mikudagur 28. september 2005síða 7

Nr. 184 - 28. september 2005 7 Stór útstykking er á veg í Klaksvík Borgarstjórin í Klaks- vík tekur undir við, at ein stór útstykking verður gjørd í Klaks- vík sum skjótast. Fyrsta ætlanin er at gera upp ímóti 40 grundstykki byggi- klár á Helnabrekku, men hann harmast um, at tað eru eini 80 privat grundstykki í býnum, sum tað ikki verður bygt á BYGGING Eyðun Klakstein eydun@sosialurin.fo Klaksvíkar kommuna ætlar at raðfesta útstykkingar av grundøkjum í kommununi. Bíðilistin eftir kommun- alum grundøki veksur so at siga dagliga, og borgar- stjórin heldur, at ein munagóð útstykking skal gerast sum skjótast. Býráðslimurin Kristian Eli Zachariassen skrivar í eini grein í Norðlýsinum nú um dagarnar, at tað er brá- neyðugt at gera nakað við tørvin á grundstykkjum. – Ígjøgnum tey seinastu árini hava fleiri minni út- stykkingar verið framdar. Alt gott um hesar útstykk- ingar, men tær hava ikki megnað at loyst trupul- leikan við bíðilistanum. Neyðugt er, at Klaksvíkar Kommuna setur sær fyri at loysa tørvin. Serstakliga nú hugsa verður um, at tað skjótt verður koyrandi und- ir Leirvíksfjørð, skrivar Kristian Eli Zachariassen. Tað standa næstan 150 fólk á bíðilista, men bý- ráðslimurin heldur, at aktu- elli tørvurin er eini 100 grundstykki. Fleiri útstykkingar Steinbjørn O. Jacobsen, borgarstjóri í Klaksvík, sig- ur, at kommunan arbeiðir við at útvega borgarunum grundstykki, og fyrsta ætl- anin er bæði stór og ítøkilig. – Fyrsta ætlanin er á Helnabrekku, har vit næsta ár ætla at útstykkja eitt stórt øki við upp til 40 grund- stykkjum. Har verður við tíðini pláss fyri eini 130 húsum afturat tí, sum er bygt higartil. Vit hava gjørt eina minni útstykking á Norðoyri til 22 hús, og so skulu vit eisini hugsa um, at Domus-ætlanin á Helna- brekku umfatar eini 25 íbúðarhús, sigur borgar- stjórin í Klaksvík. Harafturat skal eisini ein útstykking gerast Undir Fossum í sambandi við ringvegin har, og har verður í fyrstu syftu pláss fyri 24 grundøkjum. Hendan ætl- anin er ikki so ítøkilig sum hinar, tí her skal lendi keyp- ast frá privatum. – Eg eri púra samdur við teimum, sum halda, at ein munagóð útstykking skal gerast í býnum. Tað havi eg sjálvur ført fram fleiri ferð- ir, og vit arbeiða við hesum, sigur Steibjørn O. Jacob- sen, borgarstjóri. Nógv privat stykki ónýtt Borgarstjórin sigur seg harmast, at tað eru millum 60 og 80 grundstykki í býn- um, sum privat eiga, men sum ikki verða brúkt. – Hesi grundstykki eru klár at byggja hús á, men vit sleppa ikki fram at teimum, tí privat fólk eiga tey. Kommunan hevur í fleiri førum gjørt veg til hesi grundøki, men tað ver- ður ikki bygt á teimum. Tað er spell, sigur Steinbjørn O. Jacobsen. Kristian Eli Zachariassen mælir í sínari grein til, at bygt verður á slættanum omanfyri Niðan Horn, har hann heldur, at 100 grund- stykki kunnu gerast, men eingin ítøkilig ætlar er um at útstykkja har í næstum. Fríggjadagin verður fíggjarlógaruppskotið lagt fyri løgtingið. Landsstýrismaðurin vil ikki siga eitt orð um uppskotið fyrr enn tá, men tað skilst, at hallið verður nakað tað sama, sum tað fyri 2005 POLITIKKUR Eyðun Klakstein eydun@sosialurin.fo Fríggjadagin verður fíggj- arlógaruppskotið fyri 2006 lagt fyri løgtingið. Ting- fundur er ásettur at verða klokkan 10.00, og framløg- an av fíggjarlógaruppskot- inum verður á hesum ting- fundinum. Bárður á Steig Nielsen, landsstýrismaður við fíggj- armálum, fer fríggjamorg- unin eisini at hava tíð- indafund um uppskotið, og