týsdagur 4. oktober 2005síða 23

Nr. 188 - 4. oktober 2005 23 Bjargingarroyndin, sum TB flotaði fyri viku síðani, tykist eydnast væl, meðan søgan um laka enda- spurtin tykist endur- taka seg hjá Skála FÓTBÓLTUR Jákup Mørk Tað gongur skjótt fyri seg í fótbólti. Fyri bara átta døg- um síðani mundu nógvir fótbóltsfjepparar kring landið vera sannførdir um, at TB eftir bara eitt ár við Formula-fótbólti aftur skuldi vera at finna í aðru deild komandi kappingarár. Gaman í hevði TB dystir eftir eins og hini liðini, men við fimm stigum upp til næst aftasta liðið, tóktist støðan ikki sørt vónleys. Álop frá fyrsta bríksli Fortreytirnar broyttust tó nakað við sigrinum á GÍ, og sunnudagin tók TB enn eitt fet á leiðini, tá teir at kalla framdu ein »Skála« móti Skála. Við einum Skála verður sjálvandi sipað til bjarg- ingarroyndirnar, sum Skála framdi tey bæði fyrstu árini, sum teir vóru í bestu deildini. Í báðum førum á tann hátt, at liðið við trim- um sigrum í seinastu trim- um dystunum akkurát fekk tunga likamspartin upp úr vatnskorpuni. Sigurin móti GÍ varð kanska fyrst og fremst eitt úrslit av, at TB spældi nógv meira framrættað, enn teir hava gjørt fyrr í ár, og tí mundi tað vera eitt gott hugskot, um sama upp- skriftin varð nýtt móti Skála. Og tað var við hepnari hond, skuldi tað vísa seg. Longu eftir níggju minutt- um gjørdist Dejan Tomic einsamallur við Eugen Voda, og so kundi fram- herjin, sum hevur víst seg sum góður fongur hjá TB, enn einaferð smekka í kassan. Og hetta vísti seg eisini at vera avgerandi málið í dystinum. TB kundi sjálv- andi dúva meira upp á kontraspælið, nú teir høvdu lagt seg á odda, men hin- vegin merkti tað ikki, at liðið gróv seg fullkomuliga niður. Serliga fyri steðgin, tá teir høvdu vindin undan, søktu teir nógv á Skála- málið, og tó at gestirnir kanska høvdu bóltin meira eftir steðgin, so var TB framvegis vandamiklara liðið. Fleiri mál fingu teir tó ikki, men tað eina av slagnum var kortini nokk. Tí tað var einki at fara skeivur av, at fagnaðurin kring Sevmýri var stórur eftir dystin. Farvæl til botnin Og tað er eisini skilligt. Við sigrinum slapp TB sær av botnsessinum, sum teir hava røkt seinastu góðu tríggjar mánaðirnar, og heldur verandi støðan sær, so skal liðið í mesta lagi spæla um rættin til For- mula-bólt komandi kapp- ingarár. Og tað kann enntá gerast enn betri. Verður talan um triða sigurin í slag, tá VB kemur á vitjan um tvær vikur, so verður sagt enda- liga farvæl við botnsessin, eins og tað væl kann hugs- ast, at strikan millum átt- anda og níggjunda plássið eisini verður niðanfyri TB. Slitið kostar Hjá Skála man tað hinvegin vera heldur hugtungt at staðfesta, at úrtøkan sein- astu nógvu umførini ikki hevur verið tann, sum roknast kann við av einum oddaliði. Troystin er sjálvandi, at tað hevur hon heldur ikki verið hjá kappingarneyt- unum í oddastríðnum, men tapið hesa ferð gjørdi í øllum førum, at tað nú er enn truplari enn áður hjá Skála at gera seg galdandi heilt frammi á talvuni. Og við komandi truplu uppgávuni á Eiði, kann eisini væl vera, at Skála skal ansa sær fyri NSÍ, sum tykist koma við fullari ferð aftan ífrá. Tað vildi í øllum førum verið ein niðurtúrur av teimum stóru, um liðið, sum í so nógvum umførum hevur verið heilt frammi í oddinum, brádliga skal finna seg sjálvt uttan fyri heiðursmerkjarøðina. Men tað er kanska á sín hátt eis- ini prísurin, sum eitt langt kappingarár við nógvari slitagu á lyklaspælarar hevur við sær. Tað kundi tó eisini hent seg, at tann prísurin í enn størri mun er galdandi fyri sambiðlarnar í oddastríðnum, men tað fara tey bæði seinastu um- førini at vísa. Leygardagin skipaði Tórshavnar Súkklu- felag fyri FM í einkultstarti fyri børn. Kappast bleiv í bólkunum 1, 2 og 3 SÚKKLING Tíðindaskriv Leygardagin skipaði TSF fyri ársins seinastu súkklu- kapping. Kappast varð í FM í einkultstarti fyri børn og kappingin gekk fyri seg á vegnum millum Kald- baksbotn og Kaldbak. Luttøkan var góð, tí ikki færri enn 22 børn bjóðaðu hvør øðrum av. Fýra føroyameistarar