fríggjadagur 23. september 2005síða 8

8 Nr. 181 - 23. september 2005 Í einasta handlinum á Kalsoynni, Geilabúð- ini, stendur Hanne- beth Garðalíð, sum umframt at vera krambakvinna, hevur tvey onnur størv Katrina Eyðunsdóttir Hansen/ Elsa Maria H. Hansen/ Mariann Mikkjalsdóttir Tá vit týsmorgunin vóru á Kalsoynni, fóru vit ein túr niðan í handilin á Húsum, Geilabúðin. Hetta er einasti handil á Kalsoynni. Inni har hittu vit Hanne- beth Garðalíð, ið er eigari av búðini. Vit fingu okkum eitt prát við hana, og hon greiddi frá, hvussu tað er at hava handil úti á oyggj. – Onkran fyrrapart kunnu vera einans tríggir kundar, men so er fult av fólki aðrar dagar. Serliga týsdagar tá nýggja vøran kemur. Tað er sum øll mangla alt ísenn, sigur Hannebeth. Handilin er sera hugna- ligur, og har eru nógvar ymiskar vørur at fáa. Hannebeth roynir sum frægast at hava tað, ið fólk spyrja eftir. Vøran verður innflutt aðrastaðni frá. – Men, segði hon, ofta gongur long tíð áðrenn eg finni fram til, hvar eg kann bíleggja allar hesar vørurn- ar, ið fólk biðja meg um. Hjálp frá øðrum stóran týdning Hannebeth selir allar tær mest neyðugu vørurnar. Eisini hevur hon ymsar gávulutir og annað at selja. 1. oktober hevur Hanne- beth verið eigari av búðini í eitt ár. Tann konan ið fyrr var eigari av handlinum, Dora Joensen, ætlaði at gevast við honum. Men hetta helt Hannebeth vera spell, og ein stórur missur fyri oynna. Tískil valdi hon at taka sær av búðini hjá Doru, í fyrstu syftu í tvey ár. Hannebeth hevur starvast fulla tíð í Tórshavn, men nú arbeiður hon bert 3/4 tíð. Umframt at hon seymar hjá manni sínum, ið starvast sum skómakari í Tórshavn. Vit spurdu hana um hvussu hon megnar at hava trý størv í senn. – Tað hevði ikki borið mær til at havt handilin uttan hjálp frá øðrum, t.v.s børnunum og mammuni, sum eru ófør at hjálpa til tá eg eri til arbeiðis í Havn, sigur Hannebeth Handilin stóran sosialan týdning Ta løtuna vit vóru í handl- inum vóru eisini fleiri kundar har. Ein av teimum, Joan í Lon var farin at keypa inn til døgurða. Dagsins rættur heima við hús var flak. Eisini fekk lítla dóttirin Olivia eina sleikisneis at hugna sær við. Hon verður tvey ár í oktober. Joan er uppvaksin í Klaksvík, men foreldrini eru av Húsum. Hon hevur saman við familju síni búð á Húsum í trý ár. Hetta dámar teimum sera væl. – Tað hevur ómetaliga stóran týdning at hava handil her á oynni, tí so sleppa vit frá at bíleggja vørur úr Klaksvík. Men tað sum ikki er til keyps her, bíleggi eg úr Klaksvík, segði hon. Joan er hvønn einasta dag í Geilabúðini, og um hon ikki skal keypa nakað, so fer hon altíð ein túr inn á gólvið fyri at fáa eitt prát við onnur fólk. Á Kalsoynni búgva 150 fólk íalt. Fólk runt oynna eru ógvuliga glað fyri Geilabúðina. Øll av Húsum keypa har, umframt fólk aðrastaðni frá úr oynni. Krambakvinna við trimum størvum Hannebeth Garðalíð, eigari av Geilabúðini mynd: Jens Kr. Vang Her stendur Joan í Lon saman við dóttrini Oliviu mynd: Jens Kr. Vang Svend Auken fer at hitta javnaðarfólk VITJAN tíðindaskriv Sunnukvøldið 25. sep- tember kl. 19.30 skipa Javnaðarflokkurin og Suðurstreymoyar Javn- aðarfelag fyri einum hugnakvøldi saman við navnframa danska javnaðarpolitikaranum Svend Auken. Svend Auken fer at tosa um ymisk aktuel mál og aftaná verður kjak, sum vónandi verður bæði spennandi og kveikj- andi. Svend Auken hevur áður verið á fundum og stevnum hjá bæði Javnaðarflokkinum og Suðurstreymoyar Javn- aðarfelag, og hevur tað verið sera áhugavert at hoyrt tað, sum hann hevur borið fram. Svend Auken er ein sera royndur politikari, og hevur hann havt mong ymisk álitisstørv í danska Javnaðarflokk- inum. Svend Auken varð fyrstu ferð valdur á fólkating í 1971, og hevur hann havt sætið har síðani. Hann var formaður í Javnaðar- flokkinum frá 1987 til 1992. Harumframt hev- ur hann verið ráðharri í arbeiðsmarknaðarmálu m og orku- og um- hvørvismálum. Somu- leiðis hevur hann havt álitisstørv innan Javn- aðarflokkin bæði í n o r ð u r l e n d s k u m , evropeiskum og altjóða høpi. Hugnakvøldið verður í hølinum hjá Starvs- mannafelagnum, J.H. Schrøtersgøta 9. Sunnukvøldið verður Svend Auken gestur á hugnakvøldi hjá Suður- streymoyar Javnaðar- felag