fríggjadagur 21. oktober 2005síða 13

Nr. 201 - 21. oktober 2005 13 Vilja í song við gentum Kærleikssangir í punkhami drivnir av huginum til hitt kynið - Hetta er í botn og grund fløgan "Falling in love" hjá 16 ára gomlu popp punkar- unum í Paradox UMMÆLI Niels Uni Dam nielsuni@sosialurin.fo Fyrsta fløgan hjá 16 ára gomlu piltunum í Paradox "Falling in love", er ein fokkjúslig poppunk fløga og slær endaliga fæst, at hetta er ein bólkur, sum skal takast við álvara, kanska enntá í ov nógvum álvara í støðum. Hon vísir eisini, at vit umframt 200 og The Dreams hava ein triðja avbjóðara til punk trúnuna í Føroyum. Heimsumfatandi rørsla Eg veit ikki heilt hvat, tað er sum ger føroyingar til ser- liga dugnaligar punkarar, men sum trendurin er í føroyskum tónleiki í løtuni, so eru tað punk bólkar, ið vinna fram. Men hetta hendir eisini í útheiminum, har góðu gomlu Green Day í ár hava lagt allan heimin fyri sínar føtur enn einaferð. Sterkasta netvarpsløtan Eg havi sæð Paradox ofta á konsertum í ár, og eg verði alsamt meira sannførdur um, at teir eru ein fantast- iskur bólkur. Fyrstu ferð eg sá teir var í Prixnum. Teir blástu meg um koll. Sam- røðan við SVF á prix.fo, har trummuleikarin Búgvi Jón- leifsson Magnussen kallar føroysku politakararnar nakrar fokking grýlur, stendur enn sum sterkasta løtan í føroysk netvarps- søgu. So eg var longu fjepp- ari, tá eg setti meg niður at lurta eftir fløguni. Eg var sera spentur. 16 ára gamlir Áðrenn eg hevði lurtað eftir fløguni, ætlaði eg ikki at koma inn á, at hetta eru 16 ára gamlir dreingir, sum hava givið eina fløgu út. Eg minnist enn við kvalma, hvussu heimurin elskaði eitt forferdiligt kassettu- band, sum Róin og Magni góvu út fyrst í 90’árunum, fólk elskaðu tað, tí teir vóru so ungir. Eg hugsaði, at tann vink- ulin var eitt sindur bíligur. Øll eiga at verða dømd eftir sama standardi osfrv. Men eg skilti skjótt, at tað er ómøguligt at lata verða við at tosa aldur, tá tú lurtar eftir Paradox. Eingin annar enn ein flokkur av 16 ára gomlum dreingjum kann gera eina tílíka fløgu. Fløg- an er so øgiliga nógv merkt av tannáringa attitudu. Eg noyddist at krúpa til krossin og viðganga, at aldur hevur stóran týdning, Kærleiksyrkingar Tað er ómøguligt at sleppa uttanum tað, at tað er ótrúliga stuttligt at hoyra ein 16 ára gamlan drong syngja "The innocense of childhood never dies" ella "Look around you son". Tekstirnir eru annars í stóran mun kærleiksyrking- ar, skrivaðar á enskum. Fjórða vers í lagnum "I’m in love" sigur alt: What’s so different about us all? I need to get laid that’s all I’m in love and so what? I just need someone to think I’m hot 16 ára gamlir dreingir hugsa fyrst og fremst um at sleppa í song við gentum, og Paradox eru einki und- antak. Tað er tann ólukku- ligi kærleikin, sum flestu sangirnir snúgva seg um. Um dreymin um kærleikan, um at hyggja at konufólki, um bara at skora og um ikki at tora. Tú ert ongantíð í iva um, at hetta eru tannáringar fyltir við hormonum sum ganga amokk. Fløgan vend- ir sær eisini fyrst og fremst til aðrar tannáringar. Rættuliga álvarsligt Eg sakni tó skemt í tekstun- um, hetta er stuttligur tón- leikur, men tekstirnir eru rættuliga álvarsligir, í mun til t.d. 200 og The Dreams eru teir beinleiðis keðiligir. Eg sakni, at verða undir- hildin og provokeraður av tekstunum. Tað er eitt sindur ov fitt. Sum á flestu føroysku fløgum á enskum, er ikki talan um yrkingarlig meist- araverk, men í hesum popp punkutta samanhangi, ger tað einki, um enska málið er eitt sindur hjálparleyst. Orkufult Bólkurin spælir við nógvari orku og sannførandi, og fløgan heldur tónlistarliga. Hetta er ikki Aldubáran, men tað pjøvist tað heldur ikki at vera í tannáringa popp punki. Paradox gera tað, sum Paradox gera minst líka væl, sum Para- dox pjøvast at gera tað. Nýskapandi schmýskapandi Eg hoyri eitt sindur av bólkum sum Blink 182, Green Day og Sum 41 í tónleikinum hjá Paradox, ið als ikki er serliga nýskap- andi, men tað ger ikki pett- ið, ella sum onkur vildi sagt nýskapandi, schmýskandi. Góð løg Styrkin hjá Paradox er ein fokkjúslig attituda, og sterk bólkakensla og ikki minst fín løg. Her er tað serliga tungmálmslagið "Lost my pride" sum skarar framúr, lagið brýtur frá hinum løg- unum á fløguni, við at vera tyngri, og klæðir sum so nokkso illa fløguni. Tí fløg- an er nokkso poppkend. Men av tí, at lagið er so øgi- liga gott, er ringt at ímynda sær, at tað ikki var við. Fyrsta lag á fløguni "The innocence of childhood" er í hinari grøvini og kanska tað mest popputta lagið á fløguni. Eg fari av onkrari orsøk at hugsa um "All the small things" hjá Blink 182, tá eg hoyri tað, lagið hevur somu kenslu. Hittgóðska Veikasta lagið á fløguni er "My own words, ið við sínum rokkballadu niður- løgum, og tungmálms- kendu rokkpettum slettis ikki er á støði við hini løg- ini á fløguni. Lagið "Control" er nokk lagið á fløguni við størst hittgóðsku. Tað er eitt fantastiska lekkurt popp punk lag, við góðum vers- um og fangandi niðurlagi. Festligasta lagið á fløguni er uttan iva "The empty blues jam". Her er sleppur tann orkan, sum Paradox hava live veruliga fram. Lagið minnir eitt sindur um fyrstu EP fløguna hjá Ugly Kid Joe, eitt slag av punk blues, sum fær meg at smíla. Byrjanin á lagnum er eisini eitt sindur av eini heilsan til punkguðarnar í 200, við eini felags innteljing 1-2-3-4. Tað er nokkso fitt. Framleiðslan Tveir av dugnligastu før- oysku ljóðmonnunum hava staðið fyri framleiðsluni, Jónas Bloch Danielsen hev- ur verið framleiðslustjóri, og hevur tikið upp, meðan Jón McBirnie hevur ljóð- blandað. Teir eru slopnir væl frá uppgávuni, og ljóð- blandið vinnur við tíðini. Eg var ikki sannførdur fyrstu ferð eg hoyrdi fløg- una, men nú eg havi hoyrt hana fleiri ferðir, so eri eg sannførdur. Viva la Republica er enn besta føroyska punkfløgan, men "Falling in love" er so sanniliga verd at ogna sær, serliga um tú ert tannár- ingur innantanna ella uttan- tanna.