týsdagur 20. september 2005síða 12

12 Nr. 178 - 20. september 2005 Tjóðveldisflokkurin sleit samgonguna við at leggja á løgmann og fólkaflokkin – m.a. orsakað av fíggjar- støðu landskassans. Tað sama eru javnaðarmenn og sambandsmenn farnir at sleingja út, hvørja ferð teir eru kroystir. Óttin fyri at spara og taka inn Onki kann vera meira fjart frá veruleikanum. Um Tjóðveldisflokkurin hevði viljað slitið fullveldissam- gonguna, so vóru óteljandi høvi, har vit uttan himpr høvdu havt allar grundgev- ingar fyri at slíta. Tað var fólkaflokkurin, sum tving- aði løgmann at slíta og senda “teir ómøguligu tjóð- veldismenninar til hús”. Hinvegin var arbeiðið við fíggjarlógini fyri 2004 utt- an iva ein orsøk til at Fólkaflokkurin sleit sam- gonguna. Kravið frá fíggj- armálaráðharranum, Karst- eni Hansen, var sum altíð eitt yvirskot á fíggjarlógini. Og tað megnaði hann øll 6 árini hann sat – eisini tað seinasta. Og í hansara fíggjarlógaruppskoti fyri 2004 vóru greið uppskot uml, hvussu sparast skuldi og hvussu fleiri inntøkur skuldu fáast til landskass- an. M.a. við at leggja av- gjøld á vørur, at lata ar- beiðsmarknaðin fíggja barsilsskipanina og at skerja rentustuðulin til set- húsalán. Alt hetta var BD so hart ímóti, at hann noktaði at taka lut á fleiri fundum um fíggjarlógina. Hann boðaði eisini skrivliga frá, at hann tók ikki undir við tí fíggj- arlógaruppskoti, sum Karsten Hansen legði fram, tí hann góðtók hvørki spar- ingarnar ella nýggju inn- tøkurnar á hansara egna málsøki. Eitt krav, sum ongin kundi uppfylla Tað var tí eitt gylt høvi hjá ÓB og BD aftur at royna at fáa Tjóðveldisflokkin at slíta samgonguna, tá ein bók kom út um m.a. for- tíðina hjá løgmanni. Onkusvegna visti Fólka- flokkurin um hesa bók. Og sum ketta burturúr høvda- trogi – áðrenn nakar hevði sæð nakra bók – valdi Fólkaflokkurin at senda Tjóðveldisflokkinum eitt bræv, har teir kravdu, at Tjóðveldisflokkurin reins- aði Løgmann fyri inni- haldið í eini bók, sum vit ikki høvdu sæð. Brævið varð sent til allar fjølmiðl- ar, áðrenn tað var Tjóð- veldisflokkinum í hendi. Øll vita, at tað var sjálv- sagt ógjørligt hjá Tjóð- veldisflokkinum at skula reinsa løgmann fyri nakað sum hent var fortíðini. Men á henda hátt offraði Fólkaflokkurin samgong- una og løgmann til tess at sleppa frá fullveldinum og fíggjarpolitikkinum hjá Tjóðveldisflokkinum. Og tað varð gjørt so snilt, at bæði ÓB og BD úteftir kundu látast at stuðla løg- manni og gera hann til pínslavátt. Meðan Tjóð- veldisflokkurin skuldi standa eftir sum teir ómøguligu og rabiatu bandittarnir – ja, skuldi passa í júst ta myndina, sum ÓB og BD høvdu roynt at geva av Tjóð- veldisflokkinum síðani 80’ini og sum teir messa upp í saman enn í dag. Úrslitið kenna vit øll. Taktikkurin eydnaðist. Linjan hjá ÓB og BD hevur nú vunnið í Fólkaflokk- inum. Bjarni Djurholm gjørdist varaløgmaður og fegnast dagliga um tann førda sambandspolitikkin og tekur frástøðu frá øllum, sum undanfarna samgonga gjørdi. Og – enn í hvussu er – fylgja hinir politikararnir í Fólkaflokkinum við. Tó hava Poul Michelsen og nakrar djarvar fólkafloks- kvinnur váðað sær at tala at. Soleiðis sær søgan