týsdagur 18. oktober 2005síða 20

20 Nr. 198 - 18. oktober 2005 Bulgariumaðurin Veselin Topalov var í serklassa, tá heims- meistarakappingin í talvi varð leikt í San Luis, Argentina HM Í TALVI Carl Eli Nolsøe Samuelsen Tá Topalov leikti javnt ímóti Kasimjanov í trett- anda og næstseinasta um- fari, varð greitt, at Topalov varð heimsmeistari. Nærm- astu kappingarneytarnir Anand og Svidler máttu tá geva skarvin yvir. Vældámdur heimsmeistari Tað eru bert góð og rósandi orð ein hoyrir um okkara nýggja heimsmeistara. Allir talvjournalistar og telvarar eru í øllum førum glað fyri sigur Topalovs. Kanska ein orsøk er, at Topalov nú er opin fyri øllum møguleikum at sam- ansjóða telvingina. Vit hava síðani 1993 havt ein fløkta støðu við tveimum heims- meistarum. Vónandi verður tað skjótt søga, nú Topalov sigur seg vera heitan fyri einum dysti móti Kramnik ella sjálvum Kasparov. Eg vildi hildið, at fyrst er neyðugt at telva ein dyst móti Kramnik áðrenn talan kann verða um, at Kaspa- rov kemur inn í myndina aftur. Um pensioneraða legendan yvirhøvur er áhuga, er ein onnur søk. Venjarin hjá Topalov mongu seinastu árini, Silvio Dainalov, nevnir novembur 2006 sum eitt gott og realistiskt tíðspunkt til ein ultimativan HM- dyst. Spurningurin er so um altjóða talvsamgongan FIDE og Kramnik eisini síggja ljóst uppá hendan møguleika. Fyrra helvtin avgjørdi Topalov var í serklassa í San Luis. Eftir eina óhoyrda fyrru helvt, har hann skúgvaði alla mót- støðu til viks, gearaði Topa- lov nakað niður og remiser- aði seg til heimsmeistara- heitið. 6 sigrar og 8 javn- leikir. Topalov er sera sterkur á øllum økjum. Tað er ikki av tilvild at hann er heims- meistari. Kanska ein veik- leiki er, at hann til tíðir tyk- ist heldur ótryggur tá hann hevur vinnandi fyrimun og skal avgera talvini. T.d. hevði hann slíkar støður ímóti Anand og Moroze- vich, sum ikki góvu meira enn javnleikar. Men tað er so tað einasta neiliga ein kann siga um telvingina hjá honum. Hann dugur eitt nú væl at koma í støður, ið hann veit mótstøðumenn- irnir ikki dáma. Ein sterkur allround telvari við kom- binatoriskum eginleikum í serklassa. Anand vaknaði upp úr dvala í seinnu hálvu. Men kortini varð hann alt ov stuttur til at hótta Topalov. Anand vinnur sær nakað av rating omaná sítt høga 2788 ratingtal og tí varð hansara úrslit á heilt góðari leið. Svidler verður av teimum flestu undirmettur. Hann fær ikki so ofta innbjóðing- ar til sterkastu kappingar- nar, so sum Linares og Wijk aan Zee, men eftir HM- kappingina eiga fleiri hurð- ar at opnast fyri honum. Hann telvaði rættiliga sann- førandi og tapti einans eitt talv. Ímóti Topalov, sjálv- andi. Fjórði maðurin í røðini varð Morozevich. Ilt sá út hjá honum fyrstu umførini, men tríggir sigrar á rað miðskeiðis í kappingini broytti hesa støðu. Hann stríddist væl sum hann plagar og av og á sóu vit hansara eyðkenda talvstíl. Morozevich er helst nøgdur við 50% skoruna. Botnurin Størsta vónbrot varð Leko. Eftir at hann tapti ímóti Topalov í fyrsta umfari, reistist hann og hevði 50% skoru tá kappingin var hálvrunnin. Men so knekk- aði Leko óvæntað og vann ikki aftur fyrr enn í seinasta umfari. Adams og Kasimjanov fingu báðir 5,5 stig. Adams hevur ikki telvað serliga væl seinasta árið og í San Luis vann hann einki talv. Trý tap og ellivu javnleikir er einki at reypa av. Kasimjanov, sum hevði lægsta ratingtal, kann hinvegin vera hampiliga nøgdur við avrikið. Hann stendur í stað í rating. Fremsta kvinnan í heim- inum, Judit Polgar, hevði eina vánaliga kapping. Hon hevði annars bert havt góð úrslit í seinastuni, men í Argentina tyktist hon ikki at vera