mánadagur 31. oktober 2005síða 19

Nr. 208 - 31. oktober 2005 19 Línubáturin, Jógvan Norði, var staddur einar 10 fjórðingar í ein útnyrðing úr Mykinesi, tá skipið í oktober mánaða fyri tveimum árum síðan fór at leka og sakk undan 14 monnum SØGA Vilmund Jacobsen vilmund@sosialurin.fo Teir høvdu havt fimm setur og ætlaðu at gera eina setu aftrat, tá ið maskinmaðurin umborð línubátinum, Jógv- ani Norði, varnaðist, at sjógvur lak inn í maskin- rúmið. Línuskipið, Klakkur, var nærmasta skip; hann var einar sjey fjórðingar burt- uri. Skipari á Jógvani Norði hendan feigdartúrin var Karl Martin Joensen, og hann greiddi soleiðis frá hendingini fyri tveimum árum síðan. - Fyrstu løtuna sá kanska út til, at vit kundu halda skipinum lens, um vit fingu pumpur umborð, men skjótt sást, har var einki at gera. Sjógvurin fossaði inn, og tað var bert ein lítil løta, so var dúrkið í maskinrúm- inum undir. Løtu seinni stóð sjógvurin uppá hálvan motorin. Manningin fór av skipin- um umleið ein hálvan tíma eftir, at teir varnaðust lek- an. Hann var landnyrðingur í ættini, og slætt var í sjónum. Allir 14 menninir, sum við vóru, fóru í yvir- livilsisdraktir. Í bølamyrkri noyddist manningin á Jógvani Norði niður í bjargingarbátin, men teir vistu, at Klakkur nærkaðist, og skjótt gekst hjá teimum at finna bjarg- ingarbátin, tá ið teir komu á staðið. - Tað var ein undarlig sjón at síggja skipið, tú hevur verið við í fleiri ár, søkka. Jógvan Norði stóð beint uppeftir enda við gronini upp úr sjónum í einar 20 minuttir, áðrenn skipið sakk, segði Karl Martin Joensen, skipari. Síðan brøðurnir, Hákun og Jógvan Jacobsen, keyptu grønlendska línu- bátin, Isak L, hevur hann ligið í Runavík, har ymiskar umvæl- ingar og broytingar eru framdar umborð. Í vikuni verður klárt at loysa FISKIVINNA Vilmund Jacobsen vilmund@sosialurin.fo Leygardagin var móttøka á Toftum í samband við, at nýggja línuskipið, Jógvan Norði, sum brøðurnir, Hák- un og Jógvan Jacobsen hava keypt úr Grønlandi, kom á Toftir eftir, at skipið seinastu vikurnar hevur ligið í Runavík, har maskinverkstaðurin, Meka- nik, hevur framt ymiskar broytingar umborð. Størri og rúmligari Nógv fólk var samankomið til móttøkuna og hátíðarløt- una, har borgarstjórin í Nes kommunu, Símun Johanne- sen, heilsaði skipi og mann- ing og ynskti góða eydnu. Hornatónleikur og sang- ur settu eisini sín dám á løtuna. Eftir sjálva móttøkuna, har umboð fyri eigararnar eisini høvdu orðið, varð boðið umborð at síggja skipið, sum er bæði rúm- ligari og størri at síggja til enn gamla skipið, sum sakk undan manningini fyri stív- liga tveimum árum síðan, tá ið teir vóru til fiskiskap einar 10 fjórðingar í ein útnyrðing úr Føroyum. Nýggja skipið, sum er keypt úr Grønlandi og áður hevði navnið, Isak L, lá saman við einum øðrum grønlendskum skipi á Vest- manna, áðrenn Hákun og Jógvan keyptu tað. Grøn- lendingar hildu, at møgu- leikarnir fyri at selja skipini vóru størri, um tey lógu í Føroyum. Avstað í vikuni Í Grønlandi hevur Isak L verið á línu-og garnaveiði, men nú er garnaútgerðin riggað av, og línuspæl, stokkar og splittarar til egningarmaskinuna eru sett upp í staðin. Aðrar broytingar eru eisini framdar umborð, nú skipið at kalla er klárt at loysa. Manningin, sum verður við Jógvani Norði, verður at kalla hin sama, sum var við gamla skipinum, og í gjár og í dag var ætlanin at rigga til og gera klárt at loysa. Gongst sum ætlað, loysir nýggi línubáturin í dag ella í morgin. Umborð verða 14 mans, og skipari verður annar av eigarunum, Hákun Jacob- sen, meðan bróðurin og hin eigarin, Jógvan Jacobsen, verður maskinmaður. Tað var pápi Hákun og Jógvan, Mathias Jacobsen, sum í sínari tíð bygdi Jógv- an Norði fyri meira enn 40 árum síðan. Jógvan Norði fyrsta túrin í hesi vikuni Myndin er tikin á dekkinum á Brimli, sum tók bjargingarbátarnar upp. Brimil er júst komin til lands við manningini, og maðurin á myndini er skiparin hendan túrin, Karl Martin Joensen Mynd: Vilmund Jacobsen Tá Jógvan Norði sakk vestanfyri Eftir tvey ár hevur tað eydnast brøðrunum, Hákuni og Jógvani Jacobsen, at finna eitt nýtt skip fyri Jógvan Norði, sum sakk vestanfyri í oktober mánaði 2003 Mynd: Eyðun Jacobsen Eftir hátíðarligu móttøkuna á Toftum leygardagin, bjóðaðu eigararnir fólki umborð at síggja skipið, sum er keypt úr Grønlandi Mynd: Eyðun Jacobsen