út sæð frá einum, ið hevur verið við í gongdini allan vegin – og sum iðrar seg um, at vit lótu hesa gongdina fara alt ov langt, og at undirritaði var alt ov veikur í avgerandi løtum. Virgar T. Dalsgaard Sum flestu tilkomin fólk vita, men langt frá allur okkara ungdómur, so er 18. september ein heilt serligur dagur í okkara nýggjastu søgu - („nýggj" søga er fyri seriøsar søgumenn alt, sum er yngri enn eina øld!) Sunnudagin í hesum viku- skifti eru farin eksakt trýss ár síðani, at vitleysir polit- iskir terroristar royndu at spreingja okkara parla- ment – Løgtingshúsið – í smæsta smildur! Bumban brast stutt nið- anfyri fundarhøli javnaðar- manna! Hetta hendi stutt eftir, at Petur Mohr Dam og aðrir leiðandi javnaðar- menn høvdu sitið í fundar- hølinum og arbeitt. Tað var eitt Guds undur, at eingin mannskaði hendi.! Menn hildu ein lítlan ar- beiðssteðg, har teir vóru farnir niðan í snikkarastovu at fáa sær ein drekkamunn, rindaðu møðina eina løtu og ætlaðu sær skjótt oman- aftur í løgtingið at arbeiða, men meðan teir sótu til borðs, brast bumban og skakaði alt grannalagið í miðbýnum! Tingakrossur, Dimma- lætting og Sosialurin vóru øll meira og minni samd um, at so uppøstur og ógv- isligur sum politiski terror- stemningurin varð blivin í sambandi við tey hatsku álopini á Danmark og før- oysk samríkisfólk, var valla ivi um, at hetta var ein attentatroynd við týðiligum politiskum fullveldis- motivi! Hetta var um somu tíð sum loysingarpøbil meiggjaði út húsini hjá Louis Zachariassen, blað- stjóra Tingakrossar, nátt eftir nátt við fólkalorti og eyðmýkjandi invektivum, samstunds sum grovur tele- foniskur terror móti Louis eisini var gerandiskostur! Flaggað skuldi verðið við hálvari stong á hvørjum ári Løgtingsbumbingin er næstan fortrongd í Føroy- um! Ja, hesin sjáldsama álvarsami tilburður er merkiliga nógv tagdur í hel av okkara søgufólki, og hann er heilt lopin um í okkara søgubókum. At burturtiga søgulig ýti er ikki nógv mætari enn at lúgva um tey! Effektin er stórt sæð tann sama! Í øllum øðrum londum hevði dagurin fyri eitt terrorálop á sjálvt parla- mentið ikki bara verið við- gjørdur í landsins søgu- bókum - hann hevði eisini verið markeraður sum nationalur sorgardagur, har flaggað varð í hálvari stong á øllum almennum bygn- ingum; - harumframt hevði tilburðurin eisini verið um- røddur hvørt ár í landsins skúlum. Á arbeiðsplássum hevði 2 minuttirs tøgn fyri slíkan nationalan terrorist- ørskap eisini verið bæði rímuligt og hóskandi! Latið ongantíð hesa and- styggiligu terrorist-gerð fara í gloymibókina! Latið hvørt einasta føroyskt mansbarn fáa alla terror- søguna, sum hon er. So mugu tey sjálvi hugsa og døma! Sjálvt fólkaflokkurin kann í dag ikki hava nakað ímóti, at hesin terrordagur verður markeraður, tí allir teir steinøru loysingar- menninir, sum tá vóru í fólkaflokkinum, fóru stutt eftir yvir í nýstovnaða tjóð- veldisflokkin, sum síðani á loysingarøkinum hevur monopoliserað ørskapin og hýst næstan øllum teimum mest fanatisku rabulistun- um. Eftir at tjóðveldis- flokkurin varð stovnaður, gjørdist fólkaflokkurin næstan púra avlúsaður fyri politiskar fundamentalistar