leygardagur 22. oktober 2005síða 6

6 Nr. 202 - 22. oktober 2005 Tað kostaði einar 10 miljónir krónur at umvæla lemmatrolar- an, Suðring, eftir herviliga eldsbrunan í summar, sum kolaði alla verksmiðjuna upp. – Vit eru ógvu- liga væl nøgdir við tað arbeiði, sum gjørt er – og við tað sam- starv, vit hava havt við Tryggingarfelagið Føroyar, sigur reiðar- in, Marner Lisberg FISKIVINNA Vilmund Jacobsen vilmund@sosialurin.fo Okkara elsti lemmatrolari, Suðringur, sum er bygdur í 1977, sær nú aftur út sum nýggjur eftir, at øll verksmiðjan kolaðist upp, meðan skipið lá við bryggju í Saltangará tíðliga í summar. Stívliga eitt ár, áðrenn eldur kom í skipið, var hagreiðingarlinjan á verksmiðjuni skift út og bygd av nýggjum. Tað var maskinverkstaðurin, FJM við Fjøruvegin í Runavík, sum hegnisliga gjørdi hetta arbeiði fyri reiðaríið hjá Suðringi. Væl nøgdir Eftir herviliga eldsbrunan í summar, fór Suðringur aft- ur til fiskiskap síðst í aug- ust og Marner Lisberg, reiðari, sigur, at reiðarríið er sera væl nøgt við tað arbeiði, sum Skála Skipa- smiðja hevur havt høvuðs- ábyrgdina av. Hann er eisini ógvuliga væl nøgdur við tað samstarv, sum hevur verið millum reiðaríið og Tryggingarfelagið Føroyar eftir, at skipið brendi. - Saman við tryggingini gjørdu vit ta avtalu, at Skála Skipasmiðja skuldi vera høvuðsleverandørur í sambandi við umvælingar- arbeiði. Vit ynsktu, at FJM skuldi taka sær av hagreið- ingarútbúnaðinum á verk- smiðjuni, eins og KJ- Hydraulik skuldi taka sær av spølunum og øllum tí hyldrauliska. KJ umboðar nevniliga norsku Rapp- spølini, sum Suðringur hevur. Marner sigur, at avtalan var, at skipið skuldi verða liðugt um ólavsøkutíð, og einar tvær vikur seinni vóru teir klárir at loysa. Stórarbeiði - Hetta hevur verið eitt stórt arbeiði, tí skipið fórst so illa í eldinum. Umframt at øll verksmiðjan er skift út, er høvuðstalvan til el-skip- anina skift og stórur partur av tí elektriska annars. El- Service á Skála hevur tikið sær av tí elektriska. Reiðarin sigur, at messan er eisini gjørd av nýggjum. - Vit høvdu við árunum gjørt nógv við skipið, og nú skipið hevur fingið hesar umvælingar og nýgerðir, sær Suðringur út sum nýggjum, sigur Marner. Hann vísir á, at onkrir trupulleikar hava verið við spølunum, síðan skipið loysti aftur, men hann held- ur, at hetta er við at verða undir landi nú. Spølini um- borð á Suðringi eru ikki skift, men eru tey somu sum undan eldinum. - Suðringur hevur fiskað alla tíðina, síðan tað fór í vinnu aftur. Talan hevur sum heild verið um smá- ting, eitt nú pakningar og annað í hydraulisku skipan- ini, sum er skift av nýggj- um. Tjena hampiligt Reiðarin sigur, at tað er stríggið at reka lemma-trol- ararnar í hesum tíðum, nú oljan er vorðin so ómeta- liga dýr, men hann vísir á, at manningin hevur tjent hampiliga væl. Skipari umborð á Suðr- ingi síðan 1995 hevur verið Jan Olsen úr Trongisvági, ið er bróður Egil Olsen, sum føroyingar eitt nú kenna frá verkætlanini í Lettlandi. - Jan, sum er maður í bestu árum, hevur siglt við Suðringi í mong Harrans ár – og í fleiri ár, áðrenn hann gjørdist skipari, sigur Marner Lisberg. Umvælingararbeiði um- borð á Suðringi hevur kost- að einar 10 miljónir krónur. Suðringur er aftur sum nýggjur Framtaksgrunnur Føroya og P/F Faroe Seafood siga, at ar- beiðið í samband við søluna av P/F Faroe Seafood verður fyri- skipað av Corporate Finance hjá KPMG í Keypmannahavn, og hetta arbeiðið verð- ur skipað í trimum stigum VINNA Vilmund Jacobsen vilmund@sosialurin.fo Í tíðindaskrivi boða Fram- taksgrunnur Føroya og P/F Faroe Seafood nú frá, at grunnurin í næstum fer undir søluprosessina av P/F Faroe Seafood. - Sølan verður skipað sum ein kontrollerað upp- boðssølu prosess, har møguligir keyparar fáa høvi at bjóða upp á saml- aða partapeningin í P/F Faroe Seafood, sum sagt verður í skrivinum. Dagmar S. Joensen er nevndarformaður í Fram- taksgrunni Føroya. Hon sigur, at endamálið við, at Framtaksgrunnur Føroya hevur átt P/F Faroe Seafood er nú nátt við tað, at felagið er vorðið fremsti føroyski framleiðarin og marknaðarleiðarin av fyrsta floks fiskavørum á evropeiska marknaðinum. - Felagið hevur í dag góðar vakstrarmøguleikar í framhaldandi at troyta tey virðir, sum eru vorðin støðið undir virkseminum og við at luttaka í konsol- ideringini í evropeiska fiskiídnaðinum. Til tess at fáa fulla nyttu av møgu- leikunum í felagnum og fremja hesar í verki, er neyðugt við einum sterk- um rakstrarligum og fíggj- arligum støði, vísir Dag- mar S. Joensen á. Óli M. Hansen er nevnd- arformaður í P/F Seafood. Hann sigur, at síðan november 2004, tá ið av- gjørt var at leggja P/F United Seafood og P/F Faroe Seafood saman, hevur miðvíst verið arbeitt við at samskipa virksemið í hesum báðum feløgum. - Felagið hevur fingið nýggjan og einfaldari bygnað, og framleiðsluút- búnaðurin er framhald- andi optimeraður. Í dag sær Faroe Seafood fram til at fáa nýggjan eigara, sum hevur eitt sterkt rakstrar- ligt og fíggjarligt støði, sigur Óli M. Hansen. Framtaksgrunnurin og P/F Faroe Seafood siga, at arbeiðið í samband við søluna verður fyriskipað av Corporate Finance hjá KPMG í Keypmannahavn, og hetta arbeiðið verður skipað í trimum stigum, sum Sosialurin fer at venda aftur til í komandi viku. Søluprosessin av P/F Faroe Seafood fer nú í gongd Verksmiðjan umborð á Suðringi sá ikki tespilig út eftir herviliga eldin í summar. Eftir stóru umvælingina sær skipið nú aftur út sum nýtt Mynd: Vilmund Jacobsen Marner Lisberg, reiðari, var í Saltangará og hugdi at brendu verksmiðjuni longu morgunin eftir, sum eldur var í skipinum náttina fyri Mynd: Vilmund Jacobsen