hósdagur 20. oktober 2005síða 10

10 Nr. 200 - 20. oktober 2005 Tað er ein sera trupul støða, sum landsins hægstu mynd- ugleikar eru komnir í við arbeiðssteðginum. Støðan við sambandinum millum meginøkið og teir partar av landinum, sum ikki eru landfastir, er heilt ótolandi. Sum vit vístu á her fyri tveimum døgum síðan, verður útjaðarin gísli í hvørji einastu ósemju millum Fíggjarmálaráðið og Starvsmannafelagið. Hetta kenst sjálvsagt sum sera órættvíst fyri fólk og fyritøkur í útjaðaranum. Hinvegin duga vit væl at skilja Starvsmannafelagið, tá hetta felag einfalt vísir til, at soleiðis eru nú einaferð treytirnar, al tann tíð, at vit hava grundlógartryggjaðan verkfalsrætt her í landinum. Tað ger ikki støðuna lættari, at tað í roynd og veru er almenni myndugleikin, sum hevur vrakað eitt semingsuppskot. Við hesum liggur ábyrgdin fyri ósemjuni tungt á herum fíggjarmálaráðharrans. Tað er samstundis eitt sindur órættvíst, at Starvsmannafelagið tykist vera vorðið syndabukkurin í hesi telving. Hetta mál átti ongantíð at verið komið so langt, at arbeiðs- steðgurin slapp at standa við fleiri dagar. Partarnir áttu alt fyri eitt at havt sett seg saman aftur við semingsmonnun- um. Tað er nakað heilt løgið í hesum, at so skjótt annar parturin hevur vrakað eitt semingsuppskot, ja, so heldur allur dialogur uppat og nervakríggj kemur í staðin fyri samskifti. Hetta er ein primitivur samráðingarháttur, sum hoyrir fortíðini til. Henda støðan reisir eisini spurningin um leiklutin hjá semingsmonnunum. Hví fara teir ikki alt fyri eitt í holt aftur við partarnar, tá eitt semigsuppskot er vrakað? Hvat er hetta fyri ein løgin maktlogikkur, sum sigur, at teir skulu halda seg burtur, til annar parturin ella báðir eru moyrir? Her treingir veruliga til at ruddað verður upp og til ein djúptøkna nútímansgerð av føroyska arbeiðsmarknaðinum. Við galdandi avoldaðu skipan eru eingir vinnarar - bert taparar uttan mun til endaliga úrslitið annars. Nú hevur landsstýrið so gjørt av lutvíst at steðga ósemjuni við lóg. Hetta merkir sum kunnugt, at teir starvsmenn, sum sigla við strandferðsluskipunum verða lóggivnir til arbeiðis, so samband aftur verður millum útjaðara og meginøki. Tað er væl skiljandi, at landsstýrið nú hevur mist tolið, tí tað, sum áður nevnt, eru tey somu offrini hvørja ferð og stór samfelagslig virði fara fyri skeyti. Væl skiljandi, men er tað politiskt klókt at leggja uppí ósemj- una við lóg? Og er tað klókt at gera tað á hendan heilt óvanliga hátt? Hevði tað hóast alt ikki verið skilabest at bíðað nakrar dagar afturat? Hevði tað ikki hóast alt verið skilabetri at gjørt semingsuppskotið til lóg og t.d. samstundis latið lógina verið galdandi í tvey ár? So hevði eingin vunnið og heldur eingin veruliga tapt. Tvinnir eru kostirnir í hesum máli - hvørgin er mjúkur. At lata standa til er vandamikið - at leggja uppí er ikki minni vanda- mikið. Men vit kunnu uttan víðari staðfesta, at samfelagið tolir ikki eina slíka ósemju í longri tíð lika so lítið, sum tað tolir hesar afturvendandi gíslatøkurnar av útjaðaran- um. Hinvegin tola demokratisku spælireglurnar ikki ov nógv inntriv av hesum slagi, sum nú er fráboðað, og talan er um eitt sera hættisligt politiskt stig, sum kann fáa ógvusligar avleiðingar. Sostatt er talan um harðar val- kostir hjá løgmanni og landsstýrismonnum. Heldur ikki Javnaðarflokkurin tolir ov nógv av hesum slagi av politiskum inntrivum í grundleggjandi demokratisk rættindi. Tað er øðrvísi við hinum báðum samgonguflokk- unum - teirra veljarar hava helst eitt lagaligari toleransu- mark, tá um uppílegging í arbeiðsemjur ræður. Øll munnu innast inni vóna, at partarnir í ellivta tíma lata vit og skil ráða og koma til eina semju. DAGSINS MEINING Sosialurin Tvinnir eru kostirnir VIÐMERKINGAR Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – hevur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli. Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Tóki Højgaard toki@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Durita Simonsen durita@sosialurin.fo Finnbjørg Nattestad finnbjorg@sosialurin.fo Gudny Langgaard gudny@sosialurin.fo Blaðfólk: Áki Bertholdsen aki@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e-post: aki@sosialurin.fo e-post: dagfinn@sosialurin.fo Uppseting/prent: Uppseting: Føroyaprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Tórsgøta 1, 100 Tórshavn Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Jákup Jacobsen stjóri Í grein í bløðunum í sein- astu viku, undrast tygum á og biðja um eina grund- geving fyri, hví Bileftirlit Føroya hevur skift navn til Akstovan og hví búmerkið varð skift út. Samstundis verður spurt, hví uppgávan ikki varð boðin alment út. Eg skal sum frægast royna at svara spurningum tygara og grundgeva fyri tilgongdini. Virkisvirðini Seinastu tvey árini hevur øll organisatiónin á stovn- inum, við jøvnum millum- bilum, arbeitt miðvíst við at lýsa felags eyðkenni fyri virksemi stovnsins. Vald vórðu 3 virðisorð, sum vit øll ynsktu, skuldi eyðkenna dagliga virki okkara fram- yvir og sum vit øll kundu taka undir við. Virðisorðini eru: • TRYGD (grundleggjandi ar- beiðsøki stovnsins) • TÆNASTA ( ve n d i r sær úteftir móti við- skiftafólkum og millum starvsfólk) • TRIVNAÐUR (vendir sær inn móti organisatiónini og kjarnu viðskiftafólkum) Hví nýtt navn og búmerki? Sæð í ljósinum av hesum menningararbeiði og tí veruleika, at stovnurin seinastu 10 árini, er broytt- ur frá at vera ein reinur eftirlitsstovnur, til at vera ein tænastustovnur við fleiri myndugleika uppgáv- um, sum hava við akfør at gera, hildu vit tað vera rættast, at heita á eina lýs- ingarstovu, at arbeiða við sjónliggering av virkisvirð- unum. Uppgávan fevndi í fyrsta umfari um sjónliggering av virkisvirðunum, bæði inn- eftir í organisatiónini og úteftir mótvegis viðskifta- fólkunum, herundir møgu- liga nýtt búmerki og møgu- liga nýtt navn. Gamla navn- ið og búmerkið avspeglaðu ikki verandi virksemi stovnsins, eins og gamla búmerki heldur ikki av- speglaði tann tænastuhuga og opinleika, sum virkis- virðini leggja upp til. Boðið varð út til navna- kapping millum starvsfólk- ini. Nøkur uppskot komu inn, men onki av hesum varð nýtt. Hví ikki boðið alment út? Mett varð, at uppgávan skuldi ikki bjóðast alment út, við tað at effektin av tí organisatións-arbeiði, sum longu var gjørt, ikki í sama mun vildi koma til sjóndar í grafiska samleikanum, sum tá ein fyritøka fekk upp- gávuna um hendi. Har- afturat vildi nýggjheitsvirði í einum møguligum nýggj- um navni og búmerki ikki hava somu effekt, um tað framman undan var alment kent, at Bileftirlitið skuldi hava nýtt navn og búmerki. Um nýggja búmerki og navnið Búmerkið Kjarnin í búmerkinum er hjólið. Hjólið er á ferð og útstrálar dynamikk og ferðslu. Karmurin um hjól- ið umboðar tryggu ramm- urnar og góðkenningar- myndugleikan, ið stovnurin hevur. Rundu formarnir undir- strika nýggja og meira fyri- komandi profilin. Navnið Fyrri liður [ak] umboðar akstur, akfør og ferðslu. Seinni liður [stovan] um- boðar myndugleika, trygg- leika, integritet og tænastu. Nógvar "stovur" eru í Føroyum, t.d. Hagstovan, Tollstovan, Gjaldstovan, Starvsstovan og Búnaðar- stovan, ið allar á ein ella annan hátt standa fyri myndugleika og trúvirði. • Navnið er meiri inn- bjóðandi og jaligt enn Bileftirlit Føroya • Lætt at siga og minnast • Gott føroyskt og ikki ov popput • Internationalt og web- vinarligt (www.akstovan.fo) • Hóskar til hinar norður- lendsku stovnarnar At enda Áðrenn nýggja navnið og búmerkið varð almanna- kunngjørt, vóru starvsfólk- ini kunnað um úrslitið og uttan undantak dámdu øll- um bæði navnið Akstovan og nýggja búmerkið. Tá ið so landsstýrismaðurin hevði góðkent bæði nýggja navnið og búmerkið, varð gongd sett á at broyta bæði prentlutir og telduskipan stovnsins og dagin eftir av- dúkingina, arbeiddi stovn- urin víðari við nýggja sam- leika sínum. Vónandi svarar hetta spurningum tygara. Meira kann lesast á heimasíðuni www.akstovan.fo AKSTOVAN – viðmerking til blaðgrein hjá Hera Mohr Lesið - so eru tit við