hósdagur 29. september 2005síða 14

Nr. 185 • hósdagur • 29. september 2005 • 79. árgangur • www.sosialurin.fo Spania hevur fingið formel 1 fepur, fyrstu ferð nakrantíð kunnu spaniumenn kalla seg heimsmeistarar í for- mel 1, og hetta hevur vakt áhugan í Spania fyri rasarakoyring HEIMSMEISTARI Niels Uni Dam nielsuni@sosialurin.fo Umframt at vera yngsti heimsmeistari í formel 1 nakrantíð, er Fernando Alo- nso eisini fyrsti spanski heimsmeistari í formel 1. Hann er somuleiðis einasti spaniumaður, ið hevur vunnið eina formel 1 koyr- ing. Í mun til flestu evrope- isku londini hevur Spania ongantíð luttikið serliga aktivt í formel 1. Einans 10 spanskir koyrarar hava lut- tikið í formel 1 koyringum, og hesir hava samanlagt vunnið 256 stig, av hesum hevur Fernando Alonso vunnið tey 231. Hetta hevur veruliga vakt áhugan fyri formel 1 í Spania. Fernando Alonso segði á tíðindafundinum aftan á heimsmeistaraheitið var komið í hús, at eftirsum Spania ikki var eitt land við eini formel 1 søgu, so var sera trupult at fáa nakran stuðul í sínum royndum at gerast formel 1 koyrari. Tí var allur vegurin til formel 1, úrslit av hørðum arbeiði, og við hjálp frá nøkrum heilt fáum fólkum, ja tey kundu teljast á einari hond. Arvaði Go-kart Ovast á takkarlistanum stendur pápin José Luis Alonso. José droymdi sum ungur um at gerast rasara- koyrari, men umstøðurnar loyvdu hesum ongantíð. Hann royndi tí ístaðin, at vekja áhugan hjá síni 8 ára gomlu dóttur Lorenu og bygdi hennið ein go-kart. Men henni dámdi einki at koyra hart, og lítlibeiggin, tann tá trý ára gamli Fern- ando, arvaði bilin. Pápin tillagaði pedalirnar, soleið- is at hann rakk niður til tær. Longu sum fimm ára gamal smurdi Fernando javnaldr- andi kappingarneytarnar av, og pápin sá, at her var talan um veruligar gávir. Næstan hvørt vikuskiftið vóru Fernando og pápin á ferð til Go-kart kappingar. Hetta var strævið og kostn- aðarmikið hjá familjuni, men tey stuðlaðu honum øll, sigur Fernando Alonso á heimasíðu síni. Inntil hann var tólv ára gamal var pápin mekanikari. Men hægri upp í Fernando kom í kappingunum, jú dýrari og strævnari gjørdist ítrótturin. Tí royndu teir alsamt at fáa vinnulívið at stuðla honum, men eingin var áhugaður. Ov dýrt at luttaka Familjan hevði ikki ráð at gjalda fyri útreiðslurnar at koyra í almenna spanska meistaraheitinum. Tí koyrdi Fernando í minni kapping- um. Hann var altíð yngri enn kappingarneytarnir. Tá hann flutti enn ein aldurs- bólk upp til 100cc flokkin, máttu tey søkja um undan- taksloyvi. Tí Fernando var so ungur. Hann var so sannførandi í 100cc flokkinum, at eigarin av stóra go-kartfelagnum Genikart, Genis Marco gav honum møguleika at roynd- arkoyra fyri liðið. Royndar- koyringin var luttøka í eini kappkoyring í katalanska meistaraheitinum. Fernando sigur, at hann var greiður yvir, at hetta var stóri møgu- leikin, ið kundi tryggja hansara framtíð sum rasara- koyrari. Tí var trýstið nógv, men Fernando vann sann- førandi. Hetta sama árið, vann hann spanska meistaraheitið fyri Genikart. Alonso koyrdi fyri Geni- kart inntil 1996, tá hann skrivaði sáttmála við risa- stóra italska go-kart felagið IAME, hann var tá 14 ára gamal. Hetta sama ár gjørd- ist hann heimsmeistari í Go-kart. Vann á Spa Eftir hetta gekk leiðin gjøgnum sponsku formula Nissan kappingina, har hann gjørdist meistari fyrsta árið, og síðan bein- leiðis til Formel 3000. Hann gjørdist nummar fýra í formel 3000 í 2000, og vann koyringina á Spa. Flavio Briatore stjóri í Renault liðnum, sá gávu- ríka unga mannin vinna, og skundaði sær at gera sátt- mála sum umboðsmaður fyri hann. Briatore setti unga spaniumannin í læru í Minardi liðnum kappingar- árið í 2001. Her lærdi hann at koyra í formel 1. Hóast Minardi bilurin slettis ikki var kappingarførur, so var tíðin sambært Alonso sera lærurík. Í 2002 var Alonso roynd- arkoyrari hjá Renault, og lærdi her nógv um Renault bilin og um liðið. Í 2003 fekk hann seturi hjá Jenson Button í Renault liðnum, og sum kappingarárið leið, bjóðaði Alonso alt meira royndara liðfelaganum Jarno Trulli av. Í Ungarn fekk Fernando fyrstu byrj- unarstøðu og kom eisini fyrstur á mál. Við hesum sigrið gjørdist hann yngsti vinnari av eini formel 1 koyring nakrantíð. Bukaði Villeneuve Tá Trulli var koyrdur úr liðnum, áðrenn kappingar- árið 2004 var av, varð av- loysarin fyrrverandi heims- meistarin Jaques Ville- neuve. Villeneuve bleiv av- smurdur av Fernando, og tað gjørdist alsamt týðilig- ari, at her var talan um ein sera gávuríkan ungan koyr- ara. Hetta kappingarárið byrj- aði væl fyri Renault. Lið- felagin Giancarlo Fisichella vann fyrstu koyringina í Avstralia, Alonso var 6,7 sekund aftan fyri á triðja plássi.Tað var greitt, at Renault hevði ein frálíkan bil. Við sigrum í formel 1 koyringunum á Sepang, Bahrain, Immola, Nur- burgring, Magny Cours og Hockenheim, varð grundin løgd fyri heimsmeistara- heitinum. Men tað er í líka stóran mun, tær tryggu og skipaðu koyringirnar í seinnu helvt av kappingar- árinum, har Fernando ferð eftir ferð tryggjaði sær virðismikil stig, sum vístu, at her er talan um ein koyr- ara, sum umframt at vera skjótur í einum bili, er førur fyri at hugsa. Tað er hesi evnið, ið hava gjørt Alonso heimsmeistara 24 ára gamlan. Keldur: www.fernandoalonso.com, www.forix.com; www.f1.com Fernando Alonso: Fyrsti spanski heimsmeistarin í formel 1 Fernando Alonso hevur altíð kappast ímóti koyrarum, sum eru eldri enn hann, og tí er tað nokkso hóskandi, at júst hann gjørdist yngsti heimsmeistari í formel 1 nakrantíð Mynd: Reuters Føddur: 21. juli 1981 í Oviedo í Spania Formel 1 koyringar: 66 í árunum 2001-2005 Sigrar í formel 1: 7 Á sigurskammlinum: 21 Byrjanir í fyrstu støðu: 8 Kilometrar koyrdir í formel 1: 17.015 Kilometrar á odda í formel 1: 2.108 Fyrsti sigur í almennari kapping: Go-kart Pola de Laviana í 1988 FERNANDO ALONSO