serliga væl fyrireik- að. Serliga galið var byrjan- arspæl hennara. Hon er væl betur enn úrslit sítt og kemur ivaleyst sterkt aftur. Johan B. Hansen, sum alla tíðina var í verj- uni hjá Horsens, var tann einasti av før- oysku landsliðsspæl- arunum í superliguni, sum fekk stig SUPERLIGAN Jóannes Hansen Tá ið dómararnir bríkslaðu fyri síðstu ferð í trettanda umfarinum í superliguni, sum var á skránni í viku- skiftinum, vóru tríggir før- oyskir landsliðsspælarar á fremstu fótbóltsvøllunum í Danmark. Bara hjá einum teirra eydnaðist tað at fáa stig. Johan B. Hansen var tann einasti, sum var á vøllinum alla tíðina. Hann var vinstri vongverji hjá Horsens, sum á heimavølli var partur av málleysum javnleiki móti FC Nordsjælland. Hetta var sætti javnleikurin hjá Hor- sens í trettan dystum. Stað- fest verður í Danmark, at Horsens hevur ikki álops- tyngd at spæla seg til sigrar, og tí er tað í verjupartinum, sum Johan B. Hansen er liður í, at teir verja seg til stig. Súni Olsen varð beinan- vegin eftir steðgin settur á vøllin, tá ið AaB vitjaði í Esbjerg. Sambært svenska AaB venjaran, so hevur Es- bjerg í fyrsta stóra trið- inginum av kappingini verið tað liðið, ið úrslitaliga hevur verið størsta vón- brotið, meðan hann heldur, at AaB hevur verið næst- størsta úrslitaliga vónbrot- ið. Í Esbjerg hilnaðist tað ikki væl hjá AaB, sum tapti 2-1. Súni Olsen hevði góða frísparksroynd, men bóltur- in fór dygst omanfyri tvør- træið. Tá ið Esbjerg fekk sigursmálið, kundi tað sæð út sum um, at Súni Olsen átti at havt verið nærri manninum, sum skoraði. Rógvi Jacobsen var síðstu løtuna á vøllinum, tá ið SønderjyskE, sum er aft- ast í superliguni, hevði vitj- an av Brøndby, sum er næstovast. Munurin á lið- unum var ikki so ógvuliga stórur, og serliga í 1. hálv- leiki megnaði botnliðið at hótta stjørnurnar. Brøndby tóktist hava tamarhald á støðuni í 2. hálvleiki, tá ið teir vóru frammanfyri 2-0, og teir høvdu møguleikar at økja um leiðsluna til 3-0. Teir søplaðu møguleikarnar burtur, og tá ið Sønderjyske eftir fríspark úr vinstru við snittara minkaði um munin til 2-1, kom rættuligur spenningur í. Rógvi Jacobsen hevði okkurt gott innlegg, og hann var framvið fleiri ferðir, tá ið langar sending- ar vórðu lagdar í nógv mannaða brotsteigin fram- man fyri Brøndby málverj- an, men tað spurdist ikki meiri burturúr, og so hevði SønderjyskE tapt fyri níggjundu ferðina í hesum kappingarárinum. Toppliðini vunnu FCK er framvegis oddalið. Teir vóru ógvuliga sannfør- andi, tá ið teir vunnu 3-0 í Silkeborg. Hetta var tíggj- undi sigurin hjá FCK í trettan dystum, og eftir trettan umfør hava teir ikki tapt. Úrtøkan er 33 stig, og tað boðar frá framúr støð- ugum avrikum. Viborg hongur væl uppi í teimum báðu stóru úr høv- uðsstaðnum. Leygardagin var Viborg í Herning, og teir vunnu 1-0 á FCM, sum higartil hevur verið stórt vónbrot. OB er á fjórða plássinum. Hesa ferð vunnu teir 3-1 á AGF, sum skifti venjara fyri tveimum vikum síðani. Spælararnir skulu pískast til at stríðast meiri fyri søkini, siga teir í AGF. Og tað er nógv at stríðast fyri, tí AGF er av álvara hótt av niðurflytingar strikuni. Endaliga støðan Navn Land Rat. Stig Topalov Bulg 2788 10,0 Svidler Russ 2738 8,5 Anand India 2788 8,5 Morozevich Russ 2707 7,0 Leko Ung 2763 6,5 Kasimjanov Usbk 2670 5,5 Adams Ong 2719 5,5 Polgar Ung 2735 4,5 Allir føroyingarnir vóru á vøllinum Topalov heimsmeistari Veselin Topalov sigur seg vera fyri einum dysti, sum eina ferð med alla kann gera av, hvør er heimsins besti telvari Judit Polger er fremsti kvinnuligi telvarin í heiminum, men hon hevði ikki nakra serliga góða kapping í Argentina