týsdagur 11. oktober 2005síða 23

Nr. 193 - 11. oktober 2005 23 harðari, so kundi okkurt eisini spurst burtur úr hes- um. Mál komu tó ikki, og spakuliga fóru føroyingar- nir av álvara at møðast. Mongu hitastigini og til tíðir høga leikferðin hevði at kalla mergsoðið allan mátt úr okkara monnum, og fyri tað nógva tóktist tað bara vera ein spurningur um tíð, áðrenn leiðslan varð økt. Og tíðin til hetta var í yvirtíðini. Føroyingarnir megnaðu ikki at rudda burtur, og tá Benayoun, sum aftur hesa ferð var besti maður á vøllinum, í aðru atløgu legði innfyri, kundi innskifti Michael Zandberg prika bóltin millum beinini á Jákupi Mikkelsen. Tað líktist aftur eitt av teimum so væl kendu heiðurligu tapunum, og tað bleiv tað sum so eisini. Men føroyingarnir syrgdu tó fyri, at tapið varð enn meira heiðurligt, og at Henrik Larsen loksins fekk orsøk at fegnast um eitt mál. Eftir at hava givið bóltin upp, sendi Ingi Høj- sted langt fram til Símun Samuelsen. Hann var staddur langt úti í borð- inum, men tá eingin spælari var komin niðan í brots- teigin, langaði vágbingurin bara til við uttaru-síðuni, soleiðis at bólturin skrúvaði móti nærmasta horninum, har málverjin bert megnaði at skumpa hann seinasta pettið í netið. Breiddin er styrkt Saman um tikið gjørdist talan soleiðis um eitt hampuliga gott farvæl til landsliðsvenjaran seinastu trý árini, og sjálvur kundi hann helst eisini staðfesta, at framda arbeiðið hevur verið á eini leið. Ikki minst, tá hugsað verður um, hvussu fráveru- listin undan dystinum í Tel Aviv sá út. Todi Jónsson, Súni Olsen og Jákup á Borg eru allir meira ella minni berandi spælarar á liðnum, men hvørgin teirra var hesa ferð við. Hartil kann so leggjast, at eitt nú John Petersen og Pól Thorsteins- son nú hava biðið lands- liðnum farvæl, meðan Juli- an Johnsson er langtíðar- skaddur. Tað vil við øðrum orðum siga, at av føstu spælarunum fyri bara ein- um ári síðani, er góður helmingur ikki tøkur long- ur, og tað hevur sett krøv til nýggju kreftirnar. Og hóast hesar fyri tað nógva eru óryndar, so prógvaðu teir - saman við teimum gomlu - at knotur eru í føroysku spælarunum. Og at tað heldur ikki næstu undan- kapping verður talan um nakran lættan dyst, tá Før- oyar standa hinumegin. Ísrael-Føroyar 2-1 (1-0) HM-undankappingardystur á Ramat-Gan Stadion,Tel Aviv 31.500 áskoðarar 1-0:Yossi Benayoun, 1. 2-0: Michael Zandberg, 90. 2-1: Símun Samuelsen, 90. Ísrael: 1. Nir Davidovic - 2. Alon Harazi, 3.Tal Ben Haim, 6. Adoram Keisi - 10.Walid Badier, 17. Abas Suan (18. Michael Zandberg, 46.), 8. Avi Nimni (liðformaður) - 20. Yaniv Katan (7. Pini Balili, 73.), 12. Ormer Golan (14. Shlomi Arbeitman, 66.), 15.Yossi Benayoun GK: Pini Balili, 74., Adoram Keisi, 77. Á beinkinum uttan at koma inn: 22. Ohad Cohen, 5. Shimon Gershon, 11. Idim Tal, 21. Klemi Saban Venjari: Avraham Grant Hjálparvenjari: Moshe Sinai Málmansvenjari: Alexander Obarov Fysiskur venjari: Avi Moyal Lækni: Mark Rosnovsky Fysioterapeutur: Shmulik Rozenzweig Liðleiðari: Israel Schuzinski Føroyar: 1. Jákup Mikkelsen - 3. Mortan úr Hørg, 13. Óli Johannesen (liðformaður), 5. Jón Rói Jacobsen, 4. Johan Byrial Hansen (2. Atli Danielsen, 15.) - 7. Fróði Benjaminsen - 9. Christian Høgni Jacobsen (Símun Samuelsen, 80.), 14. Ingi Højsted, 6. Rógvi Jacobsen, 10. Claus Bech Jørgensen - 11. Andrew av Fløtum (12. Jónhard Fredriksberg, 66.) GK: Fróði Benjaminsen, 40., Ingi Højsted, 68., Óli Johannesen, 71., Atli Danielsen, 76. Á beinkinum uttan at koma inn: 16. Jens Martin Knudsen, 8. Heðin á Lakjuni, 27. Pauli G. Hansen, 18. Bergur Midjord Venjari: Henrik Larsen Hjálparvenjari: Jógvan Martin Olsen Lækni: Jens Pauli Marstein Fysioterapeutar: Álvur Hansen og Øssur Steinhólm Liðleiðarar: Birgir Hansen, Per Olsen og Bárður Olsen. Dómarabólkur úr Eysturríki: Bernhard Brügger, Norbert Schwab, Andreas Fellinger, Fritz Stuchlik Dómaraeygleiðari úr Ungarn: Milos Nagy FIFA-umboðsmaður úr Grikkalandi: Emmanuel Manos Mavrokoukoulakis Fakta um dystin yndina Tað stóð mangan hart á í føroysku verjuni, men kortini hevði Jákup Mikkelsen merkisvert lítið at gera Mynd: Reuters