leygardagur 1. oktober 2005síða 13

Nr. 187 - 1. oktober 2005 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Mads Andreas Winther Hentze, á Sandi, van- liga nevndur Mads, andaðist á Landssjúkra- húsinum 28. september, 80 ára gamal. Bønarhald verður í kapellinum leygardagin klokkan 15. Jarðarferðin verður úr Sands kirkju sunnu- dagin klokkan 14. Mia Kjærbæk, Vest- manna, andaðist 26. september, 36 ára gom- ul. Kistan fór úr Lands- sjúkrahúskapellinum fríggjadagin 30. sep- tember klokkan 17. Jarðarferðin verður úr Vestmanna kirkju leyg- ardagin 1. oktober klokkan 14. Tey, ið vilja minnast Miu, kunnu lata Føroya Felag móti Krabbameini eina gávu. Andlát og jarðarferðir Tað verður hervið kunngjørt ætt og vinum, at kæri maður, pápi, verfaðir og abbi okkara Mads Andreas Winther Hentze, (vanliga nevndur Mads) Sandur andaðist á Landssjúkrahúsinum 28. september, 80 ára gamal. Bønarhald verður í kapellinum leygardagin 1. oktober kl. 15.00. Jarðarferðin verður úr Sands kirkju sunnudagin 2. oktober kl. 14.00. Vegna familjuna Jenny Í morgin, sunnudagin 2. ok- tober, verður Frede Benja- minsen á Nesi í Eysturoy 70 ár. Føðingardagurin verður hildin á Svanga- skarði leygarkvøldið, og har eru øll væl komin. Frede Benjaminsen er ættaður úr Ringkøbing í Danmark. Hann kom til Føroya og Nes fyri umleið hálvari øld síðani. Í Dan- mark hevði hann hitt Ja- cobu, sum er ættað av Nesi og fødd Olsen. Hon hevði verið á háskúla í Haslev. Tey bæði giftust og búsett- ust á Nesi, og tey eiga fýra børn - Harry, Hedvig, Lis- beth og Majbritt. Harry og Majbritt búgva á Toftum, Hedvig býr í Fuglafirði, og Lisbeth býr niðri. Frede gjørdist føroyingur og nesmaður, og hann hev- ur hesa hálvu øldina, sum hann hevur búð í Føroyum, eitt nú verið skipsmaður. Í nógv ár arbeiddi hann hjá D. P. Højgaard, sum um tað mundið, tá ið Frede kom til Føroya, var nógv tann størsta fyritøkan á Toftum. Tá í tíðini nýttu tey flestu kol at fáa hita við. Hjá D. P. Højgaard seldu tey kol, og Frede var millum teirra, sum koyrdu og bóru kol- sekkirnar út til kundarnar. Frede Benjaminsen var fleiri ár til skips. Hann sigldi eitt nú við Kongs- havn, Nesbúgvanum, Spor- inum, Suðurland og Bliki, og so arbeiddi hann í nógv ár á flakavirkinum hjá toftamonnum, sum nevnd- ist Nykur. Síðani Fiskamarknaðurin sá dagsins ljós, hevur Frede verið har, og hann arbeiðir framvegis á hesum arbeiðs- plássinum, sum tey sein- astu nógvu árini hevur havt stóran týdning fyri hetta lokaløkið. Soleiðis sum hann altíð hevur gjørt tað, har hann hevur arbeitt, so møtir Frede sera væl upp, og tann, sum ætlar sær at vera fyrri á arbeiðsplássinum enn Frede, verður noyddur at fara tíðliga frá húsum. Frede Benjaminsen 70 ár Dagurin 1. oktober. Remigius, deyður í 533. Galliskur aðalsmaður, sum longu 22 ára gamal varð valdur til biskup í Reims. Hann kristnaði Chlodovech kong, sum var langabbi Karlamagnus. Remigius doyði 96 ára gamal. 2. oktober. Ditlev. Komin upp í halgramannatal í 1725. Ókent halgimenni. Upprunaliga týskt navn, samansett av orðunum fólk og arvur. 