byrjaði vinstra bakhjól á McLaren-Mercedes’inum at skrædna. Räikkönen varð noyddur aftur í pitt, og kom út aftur á 11 plássi. Hetta kostaði ivaleyst sig- urin og møguliga eisini heimsmeistaraheitið fyri koyrarar. Ringur Ferrari dagur Ferrari høvdu ringasta dag á heimabreytini í nógv ár, tá hvørgin bilurin megnaði at koma í stigini. Michael Schumacher var í skuggan- um av liðfelaganum Rub- ens Barrichello allan dagin. Barrichello tók sætta pláss frá Schumacher í byrjanini, og lá framman fyri týskar- anum, heilt inntil eitt av hansara Bridgestone dekk- um punkteraði. Hetta kost- aði tíð, og Barrichello end- aði tí á tólvta plássi, tvey pláss aftan fyri Michael Schumacher. Eisini Jenson Button, sum byrjaði av triðja plássi, mundi kenna seg heldur skuffaðan, av bert at fáa eitt stig á áttanda plássi. Toyota gjørdist ein av teimum meira jaligu upp- livingunum, Liðið fekk fimta og sætta pláss, og vísti at Toyota megnar at kappast við tey stóru liðini. Pizzonia avloysti Heidfeld Triði koyrarin hjá Williams Antonio Pizzonia, avloysti Nick Heidfeld hetta viku- skiftið og fekk tvey stig á sjeynda plássi. Heidfeld valdi í samráð við formel 1 læknarnar ikki at luttaka í koyringini, tí hann var so ringur av høvupínu. Pínan var sera svár í fríggjakvøldið aftan á, at hann hevði royndarkoyrt, leygarmorgun var pínan enn ring. Heidfeld rendi á við nógvari ferð seinastu viku, tá hann royndar- koyrdi, og pínan stavar sambært f1.com ivaleyst frá hesum óhappi. Pizzonia er royndar- og eykakoyarari hjá liðnum, og hann hevur fyrr verið dystin fús sum avloysari. Hann koyrdi fýra koyringar fyri Ralf Schumacher í fjør, tá hesin fekk brot á ryggin á Indianapolis breytini. Heimsmeistaraheitið er mist Heimsmeistarin í formel 1 2006 fer ikki at eita Micha- el Schumacher. Hetta kann staðfestast aftan á koyring- ina á Monza. Fernando Alonso hevur 48 stig fleiri enn Schumacher, og við einans fýra koyringum eftir er munurin ov stórur til, at Schumacher kann vinna. Eisini stríðið millum Alonso og Räikkönen er meira ella minnið avgjørt, við 27 stigum á muni, skal finnin vinna allar koyring- arnar, meðan Alonso ikki má fáa meira enn 14 stig, tað er t.d. trý fimta pláss og eitt sjeynda pláss. So spaniumenn kunnu byrja at gleða seg. Tí longu um eina viku kann alt verða avgjørt, um Alonso fær fýra stig fleiri enn Räikkönen, er spaniumaðurin heims- meistari. Úrslitið á Monza breytini í Italia Nr. Koyrari Bilslag stig 1 Juan Pablo Montoya McLaren-Mercedes 10 2 Fernando Alonso Renault 8 3 Giancarlo Fisichella Renault 6 4 Kimi Räikkönen McLaren-Mercedes 5 5 Jarno Trulli Toyota 4 6 Ralf Schumacher Toyota 3 7 Antonio Pizzonia Williams-BMW 2 8 Jenson Button BAR- Honda 1 9 Michael Schumacher Ferrari 10 Felipe Massa Sauber-Petronas 11 Jacques Villeneuve Sauber-Petronas 12 Rubens Barrichello Ferrari 13 Christian Klien Red Bull Racing 14 David Coulthard Red Bull Racing 15 Mark Webber Williams-BMW 16 Takuma Sato British American Racing Honda 17 Tiago Monteiro Jordan-Toyota 18 Robert Doornbos Minardi-Cosworth 19 Narain Karthikeyan Jordan-Toyota 20 Christijan Albers Minardi-Cosworth HM fyri koyararar 1 Fernando Alonso 103 2 Kimi Räikkönen 76 3 Michael Schumacher 55 4 Juan-Pablo Montoya 50 5 Jarno Trulli 43 6 Giancarlo Fisichella 41 7 Ralf Schumacher 35 8 Rubens Barrichello 31 9 Nick Heidfeld 28 10 Jenson Button 24 - Mark Webber 24 HM fyri lið 1 Renault F1 144 2 McLaren-Mercedes 136 3 Scuderia Ferrari 86 4 Toyota Racing 78 5 BMW WilliamsF1 54 6 Red Bull Cosworth 27 7 BAR Honda 25 8 Sauber Petronas 14 9 Jordan Toyota 11 10 Minardi Cosworth 7 Allir 20 komu í mál Michelin hava stórar trupulleikar - Trupulleikar við vinstra bakdekki kostaðu Räikkönen sigurin, og sami trupulleiki var um at kosta Juan Pablo Montoya sigurin