mikudagur 21. september 2005síða 13

Nr. 179 • mikudagur • 21. september 2005 • 79. árgangur • www.sosialurin.fo Okkurt um 2500 fólk vitjaðu framsýning- ina hjá Gluggaglæmu, og sambært fyrireik- arunum ber til at staðfesta, at eitt nýtt ættarlið ger vart við seg innan føroyska handverkslist GLUGGAGLÆMA Terji Nielsen Ein av høvuðsfyrireikarun- um av Gluggaglæmu, Randi Vang, sigur, at hóast vitjunartalið í ár er nakað væl lægri enn í fjør, so eru tey stak væl nøgd við und- irtøkuna. - Í fjør høvdu vit jú sjal- kappingina sum ein part av sjálvari framsýningini, og tað hevur ivaleyst drigið nógv fólk, soleiðis at vitj- unartalið í fjør var óvanliga høgt. Eg vænti tí, at talið í ár er meiri veruligt, sigur Randi Vang. Fleiri og fleiri við útbúgving Randi Vang sigur, at tað fyri hvørt ár eru fleiri og fleiri nýggir ungir føroyskir snið- gevar ella skraddarar, sum taka lut á Gluggaglæmu. - Talan er um eitt heilt nýtt ættarlið av føroyskum handverkslistafólkum, og tey flestu av teimum hava eina útbúgving á økinum. Hesi hava nomið sær út- búgving annaðhvørt í Dan- mark ella Bretlandi, og tey eru við til at geva nýggjar impulsir. Oftani eru hesi eitt sindur djarvari enn fleiri av teimum gomlu, og tey tora betur at seta tingini saman, greiðir Randi Vang frá. Sambært Randi Vang vísti Gluggaglæma í ár, at føroysk handverkslistafólk hava eina góða vøru, sum er bæði gott handverk og gott snið. Eini 40 framsýn- arar tóku lut í Glugga- glæmu í ár. Vilja hava føroyska handverkslist fram uttanlands Í dag verður skipað fyri stórari ráðstevnu í Norður- landahúsinum undir heitin- um "Snið og handverk í heimligum og altjóða høpi", og fleiri enn 120 fólk hava boðað frá luttøku. Á ráðstevnuni fer millum annað Michael Lange, stjóri í Erhvervscenter for erhverv, vækst og udvikling í Keypmannahavn, at greiða frá um kreativar íbirtarar í Keypmannahavn. Randi Vang sigur, at høv- uðsendamálið við ráðstevn- uni í Norðurlandahúsinum er at birta lív í eitt kjak her heima um, hvat vit vilja við føroyskari handverkslist, og hvussu vit kunnu fáa hana longur fram í ljósið uttanlands. Umframt fyrilesturin hjá danska erhvervsstjóranum eru fleiri aðrir fyrilestrar á skránni. Eitt nú fer Maggie Marr, ið er leiðari á snið- gevaraútbúgvinigini á Shetland College, at greiða frá hesari útbúgving, og vísa á hana sum ein møgu- leika fyri kreativar føroy- ingar. Møguleiki verður eisini at hitta Maggie Marr til eitt prát eftir ráðstevn- una. Stóra finalan á ráð- stevnuni í dag verður ein sonevnd Catwalk, har pløgg frá kappingini Upp- rák verða sýnd fram al- ment. Síðst í komandi mánað verður Faroexpo 2005 á skránni í Runavík. Talan er um eina al- tjóða vinnustevnu, har okkurt um 70 fyritøk- ur úr bæði Føroyum og útheiminum fara at taka lut VINNUSTEVNA Terji Nielsen terji@sosialurin.fo Tað er vorðið alsamt meiri vanligt her á landi, at skip- að verður fyri ymiskum ráðstevnum, sum hava til endamáls at tæna føroysk- um vinnulívi. Í døgunum 25. til 27 oktobur í ár verð- ur stór altjóða vinnustevna í Runavík, sum ber heitið Faroexpo 2005. Á skránni verða bæði eitt sonevnt partneriat, har vinnufyri- tøkur hittast til prát, og ein røð av áhugaverdum fyri- lestrum. Leggur upp til samstarv Tað er Eysturoyar