3. oktober. Metta. Teir vita ikki um nakra halgikvinnu við hesum navni. Navnið er Margreta stytt. Í dag, leygardagin 1. oktob- er, verður Alex Sólstein í Klaksvík 75 ár. Alex var í mong ár skúlastjóri í Klaksvík, og kring landið er hann eisini kendur fyri sína luttøku í sangi og tón- leiki. Alex er klaksvíkingur. Pápin var Jens Pauli ella Palli, sum var føddur Fredriksen og seinni fekk sær Sólstein sum eftirnavn. Hann var ættaður úr Køk- inum á Uppsølum, og mamman var Else Birgithe, sum var fødd Petersen, og sum var ættað úr Víkunum. Tey búsettust á Uppsala- eiði, og tey fingu trý børn: Alex, Dagny og Jákup sum øll búgva í Klaksvík. Alex tók í 1950 nýmáls- ligt studentsprógv á Føroya Studentaskúla, sum tá helt til á VBV. Hetta árið vóru tey tíggju studentar - sjey matematiskir og tríggir málsligir. Saman við Alex tóku tvær gentur av Skála málsligt studentsprógv fyri 55 árum síðani. Í 1952, tá ið hann var 21 ára gamalur, leyk Alex læraraprógv frá Føroya Læraraskúla. Alt sítt ar- beiðslív arbeiddi Alex við skúlaverkið í Klaksvíkar kommunu. Hann varð sett- ur í fast starv 1. september 1955, og hann fór úr starvi 1. apríl 1996. Nógv størsta partin av læraratíðini var Alex Sólstein skúlastjóri. 1. apríl í 1961 varð Alex settur í skúlastjórastarvið fyri Klaksvíkar skúla. Hetta sama summarið varð nýggi skúlabygningurin tikin í nýtslu, og tað var ikki smá- vegis avbjóðing, ið Alex sum 30 ára gamalur tók á seg. Fólkatalið í bygdini var meiri enn tvífaldað eftir kríggið, og skúlaumstøður- nar høvdu verið alt annað enn góðar í fimti árunum. Potturin, sum klaksvík- ingarnir vórðu smeltaðir til eina eind í, var fyrst og fremst skúlin. Næmingatal- ið var omanfyri níggju hundrað, tá ið tað var hægst, læraratalið øktist skjótt, og luturin hjá Alex var at fáa alt hetta at ganga upp. Hann var stjóri hjá teimum, sum høvdu verið lærarar hjá honum og hjá nýggjum og viðhvørt fremmandum lærarum, og hann hevði gott tak á stóra talinum av næmingum, sum hann kendi við navni - allar samlar. Eisini var talan um bygn- aðarligar og innihaldsligar umskiftingar og tillagingar. Stutt eftir, at Alex var vorðin stjóri, varð skipanin við millumskúla avtikin. Í staðin eftir fimta flokk so varð uppbýtið av næming- unum eftir sjeynda flokk, og tey, sum ikki fóru í real, fingu tilboð um 8. og 9. og seinni 10. skúlaár. Miðskeiðis í sjeyti árun- um var Klaksvíkar skúli undir leiðslu av Alex Sól- stein millum teir fyrstu, sum royndu skipanina við samlestri øll skúlaárini. Tað bar m. a. við sær, at næm- ingarnir - soleiðis sum teir framvegis gera tað - øll skúlaárini vóru í flokki saman við somu feløgum. Í 1979 varð skúlin í Klaksvík býttur í tveir sjálvstøðugar skúlar. Alex gjørdist tá skúlastjóri í Ósáskúlanum, og í tí starv- inum sat hann, inntil hann í í 1996 legði frá sær. Tá hevði hann í nøkur ár verið einalærari í Árnafirði, sum er partur av Klaksvíkar kommunu, og frá 1990 og til 1997 hevði hann staðið fyri eftirútbúgvingini fyri fólkaskúlalærarar. Alex hevur verið ógvu- liga