har fer hann at greiða frá teimum týðandi tættunum í uppskotinum hjá landsstýr- inum Landsstýrismaðurin við fíggjarmálum er tættur sum tunnan, nú uppskotið er liðugt, og tað verður bíðað eftir, at framløgan skal vera. – Eg sigi ikki eitt orð um uppskotið fyrr enn fríggja- dagin, sigur hann av- gjørdur. Men hevur tað verið trupulari enn vanligt at gjørt fíggjarlógaruppskotið í ár? – Tað er altíð trupult at gera eitt uppskot um fíggj- arlóg – ikki minst tá ið mann manglar pengar. Líknandi hall Viðgerðin av fíggjarlógar- uppskotinum hevur ikki verið løtt, tí landskassin er hóttur av vaksandi halli. Tá ið framrokningar vórðu gjørdar av inntøkum og út- reiðslum, vísti úrslitið eitt minus á 430 milliónir krón- ur, men síðani hevur verið arbeitt við at fáa hallið niður. Sambært keldum hjá Sosialinum verður hallið fyri 2006 á leið tað sama, sum tað var fyri uppskotið í 2005 – tað vil siga góðar 200 milliónir krónur. Eingin fæst tó at vátta hetta alment. Sambært stýrisskipanar- lógini skal uppskotið um fíggjarlóg leggjast fyri løg- tingið áðrenn 1. oktober, og uppskotið er nú til prent- ingar. Næsta stóra útstykkingin í Klaksvík verður gjørd á Helnabrekku næsta ár. Hon kann koma at rúma upp til 60 grundstykki Fríggjadagin fer tjaldið frá Fríggjadagin verður tað avdúkað, hvussu fíggjarlógaruppskotið hjá landsstýrinum fyri 2006 sær út Løgtingskvinnan Annita á Fríðriks- mørk spyr løgmann, um hann heldur tað verða eitt gott hug- skot at økja sam- starvið millum al- mennar nevndir og ráð og harvið styrkja bæði umsiting og fakliga arbeiðið. Hon spyr somuleiðis um økt samstarv millum tey ymsu almennu eftirlitini POLITIKKUR Eyðun Klakstein eydun@sosialurin.fo Løgtingskvinnan Annita á Fríðriksmørk vil nú hava at vita frá løgmanni, hvat hann heldur um bygnaðin við almennum nevndum, ráðum og eftirlitisstovn- um, og um hann hevur nakrar ætlarnir at broyta bygnaðin og arbeiðsháttin. – Tað tykist at eyðkenna bygnaðin við verandi al- mennu miðfyrisiting og fyrisiting, at hetta ber brá av at vera eitt avrit av donskum leisti. Alt gott um danskan leist og fyri- siting, og er hetta uttan iva frálíkt til donsk viður- skifti, har fólkatalið er gott og væl 100 ferðir størri enn okkara, og har fíggingarmøguleikar og talið av fólki at taka av er samsvarandi – Men tá ið talan er um føroysk viðurskifti, kann hugsast, at tað er óheppið, um bygnaðir verða avrit- aðir, sigur Annita á Fríðr- iksmørk í viðmerkingun- um til sínar tveir fyri- spurningar. Samskipa arbeiðið meira Annita á Fríðriksmørk spyr løgmann, hvussu nógv almenn ráð, almenn- ar nevndir og eftirlit eru í Føroyum, og hvussu hesi eru mannað. Hon spyr eisini løgmann, um hann heldur verandi bygnað hóska til føroysk viður- skiftið. Um bygnaður ikki er hóskandi, so vil hon hava at vita, hvat løgmað- ur ætlar at gera við tað. Løgtingskvinnan vil eisini hava at vita, um tað kundi styrkt ráðini, nevndirnar og eftirlitini, um arbeiðið hjá teimum var meira samskipað. – Kann hugsast at fleiri av hesum nevndum og ráðum kundu samstarva um eitt nú tær fyrisitingar- ligu uppgávurnar – so sum roknskap, fíggjarætlan, fyrisitingarligar manna- gongdir, telefonavgreiðslu og nøktandi høli og annað, spyr Annita á Fríðriks- mørk. Hon spyr løgmann, um hann heldur hetta verða eitt gott hugskot, og um hann hevur í hyggju at gera nakað við tað. Løgtingið skal fríggja- dagin atkvøða um teir báð- ar fyrispurningarnar frá Annitu á Fríðriksmørk. Leggur upp til størri samstarv millum nevndir, ráð og eftirlit