týsdagur 27. september 2005síða 16

16 Nr. 183 - 27. september 2005 Leygardagin gjørdist kappsúkklarin Gunnar Dahl-Olsen føroyameistari 30 km einkultstarti. SÚKKLING tíðindaskriv Við sgrinum leygardagin hevur Gunnar nú vunnið allar FM-kappingarnar, sum hava verið í ár. Fyrr í ár hevur hann eisini vunnið býarsúkkling og 100 km landavegasúkkling Leygardagin vóru bæði startur og mál við plantu- søluna í Hoyvík. Leiðin gekk til Kaldbaks og aftur á mál, í alt 30 km. Súkklarini vórur sendir avstað, ein og ein við einum minutti mill- um hvønn. Tíðin hjá Gunnari var 43 minuttir og 58 sekund. Hetta er ikki nøkur sera góð tíð hjá Gunnari, grundin til at hann ikki súkklaði eins skjótt í ár sum undanfarnu ár, er helst at hann ikki kendi eins nógva kapping frá hinum súkklarunum í ár í mun til undanfarnu árini. Men einki skal takast frá Gunnari, tí hann vann so ruddiliga, munurin millum hann og nummar tvey vóru heilir fýra minuttir. Unglingar og teir gomlu Hjá unglingunum gjørdist Torkil Veyhe føroyameist- ari, munurin millum hann og nr. 2 var umleið 3 min- uttir, og hann betraði sína tí frá 2004 við hálvum triðja minutti. Eisini Sigmund Olsson súkklaði ein góðan einkultstart og betraði eisini sína tíð frá 2004. So tað sæst stór framgongd hjá teimum ungu súkklarunum. Bergur Ingemarson bleiv nummar 3. »Teir gomlu«, sigur onk- ur um motiónistarnar, men tað er helst eingin ivi um, at teir eru eins uppsettir at vinna á hvør øðrum, sum allir hinir orduligu kapp- súkklararnir. Størsri mun- urin á teimum og restini er, at teir ikki takað tað so tungt, um tað ikki gongur teimum so væl í kapp- ingini. Startrampa Sum nakað nýtt var ein startrampa gjørd til kapp- ingina. Hon er gjørd so- leiðis at tað kemur eitt sind- ur av ferð á súkkluna bein- anvegin tá súkklarin startar. Hetta er vanligt uttanlands, men fyrstu ferð at hetta er roynt í Føroyum. Úrslitini Elita: 1 Gunnar Dahl-Olsen 00:43:58 2 Esmar Joensen 00:48:40 3 Høgni Øster 00:56:00 Unglingar 1 Torkil Veyhe 00:48:54 2 Sigmund Olsson00:51:53 3 Bergur Ingemarsson 00:57:47 Motión 1 Sverri M. Edvinsson 00:50:47 2 Kjartan Egholm00:55:08 3 Kári Simonsen 00:56:55 3 Evald Rasmussen 00:56:55 Gunnar vann einkultstartin Jøvn kapping við svia omaná Einans tvey stig skiltu vinnaran og aftasta telvaran í 4th Klaks- vík International. Johan Eriksson vann fyri aðru ferð í Klaks- vík, meðan Heini Olsen varð besti før- oyingur við sínum 2. plássi TALV Carl Eli Nolsøe Samuelsen Við úrslitunum í Klaksvík síggja vit eina góða útvikl- ing í mun til hinar Klaksvík International kappingarnar. Fyrr hava føroyingarnir ikki blandað seg í odda- stríðið eins væl. Nú er at kalla eingin munur millum okkara sterkastu og altjóða meistararnar. Vit hava telvarar við IM-styrki, men enn vanta seinastu normar- nar. Bara í ár hava vit fingið tríggjar normar og tað prógvar at vit eru á rætta vegi. 4th Klaksvík Internation- al eydnaðist avbera væl. Fjølmiðlarnir bóru dagliga tíðindi um gongdina og tað er at fegnast um. Góðu og serligu umstøðurnar í For- minnissavninum, gav ein hugnaligan anda yvir kapp- ingina. Talvini flest vóru eisini spennandi og væl- leikt. Normurin sum hvarv Tá kappingin var komin í helvt eftir fimta umfar, sá tað lovandi út hjá Hans Kristiani Simonsen. Hann var saman við Johan Eriks- son á odda við 3,5 stigum og normkravið áljóðandi 7 stig var avgjørt møguligt. Men stígur kom í og seinna helvt kastaði bert 1 stig av sær á Hans Kristian. Hans Kristian tapti leik- andi lætt á føroyingunum í seinnu helvt. Ávíkavist 26 og 12 leikir. Tað eigur sjálvsagt ikki at koma fyri tá ein jagstrar nomrar, men slíkt kann henda, eisini fyri tann besta. Spell fyri Hans Kristian, at kappingin endaði so- leiðis, men hóast illseinan endaróður, vinnur