Vinnufe- lag, ið hevur tikið stig til Faroexpo 2005, og felagið heitti síðani á Sp/F Virkis- ráðgeving í Saltangará um at skipa fyri stevnuni, og á skrivstovuni hjá Virkisráð- geving hava tey havt úr at gera við at fyrireika stevnuna. Faroexpo 2005 vendir sær í høvuðsheitinum til føroyskar og útlendskar vinnufyritøkur og feløg, sum fáast við, ella ætla sær í holt við útflutning og møguligt samstarv innan útflutning. Sum áðurnevnt verður skipað fyri einum sonevnd- um partneriati í høllini í Runavík, har ein stórur partur av ráðstevnuni verð- ur. Mannagongdin á slíkum partneriatum er tann, at lut- takararnir á stevnuni hava fingið sendandi ein lista yvir allar luttakararnar, og síðani hava teir hvør í sín- um lagi ynskt at hitt ávísar luttakarar á skipaðum fundum, sum verða hildnir innan fyri eitt avmarkað tíðarskeið á einum stevnu- bási á Faroexpo 2005. Hetta verður gjørt, so at fyritøkurnar og feløgini kunnu hittast á ein mið- vísan hátt og fáa greiðu á, um partarnir hava felags áhugamál, ið kunnu verða til frama fyri eitt møguligt útflutningssamstarv. Statoil ætlar at hitta føroyskar veitarar Millum útlendsku luttakar- arnar á altjóðu vinnustevn- uni í Runavík verða norsk umboð fyri Statoil. Hesi koma til Føroya við tí fyri eyga at hitta føroyskar veitarar, ið Statoil kann samstarva við, tá ið farið verður undir oljuleitan aftur í føroyskum øki. Afturat Statoil koma eisini fleiri aðrar norskar fyritøkur úr serliga Sta- vanger-økinum. Talan er fyrst og fremst um fyritøk- ur, ið Statoil frammanund- an hevur samstarv við, og sum eru veitarar hjá norska oljurisanum. Millum hinar útlendsku luttakararnar á stevnuni teljast fleiri íslendsk reiða- rí, og úr Danmark koma fleiri ídnaðar- og tænastu- fyritøkur, sum fyrst og fremst virka innan fiski- vinnuna. Áhugaverdir fyrilestrar Umframt sjálva framsýn- ingina í høllini í Runavík, har stevnuluttakararnir fara at hava básar, har teir sýna fram nakað av tí, sum teir hava at bjóða, verður eisini skipað fyri eini fyrilestra- røð. Fyrilestrarnir verða hild- nir í Kelduni í Skálabotni, og evnini, ið verða við- gjørd, eru áhugaverd. Millum teirra ein fyri- lestur, har umboð fyri Dansk Industri fara at tosa um leiðsluavbjóðingarnar í altjóða handli. Somuleiðis fara umboð fyri Kaupthing Bank Ísland at greiða frá, hvussu uppkeyp kann nýt- ast sum ein háttur hjá eini fyritøku at koma uttanlands og vaksa. Fyrilestrarnir eru eisini fyri almenninginum, og teir verða mettir at verða sera viðkomandi og forvitnis- ligir fyri øll, ið hava áhuga fyri útflutningsvinnu og altjóða vinnuviðurskifti. Til ber at síggja eitt nærri yvir- lit yvir skránna fyri stevn- una á heimasíðuni hjá Faro- expo 2005, sum eitur www.faroexpo.fo, og har ber eisini til at ogna sær atgongumerkir til fyrilestr- arnar. Fjølbroytt vinnustevna Nýtt ættarlið innan handverkslist Ikki færri enn 40 framsýnarar tóku lut á Gluggaglæmu í ár, og sum heild kann sigast, at talan er um eina góða vøru, sum er bæði gott handverk og gott snið, sigur Randi Vang. Mynd: Jan Müller Randi Vang, ið er millum høvuðsfyrireikararnar av Gluggaglæmu, heldur, at eitt nýtt ættarlið er á veg innan føroyska handverkslist. Hon letur annars stak væl at undirtøkuni fyri framsýningini. Mynd: Jan Müller