leygardagur 17. september 2005síða 8

8 Nr. 177 - 17. september 2005 Nú verða aftur grundøki at fáa í Kollafirði Tórshavnar Komm- una hevur lagt fram eina nýggja ætlan fyri Kollafjørð. Øki verða sett av til sethús og til eitt miðstaðarøki SETHÚS Snorri Brend Kollafjørður: Nú skal aftur verða møguligt at fáa grundøki til keyps í Kollafirði. Í mong ár hevur høvuðs- staðurin stríðst við at út- vega grundøki til øll tey mongu, sum ynsktu og ynskja at seta búgva her. Men í Kollafirði hevur støðan eisini verið hon, at trupult hevur verið at út- vega nóg nógv grundøki til eftirspurningin. Hetta hevur Tórshavnar kommuna nú sett sær fyri at finna eina loysn uppá. Og á býráðsfundi hóskvøldið var eitt mál um broytingar í byggisamtyktini í Kolla- firði til viðgerð. Hetta málið varð samtykt uttan atkvøðugreiðslu. Tørvur Tað hevur leingi verið tørv- ur á grundøkjum í Kolla- firði, tí eftirspurningurin hevur verið so stórur. Nú hevur kommunan so gjørt ein býarplan fyri Kollafjørð, har ein í fyrsta lagi fær eini 70 grundøki til sethús. Ætlanin er eisini at útvega sær øki til framtíðar menning av bygdini. Neyðugt hevur verið at broytt byggisamtyktina fyri bygdina, har tað í fyrstu syftu snýr seg um grundøki og í øðrum lagi eisini til miðstaðarbygging. Í samband við málið vóru komin inn trý mótmæli frá borgarnum í Kollafirði, sum m.a. mótmæla broyt- ingunum av økjum – m.a. at eitt ávíst øki, sum varð nýtt til landbúnað skuldi broytast til eitt alment frí- lendi, og eitt annað, har mótmælt verður at eitt landbúnaðarøki verður broytt til alment endamál. Alt málið hevur eisini verið til ummælis í tí ser- støku Kollfjarðarnevndini, sum hevur tikið undir við ætlanini. Øll hesi mótmælini hava verið viðgjørd í nevndun- um, men semja er kortini um at halda fast við tær ætlaðu broytingarnar. Og á býráðsfundi hós- kvøldið varð so samtykt at fara undir hesa ætlanina. Býarplanur fyri Kollafjørð er nú gjørdur, og nú verður aftur høvi at ogna sær grundøki í bygdini. Borgar- stjórin, Heðin Mortensen fegnast um, at tað nú aftur verður gjørligt at útvega sær grundøki í Kollafirði Mynd: Jens Kr. Vang Eftir at hava arbeitt við ætlanini í eina tíð er nú greitt, at Eldraráðið í Havn skal mannast. Atkvøðugreiðslan endar seinast í november mánaði ALDUR Snorri Brend Havn: Í næstum fer eitt heldur øðrvísi val at fara fram í Havnini. Veljast skal eitt serstakt Eldraráð við fimm limum, sum allir borgarar í Havnini omanfyri 60 ár skulu at- kvøða um. Valið verður skipað við brævatkvøðum, sum skulu verða kommununi í hendi innan 29. november. Tá er ætlanin at allar at- kvøðurnar skulu teljast upp í Snarskivuni henda dagin. Og síðani verður kunn- gjørt, hvørji teir fyrstu lim- irnir í hesum ráðnum verða. Tað verður sosiala nevndin hjá býráðnum sum skipar fyri hesum valinum, bæði hvat viðvíkur upptelj- ingini og við sjálvum valinum. Ráðgevarar Endamálið við hesum eldraráðnum er at ráðgeva býráðnum í øllum málum sum hava við tey eldru at gera. Ráðið skal eisini koma við hugskotum og annars virka fyri, at vitan og royndir hjá teimum gomlu verða virðismett og gagn- nýtt. Eldraráðið kann tí eisini úttala seg um eitthvørt evni, sum hevur áhuga hjá teimum gomlu, og her koma við hugskotum og uppskotum. Somuleiðis verður gjør- ligt at seta spurningar til býráðið um eldrapolitikkin og í sambandi við fíggjar- ætlanina. Annars verur skipað fyri serstakari ráðstevnu fyri tey eldru í Norðurlandahúsin- um hósdagin 6. oktober. Her verða viðurskifti hjá teimum eldru her og í øðrum londum lýst, - m.a. eisini tá talan er um tey serstøku Eldraráðini. Tey eldru á val til Eldraráðið Tey eldru í Havnfáa nú møguleika at velja sítt egna ráð (Tilvildarlig mynd)