mikudagur 26. oktober 2005síða 4

4 Nr. 204 - 26. oktober 2005 Neyðhjálpin til Pakistan kemur væl við Reyði Krossur Føroya hevur higartil latið 100.000 kr. í neyð- hjálp til Pakistan. Menn enn vantar nógv í NEYÐHJÁLP Snorri Brend Pakistan: - Í áliti á, at vit fáa pening frá fólki hava vit aftur nú sent 50.000 kr. til neyðhjálpararbeiðið, sum í hesum døgum fer fram í Pakistan, upplýsir Reyði Krossur. Higartil hevur Reyði Krossur í samanlagt 19 londum sent nærum 90 umboð til jarðskjálvtarakta økið í Pakistan. Samstundis verður upp- lýst, at Reyði Krossur/- Reyði Hálvmáni hava biðið um peningahjálp, og hava í løtuni 58 tyrlur í økinum. Fleiri enn 8.000 fólk eru flutt til neyðsjúkrahús og hava sjúkrahúsfólk hjá Reyða Krossi framt fleiri enn 4.000 skurðviðgerðir. Mett verður, at nærri 3,5 mió. menniskju eru vorðin heimleys í Pakistan. Higar- til eru um 50.000 fólk deyð eftir jarðskjálvtan. Tjøld, tyrlur og fólk Tað er tó ikki bert úr før- oysku deildini av Reyða Krossi at hjálp kemur til hart rakta økið i Pakistan. Norðurlendsku brøðratjóðir okkara hava eisini veitt nógvan stuðul. Reyði Krossur í Noregi hevur sent eitt feltsjúkrahús til økið. Hetta er mannað við norðmonnum og finnum. Umframt hetta hava tey sent akfør, ið kunnu koyra í fjallalendi, tjøld og pening til neyðhjálpararbeiðið. Hinvegin hevur Reyði Krossur í Danmark sent arbeiðstjøld, samskiftistjøld og manning at stýra hjálp- ini, sum kemur til landið. Danska deildin av felags- skapinum hevur áður sent eina hálva mió. kr., eins og danski staturin hevur sent 5 mió. kr., og hevur haraftrat sent 2 mió. aftrat í teirri vón, at fólk vilja stuðla við peningahjálp. Reyði Krossur í Íslandi stuðlar við peningi og hev- ur fingið 9 mió. kr. frá Rík- inum, og hava hava fleiri enn 3.000 fólk ringt inn og stuðlað við peningi umveg- is teirra serstøku neyðtele- fon. - Peningin sum føroyska deildin hevur latið, er fing- in til vega frá øðrum tiltøk- um í tí treysti, at peningur kemur aftur. - Vit vóna eisini, at Før- oya Fólk stuðlar okkum í hjálpararbeiðinum við at senda okkum pening á kontur okkara í peninga- stovnunum, sigur Reyði Krossur. Stuðul Tey, ið ynskja at stuðla neyðhjálpini til Pakistan kunnu flyta pening á konto hjá Reyða Krossi í Føroyum. Giro-nummarið er 77011 ella ein kann ringja á tlf. 905656, ið kostar 100 kr. fyri hvørja uppringing. Til ber eisini at tekna seg sum lim í felags- skapinum. Tað kostar kr. 150 um árið fyri eitt húski og 400 kr. fyri fel- øg og stovnar.