týsdagur 18. oktober 2005síða 21

Nr. 198 - 18. oktober 2005 21 Við sigrinum á KÍ syrgdi HB fyri, at teir enn standa einsamall- ir við FM-avgerðini. Men tað krevur so eisini ein sigur í sein- asta umfarinum, tá grannauppgerðin er á skránni FÓTBÓLTUR Jákup Mørk Tað eydnaðist ikki KÍ at arga HB á sama hátt, sum klaksvíkingarnir annars hava gjørt tað við Skála og B36 seinasta mánaðin ella so. Klaksvíkingarnir royndu ananrs til tað allar seinasta, og til tíðir kókaði blóðið hjá báðum pørtum yvir. Men tá alt kom til alt, so hevði HB tikið væntaða favoritt-sig- urin, soleiðis at teir fram til tað seinasta eru partur av FM-stríðnum. Eitt stríð, sum teir nú kunnu avgera sjálvir, um teir vinna sein- asta dystin á árinum. Vakurt mál punkteraði dystin Fyrstu longu løtuna var annars ikki so nógv, sum bendi á, at HB skuldi fáa teir heilt stóru trupulleik- arnar á degnum. KÍ byrjaði varisliga á sama hátt, sum teir gjørdu tað móti B36, men tað gekk tó ikki long tíð, áðrenn hol kom á ballónina. Høgni Madsen klossaði við bóltinum á miðvøllin- um, og so gekk tað skjótt fyri seg. Rasmus Nolsøe sendi bóltin inn um tunnu KÍ-verjuna, og hóast gestir- nir vildu vera við, at talan var um rangstøðu, so var Uni Arge ísakaldur. Hetta gav bara HB enn betri fortreytir at spæla, og eina løtu spruttaðu teir nakað. Kanska ikki soleið- is, at talan var um reinan sjampanjufótbólt, men tá teir høvdu møguleika, so gekk tað aloftast skjótt fyri seg. Og einar tvær ferðir dansaði bólturin inni móti málstrikuni, uttan at hetta tó kastaði nakað av sær. Tað gjørt tað tó á hálva tímanum. KÍ var annars spakuliga um at koma fyri seg, og einar tvær ferðir høvdu teir eisini skapt vandastøður, tá teir við longum sendingum eftir kantinum spældu HB-verj- una tunna. Men hetta varð alt gjørt at kalla fyri ong- um. Jákup á Borg fekk eina langa sending úr vinstra verjuborðið. Sera hegnis- liga stýrdi hann bóltinum inn um Eyðun Klakstein í temjingini, áðrenn hann av brotsteigar markinum meddaði til móti nærmasta stólpa. Eitt sera vakurt mál, sum á sín hátt eisini undir- strikaði styrkina, sum HB- liðið hevur havt í ár. Tí hóast tað kanska ikki altíð hevur verið so elegant, so hava teir í avgerandi løt- unum havt avgerandi spæl- ararnar sum hava skotið avgerandi málini. Málið setti ferð á Tað tóktist leingi, sum hevði seinna HB-málið fullkomuliga punkterað dystin. Klaksvíkingarnir tóktust ikki veruliga trúgva upp á møguleikan at koma aftur í dystin. Og í sínum lag kundu vertirnir taka tað hampuliga róligt. Ikki minst eftir ein fyrra hálv- leik, sum til tíðir varð merktur av ljótum spæli, sum dómarin tíverri ikki megnaði at steðga. Tað líktist eini friðarlig- ari avspáking, men brádliga kom av álvara lív í aftur dystin. KÍ hevði álop í høgru síðu, og tá bólturin varð sendir innfyri, megn- aði Bárður Johannesen ikki at halda bóltinum, tá Ovi Nysted leyp í krovið á málverjanum. Heimamenn- inir vildu hava fríspark, men floytan tagdi, og so kundi Símun Joensen senda returin í netið. HB'arnir vóru í øðini, og millum annað fekk Bárður sjálvur eitt gult kort, tá hann mótmælti málinum, men hetta stóð kortini við. Og so fingu klaksvíking- arnir av álvara eina vón um, at hetta skuldi bera til. Serstakliga royndu teir við longum bóltum at seta HB- verjuna undir trýst. Rætti- ligir møguleikar spurdust tó ikki burturúr, men oftani gjørdist talan um innlegg í brotsteigin, soleiðis at spentar støður stóðust av. Og eisini úti á vøllinum gjørdist talan meira enn ta einu ferðina um somikið spentar støður, dómarin ikki heilt megnaði at stýra spælinum. Heilt galið gjørdist tað móti endanum. Í frustratión um, at dómarin ikki vildi geva KÍ brotsspark, fóru fleiri klaksvíkingar yvir móti svarta manninum, sum at enda eisini gav reytt kort til Ova Nysted fyri áhaldandi mótmæli hans- ara. Eiga enn avgerðina HB-spælararnir vóru sum so heldur ikki heilt nøgdir, men úrslitið var júst tað, sum teir vildu hava. Enn er liðið partur av FM-stríð- num, og enn