fjølgávaður, og hann hevur støðugt syrgt fyri at fylgja við. Í 1956-57, 1958- 59 og 1971-72 var hann á ársskeiðum á DLH. Ser- ligur dentur varð lagdur á eftirútbúgving í donskum, týskum og eingilskum og sangi og tónleiki. Haraft- urat hevur Alex verið á styttri eftirútbúgvinga- skeiðum í eitt nú Týsklandi. Sum skúlamaður var Alex limur í nógvum nevndum. Eitt nú var hann limur í lesiætlanarnevndini fyri fólkaskúlan frá 1965 og til 1993, tá ið hann gjørdist skrivari í Ráðlegg- ingarnevndini fyri fólka- skúlan. Sangur og tónleikur og mentunarligt virksemi í breiðum týdningi hevur verið stórur partur av lívin- um hjá Alex, og hann hevur í hesum á so mangan hátt verið við til at seta dám á. Eitt nú var hann 1956-1984 við til at geva Hungalig jól út, og tey seinnu árini hevur hann umsett og skrivað. Ofta hevur Alex verið hent- ur hjá Klaksvíkar komm- unu og øðrum at heita á, tá ið serligar uppgávur hava staðið fyri. Eisini síðani hann legði lærarastarvið frá sær hevur hann verið ógvu- liga virkin. Burtursæð frá styttri tíðarskeiðum hevur Alex verið í Klaksvíkar Horn- orkestri í meiri enn eina hálva øld, og frá 1956 og fram til 1973 stóð hann fyri Klaksvíkar Sangfelag, sum mammubeiggi hansara, Sámal Petersen, framman- undan hevði staðið á odda fyri. Í 1977 var Alex mill- um teirra, sum tóku stig til at stovna Klaksvíkar Musikkskúla, og har hevur hann verið nevndarlimur í mong ár. Alex fær tað at ljóða væl úr so at siga øllum ljóðfør- um. Høvuðsinstrumentið hjá honum er violinin. Meðan hann var undir út- búgving, spældi hann hjá Eriki Petersen, sála, sum um hetta mundið hevði verið forsprákari fyri at stovna Tórshavnar Musikk- skúla. Alex spældi á kon- sertunum, sum orkestrið hevði, og hann nam sær kunnleika og íblástur á skeiðum heima og uttan- lands. Alex var í 1984 ein teirra, sum tóku stig til at stovna Føroya Symfonior- kestur. Har hevur hann síðani verið nevndarlimur og íðin violinspælari, og tað er neyvan tikið ov nógv til at siga, at Symfonior- kestrið hevur í Alexi átt ein av sínum størstu stuðlum. 23. juli í 1960 giftist Alex við Katrini, sum er ættað úr Klaksvík. Tey eiga hugna- ligt heim undir Fossum, og tey eiga fýra børn - Birgit fødd 1961 býr í Onglandi, Andras føddur 1962 býr í Klaksvík, Páll føddur 1964 býr í Keypmannahavn, og Kári føddur 1974 býr í Havnini. Kirkjuni hevur Alex altíð víst serligan áhuga og tokka. Hann hevur í mong ár verið kirkjusangari, og eingin megnar betri at vísa runt og greiða frá í Christ- ianskirkjuni, enn Alex ger tað. Tað er sonn fragd at fylgja við, tá ið hann foldar seg út og á sín eyðkenda hátt greiðir frá - um tað so er á føroyskum, donskum, norskum, svenskum, týsk- um ella eingilskum. 75 ára føðingardagin er Alex Sólstein burturstadd- ur. Alex Sólstein 75 ár Tøkk Vit takka hjartaliga fyri sýnda samkenslu, tá okkara kæra mamma, omma, vermóðir, systir og dóttir Hanna Magnussen andaðist og varð jarðað. Familjunnar vegna Vilhjálmur, Elsa, Marianna og Ólavur Alex Sólstein. Myndin er tikin á flogvøllinum hósdagin Mynd: Rúna Sivertsen