týsdagur 6. september 2005síða 25

Nr. 168 - 6. september 2005 25 Móti totalu yvirvág- ini, sum Frakland í veruleikanum var, var trupult hjá føroysku spælarunum at seta sítt merki á dystin. Eitt undantak var tó Jákup Mikkelsen, sum ferð eftir ferð syrgdi fyri, at franski sigurin hóast alt ikki gjørdist munandi størri SPÆLARAUMMÆLI Jákup Mørk 1. Jákup Mikkelsen, B36 (39 dystir/0 mál) Var í serflokki fremsta or- søkin til, at franski sigurin ikki gjørdist størri enn tað sama. Málini fekk hann einki gjørt við, men hevði í nógvum øðrum førum frá- líkar bjargingar, tá fronsku stjørnurnar gjørdust leysar. Ikki minst mundi Thierry Henry kenna seg heldur frustreraðan, tá tað ikki eydnaðist honum at skora. Og so var eisini gleðiligt at síggja, at hann í fleiri før- um varð standandi á bein- unum, heldur enn at selja seg, tá hann fór út ímóti. 2. Súni Olsen, AaB (22/1) Var kanska ein av føroysku spælarunum, sum ikki spældi upp til sítt allar besta hesaferð. Men tað skyldaðist kanska eini kvika Malouda, sum støð- ugt legði stórt trýst á í borð- inum. Kom ikki so nógv niðan til vandamiklu dia- gonal-bóltarnar, sum plaga at eyðkenna gøtumannin, og var í tveimum førum fyri steðgin orsøk til óneyðugan bóltmiss. Var tó eisini mað- urin, sum legði upp til bestu føroysku royndina, tá Claus mundi stúta Føroyar upp á 1-1. 3. Mortan úr Hørg, VB (2/0) Fekk afturval eftir góða avrikið móti Kypros, og verður hugsað um mótstøð- una, so var bitin eisini størri hesaferð. Kom tí á ongan hátt eins nógv fram- eftir í spælinum, sum hann gjørdi á Svangaskarði, og í nøkrum førum hevði hann hug at selja seg, heldur enn at sýna neyðuga tolið yvir fyri beinleiðis mótstøðu- manninum. Varð skiftur út tíðliga í seinna hálvleiki, men spældi seg á ongan hátt av liðnum. 5. Jón Rói Jacobsen, BK Frem (23/0) Eftir laka avrikið móti Kyp- ros, var Jón Rói hesa ferð ein sannur brandur í før- oysku verjuni. Átti í nógv- um førum avgerandi fótin, sum forðaði fyri franskari skotroynd, og tó at hann í luftspælinum var yvir- matchaður av Cisse, so var hann hvørja tí einastu ferð uppi og órógvaði, so Liver- pool-stjørnan ikki fekk alt ov lætt spæl. 6. Rógvi Jacobsen, ÍA Akranes (34/6) Kom av beinkinum seinastu 25 minuttirnar, tá nýtt blóð skuldi setast í álopspartin. Var við kropsstyrki sínari við til at halda fast í mót- støðuliðnum hesa seinastu løtuna. Men tá var ferðin sum so farin av dystinum, og tí kann avrikið ikki av álvara metast. 7. Fróði Benjaminsen, B36 (33/2) Byrjaði hart og kontant við at jarðleggja Zidane, tá hesin ætlaði sær ígjøgnum føroyska miðvøllin, men eins og restin av liðnum, so gekst tó illa at seta seg í respekt. Royndi tó støðugt at fáa skipað føroyska spælið, tá møguleikin var til tess, og var aloftast ein av millumstøðunum, tá før- oyskt uppspæl varð fingið í lag. Tykist tó enn hava trup- ult við at røkka støðinum sum hann var á og týdn- inginum, sum hann hevði fyri liðið fyri tveimum árum síðani. 