kunnu teir avgera hetta sjálvir. Og tað fingu teir eisini at kenna frá áskoðarunum. Við fagnarrópum marker- aðu hesir, at enn eru meis- tararnir ikki lidnir. Fram til seinasta bóltin ætla teir sær aftur í ár at teljast millum teirra, sum stríðast um gullið, og so er einasti spurningurin, hvørt tað eisini skal eydnast at fáa fjórða av slagnum til høld- ar. Hóast tað kanska ikki altíð hevur sæð eins vakurt út, so hava teir røkt skyld- una higartil. Nú ræður bert um at gera arbeiðið liðugt. HB-KÍ 2-1 (2-0): HB eigur framvegis avgerðina Sera nógvir og harðir nærdystir vóru á skránni í Gundadali. Her eru tað Høgni Madsen og Vagnur Mohr Mortensen, sum stríðast um bóltin Mynd: Hilmar Jan Hansen HB-KÍ 2-1 (2-0) 1-0: Uni Arge, 11. 2-0: Jákup á Borg, 30. 2-1: Símun Joensen, 58. Dómari: Dagfinn Olsen. Loyvdi alt ov nógvum grovum fríspørkum fyrstu løtuna, og fekk tí ongan tíð lagt eina greiða linju í dystinum. HB: Bárður Johannesen - Hallur Danielsen, Hans á Lag, Rasmus Nolsøe, Svend F. Jacobsen - Rúni Nolsøe, Kári Nielsen,Vagnur M. Mortensen - Jákup á Borg (Johan Eivind Mouritsen, 78.), Uni Arge (Hendrik Rubeksen, 41.), Rókur Jespersen (Rani Christiansen, 75.) GK: Vagnur M. Mortensen, 30., Jákup á Borg, 39., Bárður Johannesen, 60., Rúni Nolsøe, 65. KÍ: Meinhardt Joensen - Harley Bertholdsen, Jan Andreasen, Niclas Niclasen, Eyðun Klakstein (Leon Bjartalíð, 90.) - Arnhold Joensen (Kristoffur Jacobsen, 75.), Høgni Madsen, Marek Wierzbicki (Ovi Nysted, 55.), Símun Joensen, Heðin á Lakjuni - Hjalgrím Elttør GK: Jan Andreasen, 6., Símun Joensen, 65. RK: Ovi Nysted, 90. Fakta um dystin Hallur Danielsen staðfesti eftir dystin móti KÍ, at HB nú veruliga koyrir upp á pumpurnar. Men sum hann sigur, so klára teir nokk eisini at taka eitt seinasta tak afturat á árinum FÓTBÓLTSPRÁT Jákup Mørk Í HB rigga tey seg nú til at spæla FM-finalu móti grannunum úr B36. Fyritreytin fyri hesum var, at dysturin móti KÍ skuldi vinnast. Tað var sum tað einasta, sum hevði týdning hendan dagin, staðfesti HB-vete- ranurin, Hallur Daniel- sen. - Nú er alt sjálvandi púrasta opið undan sein- asta dystinum. Og tað var kanska eis- ini ein harður dystur? - Tað varð tað, men tað kundi eisini roknast við. KÍ'arnir skuldu sum so ikki hugsa stórvegis um at spara fólk til næstu uppgávuna, so teir herj- aðu á. Og sjálvandi mugu vit svara aftur, so talan verður um ein sera trupl- an dyst at døma Men hóast talan var um trupla uppgávu, so helt Hallur, at teir fyri tað nógva høvdu eitt heilt gott tak á. - Fram til teir skora, haldi eg okkum hava gott tamarhald á, men tá gjørdist talan um dekan ov nógvar nervar hjá okkum. Teir skaptu kanska ikki tað stóra, men teir høvdu fleiri deyðbóltsstøður, sum kundu verði vandamikl- ar. Ikki minst tá vit sam- stundis frættu, at Skála hevði skorað, tí tá var kravið til okkum ein sigur. Men tað hóskaði tykk- um kanska væl, at Skála vann sín dyst kortini. - Nú skal B36 so eisini út at vinna dystin næsta vikuskifti. Tað vildi heilt greitt verið ein enn trupl- ari uppgáva, um teir kundu staðið seg við javnleiki, so í so máta er uppgerðin kanska meira opin. Men tá tosið fór at snúgva seg um FM-final- una, tóktist Hallur ikki vilja gera nakrar sum helst staðfestingar her og nú. - Nú mugu vit fyrst síggja, hvussu vit eru fyri til dystin. Kári er so leik- bannaður, men hartil tyk- ist ivamál vera um fleiri spælarar. Uni og Jákup fara báðir út við skaða í dag. Jóhannis er fram- vegis skaddur, og vit vita ikki, hvussu Janus og Tór-Ingar eru fyri. Og knæið hjá Hans hevur ofta argað, so har eru nógv ivamál. Men tit klára kanska at svinga tykkum upp til ein seinasta dyst? - Jú sjálvandi verða vit ellivu á vøllinum, men nú koyrir tað alvorliga upp á tað allar seinasta. Sjálvur rokni eg tó við, at vit allir sum ein klára at taka okkum saman til seinasta dystin. Ikki minst, nú hann verður av hesum slagnum. Ikki nógv gott eftir Hallur Danielsen helt, at dómarin hevði havt eina øgiliga trupla uppgávu sunnudagin