leygardagur 22. oktober 2005síða 8

8 Nr. 202 - 22. oktober 2005 Vandamiklar ítróttardraktir uttan endurskin Børn og ung í ítrótt- ardraktum av ymsum slagi fylla alsamt meir í býarmyndini. Ynski- ligt hevði tó verið, at tey vóru væl sjónlig- ari hesa myrku tíðina. Eftir øllum at døma hava feløgini, sum úvega teimum drakt- irnar, nevniliga ikki ábyrgdina av, at hesar eisini hava áseymaði endurskin ENDURSKIN Anna V. Ellingsgaard anna@sosialurin.fo Hóast hugburðurin mót- vegis nýtslu av endurskin- um má sigast at vera vorðin munandi meir positivur millum bæði børn, ung og foreldur seinastu árini, er tað okkurt, sum bendir á, at ítróttarfeløgini ikki rætti- liga fylgja við á hesum øki. Magni Fles, taxakoyrari og pápi, er ein av teimum, sum hevur varnast, at íróttar- draktirnar, sum feløgini útvega sínum limum, ikki hava áseymaði endurskin. - Draktirnar eru sum oftast myrkar á liti, og tí eru hesi ungu í stórum vanda í ferðsluni, umframt at bil- førarar hava stóran ampa av teimum, serliga hesa ársins tíð, sigur Magni. Hvør hevur ábyrgdina? Magni vísir á, at meðan flestu foreldur royna at tryggja sær, at klæðir, skúlataskur o.a., tey keypa sínum børnum, hava áseymað endurskin, er hetta ikki nóg mikið. So skjótt tey ungu hava fingið eina drakt frá felagnum, ganga tey stórt sæð ikki í øðrum. - Ítróttarfeløgini verða stuðla av ymsum stovnum, sum fáa sítt búmerki prent- að á draktirnar, og sum uttan iva ger tær bíligari hjá teimum ungu at keypa. Og alt gott um tað. Draktirnar eru eisini ómetaliga væl umtóktar, og tí undrar tað meg serliga nógv, at feløgini ikki tryggja sær, at tær hava endurskin, tá tær verða keyptar inn í stórum nøgdum, sigur Magni. Sjálvur heldur Magni tað verða ilt at meta um, hvør í síðsta enda hevur ábyrgd- ina av hesum. Men hann kundi ímyndað sær, at Ítróttarsamband Føroya hevur onkrar reglur á hes- um øki á hædd við aðrar fyribyrgjandi skipanir, sum veðra álagdar teimum ymsu ítróttarfeløgunum. Ivaleyst er tað eisini so, at stovnarnir, sum sponsorera feløgini og draktirnar, krevja at kunna standa inni fyri tí, pengarnir verða brúktir til. Tí áttu teir eisini at havt ein áhuga í, at draktirnar ikki koma teim- um í vanda, sum brúka tær. Í øllum førum má Ráðið fyri Ferðslutrygd væntast, at hava áhuga í, at øll kunnu ferðast trygg í ferðsluni - eisini børnini, sum hava keypt eina drakt frá felagnum, tey nú eina- ferð eru limur í. ENDURSKIN Rúna Sivertsen, formaður í Ráðnum fyri Ferðslutrygd, viðgongur, at endurskin á íróttardraktum ikki er eitt mál, sum nýliga hevur verið uppi og vent hjá Ráðnum. Men hon fegnast um, at foreldur og onnur nú gera vart við hetta, tí sjálv- andi skal hetta vera í lagi. Felags ábyrgd - Fyri Ráðið fyri Ferðslu- trygd er tað umráðandi at øll, tað veri seg íróttarfeløg, foreldur og onnur, altíð hava ferðslutrygdina í huga. Í so máta er ongin undanførsla fyri, at tær væl umtóktu ítróttardraktirnar ikki eru tryggar í ferðsluni. Sum stovnur hevðu Ráðið fyri Ferðslutrygd ikki heimild til at áleggja ítróttrafeløgunum ella øðrum beinleiðis reglur hesum viðvíkjandi. Men vit vilja avgjørt staðiliga heita á tey, um at fáa hetta í rættlag, sigur Rúna Sivertsen. Rúna vísir á, at meðan endurskin fyri bert fáum árum ofta vórðu hildin at misprýða klæðini, er tað at fegnast um, at hugburðurin í dag er heilt øðrvísi. Nú finnast endurskin í alskyns fantasifullum útgávum, og millum børnini og tey ungu er tað meir at kalla smart at brúka tey. - Tey leysu endurskinini kanst tú altíð hefta á bæði klæðir og taskur. Men í hesum førinum eru tey ikki nøkur haldbar loysn. Tey fara ofta illa við klæðunum, og detta skjótt av. Elastisku endurskinsarmbondini eru góð, men tey eru dýr og børnini missa tey ofta burtur, sigur Rúna, sum avgjørt heldur, at til ítróttardraktirnar, sum verða so nógv brúktar, eru áseymað endurskin besta loysnin. Hvussu hetta skal skipast, er ilt at siga beint nú, men í øllum førum má tað fáast í rættlag - ongantíð ov skjótt, sigur formaðurin í Ráðnum fyri Ferðslutrygd. Hóast hugburðurin til at nýta endurskin sum heild er positivur, tykjast ítróttarfeløgiini at vera eftirbátur á hesum økinum ENDURSKIN Formaðurin í ÍSF, Heðin Mortensen, tekur tað sum eina positiva áheitan á felagið, at fólk gera vart við vantandi endurskinini á ítróttardraktunum Fer at heita á feløgini - Eg fari alt fyri eitt at heita á tey ymsu feløgini, um at hava ferðslutrygdina í huga, tá draktirnar verða útflýggjaðar, sigur Heðin Mortensen, men minnir samstundis á, at øll eiga at kenna sær ábyrgd av, at endurskin eru á klæðun- um, so tey eru sjónlig á gøtunum í myrkri. Heðin ivast eisini í, hvør besta loysnin er. Áseym- aðu endurskinini kámast ofta nógv á klæðum, sum verða nógv vaskað, og gera í nógvum førum lítla nyttu, sum frá líður. Tí kunnu tey lætt blíva ein falskur tryggleiki, heldur hann. - Men tað skal ikki verða nøkur umbering fyri at lata standa til. Eg kundi til dømis ímyndað mær, at feløgini keyptu armbonds- endurskin inn, sum vórðu útflyggjað saman við draktunum, ella í øllum førum vórðu tøk, tá tørvur varð á teimum, sigur Heðin Mortensen. ave Ítróttarsamband Føroya: Positiv áheitan Tað er positivt, at fólk gera vart við vantandi endurskinini á íróttardraktunum, heldur formaðurin í ÍSF, Heðin Mortensen, sum alt fyri eitt fer at heita á feløgini um, at hava hetta í huga, tá draktirnar verða útflyggjaðar Ráðið fyri Ferðslutrygd: Ongin undanførsla - Tað finst ongin undan- førsla fyri, ikki at hava ferðslutrygdina í huga - heldur ikki hjá feløgunum sum, keypa og útflýggja tær væl umtóktu ítróttar- draktirnar, sigur Rúna Sivertsen, formaður í Ráðnum fyri Ferðslutrygd