8. Claus Bech Jørgen- sen, Coventry CFC (7/1) Hóast hann var nakað iva- samur fyrr í vikuni, so var Claus tøkur, tá dysturin stóð fyri framman, og tað munnu føroyingar fegnast um. Tað var sjónligt, at hann var vanur við eina hægri leikferð enn liðfelag- arnir, og tí megnaði hann í nógvum førum at hugsa tað pettið skjótari, sum er so alneyðugt í altjóða dystum. Tordi og vildi bjóða av, og var eisini um reppið at javna til 1-1, tá hann sera neyvt stútaði móti franska málinum. Saman við stóra arbeiðsavrikinum merktist sjúkralegan tó, sum dystur- in leið, og útskiftingin var á ongan hátt ónáttúrlig. 9. Jákup á Borg, HB (41/2) Var ein av føroysku spælar- unum, sum stóð hampuliga sterkur í myndini - hóast hetta ikki tolir sammetingar við mótstøðuna. Arbeiddi sum ein hestur í allar 90 minuttirnar, og tók eisini lut í nógvum av tí, sum før- oyingar megnaðu at skapa niðaneftir. Kom eisini í einstøku førum til innlegg, og var á hendan hátt við í uppspælinum til vanda- mestu føroysku royndina eftir steðgin. 10. Todi Jónsson, IK Start (45/9) Ikki enn einaferð freistast tú at siga, nú Todi aftur mátti av vøllinum við ein- um vøddaskaða. Í hesum førinum fekk hann tó ikki sannført um leiklutin, sum hann kann hav fyri før- oyska liðið. Var alt ov einsamallur í so máta, og tá mótstøðumenninir eru somikið sterkir og skjótir sum Thuram og Boumsong, megnaði føroyska essið ongantíð at skræða seg leysan av markeringunum. 11. Andrew av Fløtum, Fremad Amager (20/1) Skuldi hesa ferð vera bindi- liðið millum miðvøll og álop, og undir givnu um- støðunum var tann leiklut- urin sera tungur at fullføra. Royndi tó at halda bóltin- um, tá hann varð spældur niðan, og leitaði ofta djúpt, tá miðvøllurin skuldi av- lastast. 12. Christian Høgni Jacobsen, NSÍ (23/2) Kom á vøllin fyri Mortan úr Hørg, og var við til at styrkja um føroyska spælið í høgra verjuborðið. Hætt- aði sær eisini niðan eftir vøllinum nakrar ferðir, tá trýstið var nógv linkað, og sýndi enn einaferð, at hann eisini er ein gardering á hesum plássinum. Men tað verður helst sum áleypari, at vit koma at síggja hann í næta dystinum. 13. Óli Johannesen, TB (74/1) Sum verjuskipari var lið- formaðurin støðugt í fokus, og fyri tað allar mesta megnaði hann eisini at vera tann, sum gekk á odda í royndini at standa móti støðuga trýstinum. Tóktist tó í einstøkum førum nakað tungur, tá hann einar tvær ferðir hevði ilt við at standa á vøllinum. Taldist tó sum heild millum stinnastu før- oysku spælararnar, og so skulu óteljandi væl eydn- aðu off-side fellurnar ikki gloymast, tá týdningur hansara fyri liðið skal gerast upp. 14. Ingi Højsted, B36 (2/0) Var helst mest óvæntaða elementið í føroysku upp- stillingini, men í nógvar mátar takkaði hann venjar- anum fyri álitið. Hóast umstøðurnar vóru alt annað enn lættar við Viera, Zidane og Makelele sum beinleiðis mótstøðumonnum, so var farið við fullari megi í hvønn nærdyst, og í upp- spælinum sýndi hann eisini dygdir. Hevði eisini eina av fáa føroysku skotroyndun- um, men tann bólturin var nærri stadion-urinum enn franska málinum. 17. Heðin á Lakjuni, KÍ (15/1) Kom á vøllin fyri Claus, tá kreftirnar ikki rukku long- ur, og skuldi við skjotleika sínum helst vera avbjóð- andi í spælinum. Kom tó ongan tíð av álvara inn í dystin, og kann tí illa met- ast fyri avrikið. Málverjin kroystur í fokus Sjáldan hevur yvirvágin hjá mótstøðuni verið so stór, sum hon var tað hesaferð, og tað sæst helst eisini aftur í spælaraummælunum Mynd: Álvur Haraldsen