hósdagur 20. oktober 2005síða 12

12 Nr. 200 - 20. oktober 2005 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Kunngjørt verður at okkara kæra mamma, vermamma, omma, langomma og systir Gunna Høgnesen Leirvík andaðist á Landssjúkrahúsinum týsnáttina 18. oktober, 86 ára gomul. Kistan fer úr kapellinum hósdagin 20. oktober kl. 16.00. Jarðarferðin verður úr Hebron fríggjadagin 21. oktober kl. 13.00. Familjunnar vegna Borghild, Óli og Høgni Kunngjørt verður at elskaði maður, pápi, verpápi og abbi okkara Pætur Joensen í Nýggjustovu frá Gjógv, andaðist 18. oktober, 85 ára gamal. Jarðarferðin verður úr Gjáar kirkju leygardagin kl. 13.00. Fyri tey avvarðandi Ebba Tey, ið vilja minnast Pætur kunnu lata Gjáar kirkju eina peningagávu. Sigurd Bjarnadal andaðist á Bispebjerg hospital tann 14. oktober 2005, 80 ára gamal. Jarðarferðin verður á Søndre Kapel tann 20. oktober kl. 13.00. Familjan Tøkk Hjartaliga takki eg øllum sum á ymiskan hátt heilsaðu mær á 90 ára degnum – og tøkk fyri góð minnir. Karl Jespersen, Tvøroyri Mánadagin 17. oktober fyllir Malan Mikkelsen í Klaksvík 65 ár. Malan er ættað av Stongunum, dóttir Mathildu og John Hansen – John í Sundi –. Mathilda var ættað av Brekkum á Húsum og John var ættaður úr Todnesbuð í Norðdepli. Malan var bert 15 ára gomul tá hon fór til Havnar at tæna hjá Leif Waagstein. Men skjótt vóru boð eftir henni at koma norðuraftur, tí Kjølbro hevði brúk fyri eini dugnaligari gentu í heiminum. Eitt skifti var hon arbeiðsgenta hjá Jens Sofusi Isaksen. Eftir hetta starvaðist hon sum kramba- kvinna í handlinum á Biskupsstøð. Malan var heilt ung tá hon hitti ein fittan ungan mann. Hetta var Eli Mikk- elsen. Eli var ættaður av Vágsheygnum, sonur til Annu Margrethu og Mikkj- al Petur. Anna Margretha var ættað úr Uppistovu- garðinum á Norðoyri og Mikkjal Petur var ættaður úr Barbistovu í Syðrugøtu. Malan var 18 ára gomul tá tey giftust í 1959. Tey fyrstu árini húsaðust tey á Stongunum, men í 1964 fluttu tey í nýggj og snotu- lig hús, sum Eli hevði bygt til teirra uppi á Vágs- heygnum. Malan og Eli eiga 6 børn. Margreth, John, Mathilda, Merry, Petur og Ranvá. Heimið á Vágsheygnum hevur altíð verið merkt av lívi og blíðskapurin hevur verið settur í hásæti. Eli ar- beiddi sum snikkari og hevði egið verkstað í kjall- aranum tey nógvu fyrstu árini. Malan var heima og passaði síni børn, so tey vóru sera tætt knýtt at hvør øðrum. Eli var sera hegnigur snikkari og hevði altíð nógv at gera. Verkstaðurin var mest sum eitt samlings- stað og har vòru mangar politiskar orrustir loystar. Sum børnini vuksu til fór Malan út at arbeiða.Tá svimjihøllin opnaði, fekk hon starv har. Har var hon bert í stutta tíð, til hon fekk arbeiði á flakavirkinum á Kósini. Kvik, álítandi og vælgerðin sum hon er, slapp hon at standa við reinskeriborðið og var eis- ini àlitisfólk har í mong ár Hettar arbeiði dámdi henni sera væl. Ì 1989 fekk Malan nýtt starv sum hjálparfólk í um- lættingarheiminum Dáan- um, sum júst tá var opnað. Her starvast Malan enn í dag. Hon er væl dámd bæði millum starvsfólk og brúk- arar. Malan er altíð blídlig og fyrikomandi, hon hevur gott tol og hegni til at fáast við brúkararnar, og tey eru sera góð við hana. Malan gjørdist einkja longu sum 46 ára gomul.Eli