hósdagur 29. september 2005síða 3

Nr. 185 - 29. september 2005 3 Hóast tað nú eru nærum tríggir mánaðar, síðani at nýggi útferðarbáturin hjá Palla Lamhauge í Vestmanna, Silja Star, rendi á og fekk stóran skaða, eru umvælingarnar framvegis ikki lidnar FERÐAVINNA Terji Nielsen terji@sosialurin.fo Palli Lamhauge sigur, at báturin, sum er til umvæl- ingar í Noregi, herfyri var ein túr og royndi nakrar skrúvur, men tær blivu ikki mettar at verða nøktandi. Kappingin er hørð Tískil skal Silja Star hava nýggjar skrúvur, men nær arbeiðið upp á bátin er endaliga liðugt, dugir Palli Lamhauge ikki at siga. – Tað gongur ivaleyst ein tíð, og tað er ilt at siga, nær Silja Star verður klár, sigur ferðavinnuveteranurin. Palli Lamhauge sigur, at missurin av Silju Star hevur verið ein dyggur smeitur, tí kappingin um ferðafólkini er sera hørð í Vestmanna. Harafturat hendi óhappið fyrst í juli mánað, og tað er júst um hetta mundi, at ferðafólk av álvara leita sær til landi, og tí kundi tað ikki verið verri. – Fyri at gera ilt verri, so hevur veðrið í summar eis- ini verið serstakliga vána- ligt. Eg haldi ikki, at eg minnist eitt summar, har tað hevur viðrað so illa, sigur Palli Lamhauge. Tá ið vit tosaðu við Palla fyrrapartin mikudagin, greiddi hann frá, at hann skuldi ein túr seinni á degn- um, men at farandi ikki var undir bjørgini. – Tá ið so er, at veðrið ikki er til at fara undir bjørgini, so boða vit fólki frá beinanvegin og geva teimum reellar upplýsingar. Í hesum førinum er talan um ein skúlaflokk, og vit fara ein túr út í sundið, har tað viðrar væl. Vit sigla til Slættanesar, og eg havi eis- ini nakrar tráður í bátinum, so tey kunnu sleppa at royna seg, sigur Palli Lam- hauge. Miseydnað Travel Mart Herfyri var Palli Lamhauge saman við øðrum føroysk- um ferðavinnufólki á árligu Vest Norden Travel Mart ráðstevna, har keyparar úr øllum heiminum koma at vita, hvat ferðavinnan í Føroyum, Íslandi og Grøn- landi hevur at bjóða. Vanliga hevur ferða- vinnustevnan verða hildin í hesum trimum londunum, men í ár var hon á den nordatlantiske brygge í Keypmannahavn. Palli Lamhauge heldur, at ferðavinnustevnan í ár var ógvuliga vánalig, og tað er fyrst og fremst tí, at hon var so illa fyriskipað, og tí kom lítið burtur úr í ár. Silja Star framvegis til umvælingar Hóast tað eru nærum tríggir mánaðar, síðani Silja Star rendi á og fekk stóran skaða, er ferðamannabáturin framvegis ikki liðugt umvældur.