vórðu funnir, og millum hesar var Finnur Mellemg- aard, ið hevur súkklað kapp í nøkur ár nú. Hann er stinnur í súkkling, og verð- ur hugt eftir meðalferðini hjá Finni, sæst at hann súkklaði teir 4 km við einari rættiliga góðari meðalferð, nevniliga 37 km/t, sum er ein rættiliga góð meðalferð fyri ein súkklara í bólki 3. Eins og tað sømir seg í stórum einkultstartkapp- ingum, sluppu børnini á fyrsta sinni at starta av ein- um sokallaðum startrampa. Hetta var sjálvandi spenn- andi, hildu børnini. Í bólki 2 var spenningur í, tí stutt var millum numm- ar eitt og trý, men munin átti Benjamin Thomassen, ið vann við ávikavist 22 og 24 sekundum á Hóra Bryn- hildarson og Janus í Bø- garði. Ein góð og spennandi kapping við góðari undir- tøku. Hetta fer tí vónandi at hava við sær, at TSF fer at skipa fyri enn fleiri súkklu- kappingum fyri børn. Livst so spyrst. Úrslit av FM í einkultstarti fyri børn: Gentur, bólkur 1, 2 km: 1 Beinta á Bøgarði 2 Birita Dam 3 Eyð Jacobsen Dreingir, bólkur 1, 2 km: 1 Rasmus Mohr Nielsen 2 Bogi á Vollanum 3 Ragnar Kruse 4 Martin Olsen 5 Mortan á Bøgarði 6 Andrias Dam 7 Rói Johannesen Dreingir, bólkur 2, 3 km: 1 Benjamin Thomassen 2 Hóri Brynhildarson 3 Janus á Bøgarði 4 Bartal Veyhe) 5 Fríði av Vollanum Dreingir, bólkur 3, 4 km: 1 Finnur Mellemgaard 2 Harald Joensen 3 Terji Jacobsen 4 Rógvi Reinert 5 Jens Pauli Johansen 6 Martin Kragesteen 7 Tóti Kristjansson Hava givið liðnum frið Oddur Dimon er for- maður í fótbóltsdeildini hjá TB, og hóast hann ásannar, at árið í ár ikki alla tíðina hevur verið eins stuttligt, so heldur hann ikki, at nevndin ella fótbóltsdeildini hev- ur roynt at blanda seg í tað, sum venjarin og spælararnir hava gjørt. - Vit hava sum so eingi stig tikið til at broyta um gongdina. Trupulleikin hevur held- ur ikki verið, at liðið hevur spælt illa, og tí hava vit ikki vilja farið at blandað okkum alt ov nógv. Ein áleypari er sjálvandi komin, men tað er so tað, sigur hann. Og í veruleikanum hev- ur liðð verið verri mann- að í seinastuni, nú fleiri spælarar hava verið burtur frá av ymsum ávum. Hinvegin leggur hann dent á, at tað kanska hevur hjálpt, at liðið seinastu dystirnar hevur verið meira ágangandi, enn teir annars hava verið í ár. - Kanska hevur upp- leggið verið ov verju- kent í fleiri førum, og í øllum førum skapa vit fleiri møguleikar, nú tað verður spælt meira álopsspæl. Tað er so kanska eisini tí, at liðið nú noyddist at leypa á, tí munurin upp til næstu sessirnar var vorðin ov stórur. Men hóast hann so- leiðis viðgongur, at tað í dag er nakað nógv stuttligari at vera TB'ari, enn tað annars hevur verið í fleiri mánaðir, so noktar formaðurin í fótbóltsdeildini at selja skinnið. Ikki enn í øllum førum. - Avgerandi dysturin verður móti VB um tvær vikur, og fyrr enn tá er einki avgjørt. Og her hava sigrarnir á GÍ og Skála so havt við sær, at vit hava ráð til javn- leikin í tí dystinum. Hinvegin trúgvi eg, at um vit vinna tann dyst- in, so verða tað heldur ikki vit, sum skulu spæla um sessin móti næst besta aðrudeildar- liðnum. Men at hetta tá verður ein spurningur, sum VB og GÍ mugu greiða sínamillum, sigur hann at enda. -mørk TB-Skála 1-0 (1-0) 1-0 Dejan Tomic, 9. Dómari: Lassin Isaksen TB: Predrag Markovic - Predrag Zivkovic, Aca Petrovic, Óli Johannesen, Jón Tórður Holm - Allan Smedemark (Mortan Enni, 57.), Einar Petersen, Aleksandar Jovevic, Allan Poulsen - Hallur Christiansen (86.: Birgir Rasmussen), Dejan Tomic (Búi Mortensen, 90.) GK: Hallur Christiansen, 17. Skála: Eugen Voda - Rói Jacobsen, Rúni Rasmussen, Pætur Dam Jacobsen, Iulian Florescu - Bjarni Jørgensen (Alexandur Johansen, 26. (Arnhold Berg, 87.)), Nenad Stankovic, Pauli G. Hansen, Hanus Thorleifsson (Volmar Poulsen, 46.) - Bogi Gregersen, Jónhard Frederiksberg. GK: Iulian Florescu, 43. Fakta um dystin Børnini kappaðust um FM TB-Skála 1-0 (1-0): Ein Skála móti Skála Annan heimadystin á rað megnaði TB at fáa fulla úrtøku, og við hesum hava teir fyribils lopið bukk um VB, sum nú er niðasta liðið Mynd: Áki Bertholdsen