og annað órudd! Brand-aktuella uppskot mítt til allar føroyskar parlamentarikarar við ábyrgdarkenslu er tí hetta: Góðu løgtingsmenn - taka tit demokratiið í álvara, so gott í tykkum, gerið okkum føroyingum 18. september til nationalan sorgardag, har demokratiskt-sinnaði hampafólk tigandi drýpa høvur og minnast! Hetta kann fáa uppvaksandi ætt- arlið at hugsa seg um, og erkenna, hvussu spinkult demokratiið er, og hvussu skaðilig politisk fanatisma, einoygd fundamentalisma og totaliterir tvangstankar kunnu vera. Tað er royndur lutur, at nationalistiskur hugburður fyrr ella seinni altíð førir til terror ella reina fascismu! Men nú allur tann demo- kratiski Vesturheimurin roynir at brynja seg móti terrorismu, eiga vit ikki at lata ta terror-skomm sita á okkum, at vit framvegis seta hesa absurdu parentes um eina ta fúlastu politisku beistagerð í føroyskari søgu! Bára Johansen Formaður í Felagnum MBD/DAMP í Føroyum Vit í felagnum MBD/ DAMP í Føroyum eru ør- kymlað av støðuni, ið nú hevur tikið seg upp við- víkjandi umrøðu av okk- ara børnum í sambandi við stovnin fyri børn við atferðartrupulleikum. Okkara neyðarróp er, at høgt mettir psykologar í høgum starvi eru farnir inn á øki, har teir hvørki hava nógv nógva vitan ella nóg hollar royndir. Teir koma við villleið- andi útsagnum og bein- leiðis lygnum um við- gerð, ið skal eitast at vera í okkara landi. Okkara áheitan á tykk- um, avvarðandi myndug- leikarar og politikarar, skal tí vera, at tit fáa greiði á, hvør hevur ábyrgdina av, at støðan er vorðin, sum hon er. Støðan er tann, at okk- ara børn nú hava fingið eitt heldur løgið heiti. Nú eru tey børn og ung, ið hava atferðar- og til- knýtistrupulleikar. Tað verður eisini sagt, at tveir stovnar eru í landinum fyri okkara børn. Her koma okkara børn í viðgerð - verður sagt. Hetta er rætt og slætt lygn! Her er hvørki stovnur ella viðgerð. Og gott tað sama. Tí umrøðan og hugburðurin eru farin heilt av leið. Hjá børnum og ungum við DAMP, ið alla tíðina "fara av leið", verða mis- skilt og útskeldað, er tað sera umráðandi at verða sædd, virðismett og við- urkend. Tey skulu vita, at foreldur og onnur skilja, at atferð teirra kemst ikki av tvørrandi vilja, men tvørrandi føri. Eitt inntriv beinan- vegin er umráðandi til tess at sleppa undan, at børnini eru óneyðugt við undirlutan í heilum. Arbeiðið má skipast eftir tí einstaka barninum. Hetta er veruleikin, sum vit heita á tykkum um at royna at skilja. Og vit eru fús at hjálpa tykk- um at skilja veruleikan. Okkara ynski er, at vit fáa servitan til Føroya. Vit heita aftur á Hans Paula Strøm, landsstýris- mann í almanna- og heilsumálum, um at fáa Christopher Gillberg, professa úr Göteborg hendavegin. Christopher Gillberg, sum fleiri ferðir hevur verið í Føroyum, hevur boðið sær til í neyvum samstarvi við føroyingar at skipa fyri útbúgving av fakfólki, ið eru før fyri at diag- nostisera og viðgera børn við ADHD/DAMP. VIÐMERKINGAR ÁTJANDI SEPTEMBER 1945 Terror- og skammardagur Føroya Áheitan frá Felag- num MBD/DAMP í Føroyum Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – hevur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli.