týsdagur 1. november 2005síða 7

Nr. 209 - 1. november 2005 7 Byggja handilsmiðdepil í Vestmanna Vestmenningar kunnu skjótt gleða seg til, at ein stórur handilsmiðdepil verður bygdur í Vest- manna. Talan er um ein bygning upp á tilsamans okkurt um 2.000 fermetrar, ið skal byggjast inni á Fjørð HANDILSBYGNINGUR Terji Nielsen terji@sosialurin.fo Tað eru ikki hissini ætlanir, ið tríggir ungir mans hava fyri handilslívið í Vest- manna. Teir tríggir mennin- ir hava nevnliga ætlanir um at byggja ein stóran bygn- ing inni á Fjørð, ið skal verða ein handilsmiðdepil í bygdini. sHandlar og skrivstovur Teir tríggir menninir, ið hava ætlanir um at byggja bygningin, eru tveir vest- menningar, Petur Frank Joensen og Háldan Halda- sen, og so klaksvíkingurin Finn Johannesen. Teir hava arbeitt við ætlanini í fleiri mánaðar, og nú bíða teir eftir endaliga byggiloyvin- um frá Vestmanna Komm- unu. - Vit hava fingið tilsøgn um byggiloyvi frá komm- ununi, men enn er tað ikki endaligt, og tí eru vit í eini bíðipositión, sigur Finn Johannesen. Tó er tað fyrireikandi arbeiði við at gera økið klárt farið í gongd, og stigtakararnir vænta ikki, at tað verður leingi, áðrenn teir fáa grønt ljós frá kommununi. Hann sigur, at bygningur- in, ið ætlan er um at byggja, verður í tveimum hæddum, og at hvør hæddin hevur ein gólvvídd upp á umleið 1.000 fermetrar. Sostatt verður samlaða gólvvíddin í nýggja handilsmiðdeplin- um umleið 2.000 fermetrar. Men hvat verður so í nýggja handilsmiðdeplin- um? - Vit hava sjálvir ætlanir um ein stóran matvøru- handil, og so verður eisini ein bakari. Í ovaru hæddini verður pláss fyri fleiri skrivstovum, og ein stórur partur av tí plássinum er longu umbiðin. Men pláss er eisini fyri fleiri handlum, sigur Finn Johannesen. Stigtakararnir halda, at tørvur er á einum stórum matvøruhandli í bygdini, tí sum nú er, eru tríggir smærri matvøruhandlar spjaddir runt um í bygdini, men við einum størri handli er møguligt at hava eitt breiðari vøruúrval enn við teimum smáu. Torg til tiltøk Nýggi bygningurin kemur at liggja, har fótbóltsvøllur- in hjá vestmenningum hev- ur ligið. Tað vil siga beint yvir av Shell-støðina, beint tá ið komið verður til bygdina. Finn Johannesen sigur, at ætlanir eru eisini um, at eitt stórt torg skal verða í bygn- inginum, ið skal verða eitt slag av einum miðdepli fyri ymisk tiltøk í bygdini. - Vit halda, at vestmenn- ingar eru ógvuliga lokalir, og tí ætla vit at skapa eitt pláss, har teir kunnu savnas til ymisk tiltøk. Nú eri eg sjálvur klaksvíkingur og harvið bláur KÍ'ari í hjart- anum, og eg havi varhugan av, at allir vestmenningar eru gulir VÍF'arar í hjartan- um og stuðla felagnum av øllum alvi. Eitt slíkt torg kann til dømis nýtas til ymisk tiltøk hjá júst VÌF ella eitt nú Agenda 21 fel- agnum í bygdini, sum jú eisini er ógvuliga aktivt, sigur Finn Johannesen. Hann sigur, at teir vóna, at vestmenningar eisini fara at taka undir við, at eitt slíkt torg kann gerast nýggi mentanarmiðdepilin í bygdini. Finn Johannesen vil ikki siga nakað um, hvussu nógv nýggi bygningurin kemur at kosta. Ein maður, ið hevði keypt sær bát úr Danmark, gjørdist kløkkur, tá ið hann fór umborð á Norr- ønu tíðliga mána- dagin at hyggja at nýggja bátinum hjá sær, tí í bátinum fjaldi ein blindur passagerur seg BLINDUR PASSAGERUR Terji Nielsen terji@sosialurin.fo Nýggi báturin stóð á bil- dekkinum umborð á Norr- ønu, og maðurin fór sum vera man spentur umborð at síggja nýggja bátin hjá sær. Tá ið maðurin letur upp í bátinum, gerst hann ikki sørt kløkkur, tí inni í bátinum goymir ein ungur útlendskur maður seg. Vita ikki hvagani hann er Hóast fremmandi maður- in royndi at sleppa til rým- ingar, eydnaðist hetta ikki, og løgreglan bleiv boð- send. Bergleif Brimvík, leið- ari á kriminaldeildini, sig- ur, at løgreglan hevur stað- fest, at maðurin er komin umborð í Hanstholm, hag- ani Norrøna kom. Tað eydnaðist tó ikki løgregl- uni at finna út av, hvagani maðurin kom, men Berg- leif Brimvík sigur, at talan er ein útlending. Maðurin hevði ikki ferðaseðil við Norrønu, og hann hevði heldur ikki loyvi at koma hendan veg- in. Sambært norður- lendsku passreglum merk- ir hetta, at maðurin skal sendast aftur til Danmark- ar, og tað er longu gjørt. Bergleif Brimvík sigur, at maðurin er farin til Dan- markar við flogfari, og at tveir føroyskir løgreglu- menn fóru við honum. Tá ið komið var til Danmark- ar, stóð danska løgreglan so fyri teimum og tók mannin. Spurdur um hetta er nakað, ið kriminalløgregl- an sær fólk, ið royna at sníkja seg til Føroya, sum ein vaksandi trupulleika, sigur Bergleif Brimvík, at tað er tað ikki. Hann sigur, at slíkt kemur fyri av og á, men talan er ikki um nakr- an vaksandi trupulleika. Blindur passagerur við Norrønu Ferðafólkatalið umborð á Norrønu, tá ið hon kom til Føroya úr Danmark fyrr í vikuni, var eitt sindur hægri, enn tey á Smyril Line vistu av, tí umborð á skipinum fjaldi ein blindur passagerur seg savnsmynd Myndatekstur: Forarbeiðið til nýggja handilsbygningin inni á Fjørð í Vestmanna er longu farið í gongd. Menn eru farnir undir at grava økið upp, so at tað sum skjótast kann farast undir at byggja. Mynd: www.vestmanna.fo