gjørdist sjúkur og andaðist í 1987, bert 58 ára gamal. Hetta var ein tungur smeit- ur. Yngsta dóttirin var tá bert 14 ára gomul. Hóast tað var tungt og alt sá vón- leyst út, so megnaði Malan, við Harrans hjálp, at koma víðari. Malan kom úr einum heimi við trúgvandi for- eldrum, og kom Malan sjálv til trúgv á Harran Jes- us sum ung genta. Hon hevur havt sítt andaliga heim í Betesda, og hevur hon altíð verið fús at hjálpa til tá ymiskt er á skránni í samkomuni. Túrarnir vest- ur til Zarepta eru eisini nógvir í tali . Malan hevur verið ein kempari, og hava hon og Eli lagt eitt gott grundarlag fyri síni børn.Tey eru øll komin væl fyri í livinum. 5 av børnunum eru gift. Mar- greth er gift við Kristian Dalsenni, John við Jakobinu Dalsenni, Mathilda við Símun Paula Viðbjørg, Merry við Klæmint Hansen heiman av Sandi og Ranvá er gift við Boga Ragnarsson. Øll børnini búgva í Klaksvík, so heimið á Vágsheygnum er framvegis fult av lívi, tí Malan eigur í dag 14 ommubørn og ein langommuson. Malan heldur føðingar- dagin saman við børnun- um. Vit ynskja Maluni hjarta- liga tillukku og Guds sign- ing. Børnini Malan Mikkelsen 65 ár – Der er ikke noget i vejen med den sociale arv, Niels Elkjær-Hansen fik med fra førstelærerhjemmet i Frederiksberg ved Sorø. Arven var selveste Social- demokratiet, dengang det var rummeligt nok til at omfatte både Gud (Grundt- vig), konge og fædreland, der også var åbent for frem- mede. Soleiðis skriva tey á navnasíðunum í Politekken í fyrradagin um Niels Elkjær-Hansen, fyrrverandi ríkisumboðsmann í Føroy- um, sum fylti 90 í gjár, 19. oktober. Niels Elkjær-Hansen var ríkisumboðsmaður í Føroy- um frá 1954 til 1961 og eitt skifti aftur sum avloysari einaferð seinast í seksti- árunum, tá Leif Groth var í sjúkrafarloyvi. Politiken skrivar víðari um Elkjær-Hansen, at hann streyk eftir cand. polit. prógvið beinleiðis inn sum ráðharraskrivari hjá Hans Hedtoft, forsætisráðharra. Eftir at hava verið ríkisum- boðsmaður í Føroyum varð hann amtmaður á Borholm. Av áhugaverdum arbeið- um hansara kunnu vit eisini nevna, at hann var skrivari í nevndini, sum fyrireikaði grundlógarbroytingina í 1953, og harvið hevði hann ábyrgdina av málbúnanum, sum grundlógin enn tann dag í dag nýtir – en sprog- dragt, man kunne ta’ og føle på, sum Politiken skrivar. Og víðari skrivar blaðið um lutin hjá Elkjær-Hansen í Klaksvíksstríðnum: »Han var midtpunkt í Vesteuropas historisk set første gidseldrama, da han som modig og nybagt Rigs- ombudsmand under Klaks- vig-striden i 1955 værdigt skred spidsroden af sær- deles ophidsede færinger af og havnede indespærret på politistationen. 1. stk. fre- gat, 130 stk. politibetjente plus 1 finansminister (Viggo Kampmann) ilede til undsætning. Syv år eftir stod tårevædede færinger og vinkede farvel til deres elskede amtmand.« Blaðið sigur, at á Born- holm vóru kenslurnar eins sterkar, tá tey í 1985 máttu fylgja lógarinnar stavum og pensjonera ein amtmann, sum júst hevði útvegað oynni eina arkitektoniskta og listarliga klenodiu, tað nógv vitjaða listasavnið í Rø. – En amtmand, som med sine 70 ár var god for mange flittige og initiativ- rige år endnu, skrivar Politiken um Niels Elkjær- Hansen. Niels Elkjær-Hansen, fyrrverandi ríkisumboðsmaður níti