Hans Kristian sær eitt sindur av føroyskari rating. Altjóða ratingtal hansara er hægri enn tað føroyska og tí vinnur hann sær ikki nøkur sokallaði elo-ratingstig. Ziska mannaði seg upp Flúgvandi í seinnu helvt var Helgi Dam Ziska. Eftir trý tap á rað og tveir javnleikir, telvaði hann seg heitan í seinnu helvt og vann sær trý stig og fekk sostatt 4 stig samanlagt. Eitt væla úrslit, sum eisini gevur fitt av rating til unga Ziska- mannin. Hann fall als ikki í fátt, sum fleiri høvdu gjørt, eftir trý tap á rað. Helgi prógvaði veruliga sínar dygdir í Klaksvík. Serliga kom tað til sjóndar, tá hann í í trýstum støðum fann effektivar verjuleikir, sum bjargaði honum javn- leikir ímóti altjóða meistar- unum. Sigurin á Heina og Hans Kristian bera eisini boð um, at Helgi skjótt verður at síggja í absolutta toppinum í føroyskari telv- ing. Eftir kappingina hevur hann 2176 ratingstig og røkkur tað til 11. pláss á før- oyska ratinglistanum. Re- ella styrkin hjá Helga liggur tó helst omanfyri 2300. Hálvt stig frá kappingarsigri Heini Olsen stóð seg best av føroyingunum. Nærlagdur og væl fyrireikaður til talv- ini. Heini blandaði seg bein- anvegin í oddastríðið og Eriksson og Hans Kristian kundu ongantíð kenna seg tryggar. Og tá Heini vann á Hans Kristiani í 8. umfari, varð tað hann sum bleiv besta føroyska kortið í sein- astu umførunum. Undan seinasta umfar var støðan tann, at Eriksson hevði 6 stig og Heini 5. Og tá Eirik Gullaksen vann á Eriksson, hevði Heina gyltan møguleikan at vinna kappingina, um hann vann sítt talv á Jens Ove Fries Nielsen. Men góða og djarva telvingin hjá Heina í einum fløktum og spenn- andi talvi, førdi tíverri bert til ein javnleik. Heini hevði eitt skiftið lovandi støðu, men sum sagt, so var talvið fløkt og tað var avgjørt eingin løtt uppgáva at vinna tað. Johan Eriksson vann tí 4th Klaksvík International. Hann vann somuleiðis 2nd Klaksvík International í 2003. Hóast eina soltna seinnu helvt, varð 6 stig nóg mikið fyri svian. Gull- aksen bardi seg upp á eitt deilt 2. pláss og tað er hann helst nøgdur við, tá vit hugsa um ringu fyrru helvt hansara. Vinnarin í fjør Jens Ove skuffaði við 4,5 stigum. Talvið hesa vikuna Heini Olsen - Hans Kristian Simonsen 4th Klaksvik Internati- onal (8), 22.09.2005 1.d4 d5 2.c4 e6 3.Rif3 c6 4.Ric3 Rif6 5.Bg5 Ribd7 6.cxd5 cxd5 7.e3 Bb4 8.Bd3 Fa5 9.Fc2 Rie4 10.0-0 Bxc3 11.bxc3 Rixg5 (Ikki er nøktandi at leika: 11...Rixc3?? 12.Rfc1 og Riddarin kann ikki flytast orsakað av Fxc8+!) 12.Rixg5 Rib6? (Í og so naivt. Rif6 er trygga og eisini besta svarið) 13.Bxh7 (Ja, hví ikki taka finnuna?) 13...Bd7? (Hans Kristian segði eftir talvið, at hann ikki sá framhaldið hjá Heina) 14.Bg6! fxg6 (Ikki nyttar at verja finnuna: 14...Rf8 15.Bxf7+! Rxf7 16.Fg6) 15.Fxg6+ Kd8 16.Rif7+ Kc7 17.Fg3+ Kc6 (Lítið hjálpir 17...Kc8 18.Nd6+ og svarta frúgvin verður søga) 18.Rie5+ (Støðan er vunnin hjá hvítum, men enn vantar nakað av arbeiði) 18...Kb5 19.Rfb1+ Ka6 20.Rid3 Fxc3 21.Ric5+ Ka5 22.Rixb7+ Ka6 23.Ric5+ Ka5 24.Fd6! Rhc8 25.a4! Bxa4 (Besta verjan hevði verið Bc6, men kortini er svarta støðan ikki at bjarga. Telduforritið Fritz 7 sigur frá greiðum hvítum fyrimuni) DIAGRAM Støðumynd eftir 25...Bxa4 26.Fxb6+! Og skák mát verður eftir 26...axb6 27.Rxa4++. Heini hevði eisini annan mátmøguleika: 26.Rxa4+ Rixa4 27.Rib7++ 1-0 Endaliga støðan í 4th Klaksvík International 1 IM Eriksson Johan SWE 2423 6.0 2 Olsen Heini FAI 2325 5.5 3 IM Gullaksen Eirik NOR 2382 5.5 4 Simonsen Hans Kristian FAI 2305 4.5 5 IM Fries-Nielsen Jens Ove DEN 2381 4.5 6 Ziska Helgi Dam FAI 2177 4.0 Fram til tað seinasta var Heini Olsen partur av oddastríðnum. Men hann gjørdist akkurát ov stuttur, tá tað gjørdist til remis móti Jens Ove Fries úr Danmark