mikudagur 28. september 2005síða 5

Nr. 184 - 28. september 2005 5 Tað er nógv, sum bendir á, allar komm- unurnar í Suðuroy fara at samstarva um eina felags barna- vernd BARNAVERND Áki Bertholdsen aki@sosialurin.fo Skulu tað vera ein ella tvær barnaverndir í Suðuroy. Tað er spurningurin, sum tær sjey kommunurnar í Suðuroy hava viðgjørt tað mesta av árininum. Kortini má sigast, at tað mest sannlíka er, at tað verður ein felags barna- vernd fyri alla Suðuroy. Á bygdaráðsfundi í Hvalba fríggjakvøldið varð upplýst, at tær flestu kommunurnar í Suðuroy hava tikið undir við at tað verður ein felags barna- vernd og nú skulu so allir borgarstjórarnir arbeiða víðari víð málinum. Tað hevur annars tikið sína tíð at koma til hesa niðurstøðu, tí tær sjey kommunurnar í Suðuroy hava viðgjørt málið síðani allarfyrst í árinum. Serliga Vágs Kommuna hevur verið ivasom, tí í bý- ráðnum har var áhugi fyri at kanna møguleikarnar fyri at hava tvær barna- verndir í Suðuroy, eina fyri syðru helvt og eina fyri norðaru helvt. Men tað skulu vera minst 1500 fólk í hvørjum barna- verndarøki. Í Vági býr ikki 1500 fólk og tí máttu vág- bingar fáa onkra aðra kommunu við sær. Men tað fingu teir ikki, tí allar hinar seks kommunurnar í Suð- uroy vilja helst hava eina felags barnavernd fyri alla oynna. Vágs Kommuna spurdi seg eisini fyri hjá innlendis- málaráðið fyri at vita um tað bar til at fáa undantaks- loyvi til at stovna egna barnavernd, hóast tað ikki búgva 1500 fólk í Vági. Men tað vildi innlendis- málaráðið ikki og tá ið allar hinar kommunurnar heldur vilja hava eina felags barnavernd, er tað ein spurningur, hvørjar møgu- leikar vágbingar hava, uttan at vera saman við øllum hinum um eina felags nevnd. Vágs býráð hevur ikki tikið endaliga støðu til mál- ið, men fer at viðgera tað aftur í næstum. Ein limur fyri hvørja kommunu Tað varð eisini upplýst á bygdaráðsfundi í Hvalba, at ætlanin er, at tað skulu vera sjey limir í nýggju barna- verndini í Suðuroy. Tað verður sostatt ein limur úr Hvørjari kommunu. Spurningurin um at hava fleiri limir í barnaverndini hevur eisini verið umhugs- aður, men hildið varð, at tað fer at gera nevndina óneyðuga dýra og ein størri nevnd fer kanska at verða óliðiligari enn ein lítil nevnd. Spurningurin verður so hvar umsitingin hjá barna- verndini í Suðuroy skal vera. Porkenningar hava langt síðani bjóðað sær til at hýsa henni nýggja ráðhúsinum í Porkeri. Men herfyri sam- tykti Tvøroyrar Býráð at ar- beiða fyri at seta eina Sosi- ala deild á stovn í Suðuroy og tá ið tað var til viðgerð- ar í býráðnum og býráðs- limir duldu ikki fyri, at ein tanki við hesum var at júst skapa møguleikar fyri at hýsa umsitingini hjá eini barnavernd. Arbeiða fyri at fáa felags barnavernd fyri alla Suðuroy Flestu kommunurnar í Suðuroy vilja hava eina felags barnavernd fyri alla oynna. Vágs Býráð er eftir at taka støðu, men tað fer býráðið at gera í næstum Føroya Arbeiðara- felag hevur nú mist sítt størsta limafelag og S&K vil sleppa úr Føroya Arbeiðara- felag sum skjótast ÚTMELDING Áki Bertholdsen aki@sosialurin.fo S&K hevur nú formliga meldað seg úr Føroya Ar- beiðarafelag: Tað hendi á miðdegi í gjár, tá ið nevndin í S&K var inni á Føroya Arbeiðarafelag og handaði forkvinnuni har, Ingeborg Vinther, upp- søgnina. Tað var herfyri, at ein greiður meiriluti á eyka- aðalfundi í S&K, gjørdi av at melda seg úr Føroya Arbeiðarafelag. Eftir reglunum er S&K sostatt leyst av Føroya Ar- beiðarafelag tann 31. desember 2006, ella um eitt gott ár. Men S&K vil helst sleppa úr Føroya Arbeið- arafelag beinanvegin og tí vil felagið hava Føroya Ar- beiðarafelag at taka støðu til um ikki S&K kann verða leyst av Føroya Arbeiðarafelag longu 31. desember í ár. Eftir lógini kann Føroya Arbeiðarafelag nevniliga eisini koyra eitt felag burt- urúr og tað er hendan lógargreinin, sum S&K nú vil hava Føroya Arbeiðara- felag at brúka. S&K sigur, at Hetta er fyri at limirnir í S&K bein- anvegin kunnu fáa ágóðan av veitingunum, sum avtala er gjørd við Føroya Lívstrygging um. Misti størsta felagið Tað eru 800 limir í S&K og sostatt hevur Føroya Ar- beiðarafelag mist sítt størsta limafelag. Men formaðurin í S&K, Pætur Niclasen leggur dent á, at talan er ikki um mis- nøgd við Føroya Arbeið- arafelag. – Vit meta bara, at vit kunnu fáa frægari sømdir uttanfyri Føroya Arbeið- arafelag. Men tað merkir ikki, at vit ikki kunnu sam- starva við Føroya Arbeið- arafelag, t.d. tá ið sátt- málasamráðingar eru. Er støðan ikki tann, at tit meldaðu tykkum í Føroya Arbeiðarafelagi fyri at fáa nakrar sømdir, sum tit ikki høvdu fingið einsamøll og nú, tit hava fingið hesar sømdir, so melda tit tykkum bara úr aftur? – Nei tað er tað ikki. Vit mugu alla tíðina arbeiða út frá tí veruleika, sum er. Tá ið vit meldaðu okkum í Føroya Arbeiðarafelag í 1997, var tað tí, at felagið tá metti, at tað var tað rætta. Og tað seta vit ikki spurnartekin við. Men støðan broytist alla tíðina og tíðir skifta alla tíðina og nú heldur felagið, at tað er rættast at verða uttanfyri. – Tað kann væl verða, at støðan um 10 ár er ein heilt onnur, og so verður arbeitt útfrá tí, sigur Pætur Niclasen Vilja sleppa úr Føroya Arbeiðarafelag sum skjótast