mikudagur 14. september 2005síða 12

12 Nr. 174 - 14. september 2005 Absalon Tvørfoss úr Norðragøtu andaðist í heim- inum sunnudagin 11. september, 70 ára gamal. Kistan fer úr heiminum í kirkjuna í Gøtu miku- dagin klokkan 18.00. Jarðarferðin verður hósdagin klokkan 14.00. Tey, ið vilja minnast Absalon, kunna lata Kirkju- liga Missiónsfelagnum eina gávu. Konto í pen- ingastovnunum. Charlotta Christiansen, Porkeri, andaðist mána- dagin 12. september, 95 ára gomul. Kistan fer úr Eldrasambýlinum í Vági í Porkeris kirkju í kvøld klokkan 17. Jarðarferðin verður leygardagin klokkan 14. Sungið verður úr sálmabókini. Tey, ið vilja minnast Charlottu, kunnu lata eina gávu til Missiónshúsinum í Porkeri. Saloma Frederiksen, Múli, andaðist á Norðoya Røktarheimi sunnudagin 11. september, 92 ára gomul. Kistan fer frá kapellinum hóskvøldið klokkan 18 heim í Christianskirkjuna. Jarðarferðin verður fríggjadagin klokkan 13.30 frá Christians- kirkjuni í kirkjugarðin í Norðdepli. Tey, sum vilja minnast Salomu, kunnu lata Norð- oya Røktarheimi eina peningagávu. Konto í Norð- oya Sparikassa. Andlát og jarðarferðir NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Tøkk Hjartaliga takki eg øllum, sum gleddu meg á 75 ára degnum tann 24. juni 2005 og gjørdu mær dagin so hugnaligan og ógloymandi. Tøkk til tykkum øll, sum á ein og annan hátt mintust til mín. Harrin signi tykkum øll. Elin Thomsen, Klaksvík 80 ár Í dag, 14. september fyllir Margith Nielsen á Eiði 80 ár. Tey, ið hava hug at heilsa uppá Margith, eru vælkomin inn á gólvið millum kl. 12.00 og 18.00. Dagurin 14. september. Dýrd krossins. Eisini rópt kross- messa um heystið. Krossurin, sum drotningin Helena fann, Kristi krossur, varð tikin og fluttur burtur av heidningum, men funnin aftur og førdur til Jerusalems. Dagurin hátíðarhildin til minnis um hesa hending. 14. september er eisini dagurin, tá ið atkvøðu- greiðsla í 1946 var í Føroyum um samband við Dan- mark ella loysing. Hjá Føroya Shell hava tey tann politikk, at tey gera nakað burtur úr, tá starvs- fólk hava rundar starvs- dagar, og 3. september 2005 hevði Trygvi Hansen starvast 15 ár í fyritøkuni. Hetta bleiv eisini markerað. Trygvi er 39 ára gamal og havnarmaður. Hann lærdi til maskinsmið hjá P/F Wenzel Petersen og varð útlærdur í 1988. Eftir at hava koyrt lastbil hjá Just Sivertsen í tvey ár fekk hann starv hjá Føroya Shell 3. september 1990. Fyrstu árini koyrdi hann tangabil, og síðan 1. januar 1993 hevur hann arbeitt sum oljufýrservicemaður. Trygvi sigur, at hesi árini hann hevur arbeitt í hita- tænastuni eru oljufýring- arnar vorðnar nógv stabil- ari, tað er sjáldan at tær t.d. steðga av stormi og ringum veðri. Arbeiðstíðin verður fyri tað mesta brúkt til at gera tey árligu eftirlitini. Annars er at siga um Trygva at honum dámar væl at renna – eisini saman við starvsfeløgunum. Um- framt at hann luttekur í flestu rennikappingum í Føroyum, hevur hann eisini luttikið í eini marathon- kapping í Keypmannahavn. Trygvi er giftur Mary, f. Johannesen, úr Havn. Tey búgva í Hoyvík og eiga trý børn: Rannvá, Svanna og Hørður. Trygvi Hansen, Hoyvík: Starvsdag hjá Føroya Shell Møguleikarnir fyri at finna dygdarvørur til sámuligir prísir eru rættiliga avmarkaðir, tá byggjast skulu hús í Føroyum BYGGING Tíðindaskriv Hesa royndirnar gjørdi Harald Winther Knudsen sær, tá hann í 2001 flutti til Føroyar og fór undir at byggja sær og familjuni eitt nýtt heim. Hann hevði góð- an kunnleika til byggi- marknaðin í Danmark, tí at hann í fleiri ár hevur arbeitt við at økja um virði á bygn- ingum við at finna dygdar- vørur til rættan prís í sam- bandi við bygging og um- byggingar. Tá Harald saman við før- oysku konu síni og børnun- um avgjørdi at seta búgv í Føroyum, gjørdi hann av, at nú skuldi hann undir sítt síðsta byggiprojekt, og byggja sær júst tey húsini hann altíð hevði ynskt sær. Men tað gjørdist ikki so lætt, sum hann hevði ímyndað sær. Við sínum kunnleika til útboð og prísir, ásannaði hann, at fleiri avmarkingar eru á føroyska marknaðinum. Hann undraði seg yvir, hví prísir og útboð í Føroyum vóru so nógv øðrvísi enn í Danmark og aðrastaðni í Evropa. Harald fór tí sjálv- ur í holt við at kanna møgu- leikan fyri at flyta útvaldar vørur inn sjálvur til ein bíligan prís, og hetta kann- ingararbeiðið endaði við, at meginparturin av húsunum í Hákunargøtu í Hoyvík varð gjørdur úr tilfari, sum hann sjálvur innflutti. Eitt nú setti hann serlig krøv til vindeyguni. – Vindeygu skulu eftir mínum tykki vera so frí fyri viðlíkahald sum gjørligt, og tí vildi eg hava vindeygu við aluminiumsprofilum útvendiga til míni hús. Eg visti av royndum, at donsku Velfac vindeyguni best luku hesar treytir. Sam- bandið við verksmiðjuna førdi til, at eg fekk møgu- leika at gerast umboðs- maður teirra í Føroyum. Hetta var byrjanin til smápartafelagið Byggitil- far, sum Harald og Suni Joensen eiga í felag. Her- fyri lat felagið upp eina søluframsýning í Hákunar- gøtu 6 í Hoyvík. Umframt Velfac-vin- deyguni innflutti felagið eisini betongelement frá Tinglev Elementfabrik í byrjanini. Hesar vørur kunnu nú seljast bíliga í Føroyum, tí sp/f Byggitilfar hevur fingið avtalu við framleiðararnar, sum ber í sær, at vørurnar kunnu seljast til verksmiðjuprís uttan vinning til millum- handlarar. Sp/f Byggitilfar hevur síðan fingið líknandi av- talur við framleiðarar av trægólvum og granitflísum, og arbeitt verður støðugt við at finna nýggjar útvald- ar dygdarvørur at selja eftir sama prísvinarliga leisti. Tað fyrst og fremst byggiharrar, timburmeista- rar og timburhandlar, sum fyritøkan vendir seg til, men eisini til einstaklingar við størri verkætlanum. Søluframsýningin hjá sp/f Byggitilfar í Hákunar- gøtu 6 er opin hvønn ger- andisdag millum kl. 15.30 og 18 og leygardag frá 13 til 16. Dygdartilfar til verksmiðjuprís Harald Winther Knudsen, Suna Joensen og Gutti Harryson í nýggja framsýningarhølinum hjá sp/f Byggitilfar