mikudagur 2. november 2005síða 5

Nr. 210 - 2. november 2005 3 Kvinna fyllir 1 ár 11. november er eitt ár liðið, síðani fyrsta út- gávan av Kvinnu kom út. Eitt árs fagnaðurin fer fram á www.kvinna.fo, har hópin av gávukortum verða burturlutað allan november mánað Nú eitt ár er liðið, síðani Kvinna kom út fyrstu ferð, er lítið at ivast í, at hetta var blaðið, før- oyskar kvinnur og iva- leyst fleiri menn, hava bíðað eftir. Móttøkan av blaðnum hevur verið sera góð, kjaksíðan kvinna.fo er vorðin ein tann mest vitjaða og umrødda í Føroyum og onki bendir á, at orkan hjá redaktión- ini er minkað. Heldur tvørturímóti. Til at hátíðarhalda alt hetta, fer Kvinna nú undir at luta burtur gávukort hvønn dag í hesum mán- aðinum millum haldarar og luttakarar í kjakinum á kvinna.fo tann dagin. ave Fríggjadagin letur upp listaframsýning í Leikalund við mynd- um úr hugaverðini hjá bygdamanninum Frits Johannesen LISTAFRAMSÝNING Fíggjadagin 4. november kl 16 letur Frits Johannesen úr Fuglafirði upp málninga- framsýning í Leikalund í Klaksvík. Hetta er triðja sýningin, ið Frits hevur í ár. Hann hevði eina sýning í gallerí Tøting í vár við vatn- litsmyndum, málningafram- sýning í Gallerí Arleth á Falster frá februar til apríl umframt eina framsýning av málningum og vatnlits- myndum í kirkjuni í Bag- sværd í summar. Ætlanin var at hava eina framsýning í Gallarí Oyggin á Tvøroyri, men hendan varð avlýst orsakað av verkfallinum. Hugans heimur Myndaevnini hjá Fritsi røkka frá natúrlýsingum, hug- tøkum í tónleiki, næmingum til Manhattan í Mansgjógv í Fuglafirði. Frits er uppvaks- in í Fuglafirði, har hann hev- ur verið lærari síðani 1967. Kórsangur og tónleikur hev- ur í mong ár verið hansara eitt og alt. Og tað er úr hesi hugaverð nógvar av mynd- unum hjá Fritsi eru sprotnar. Snjósóljugentan uppi á Manni í Blábjørgum er eitt skaldahugtak. Har vekir hon yvir Fuglafirði og Norð- oyggjum, meðan hon við síni dýrabaru cello spælir síni løg fyri snjósóljuni, sum veksur uppi í hesi gjógv og fyri Manninum, sum so erp- in stendur í síni mannfólka- verð og er ringur at tevsa. Myndirnar hjá Fritsi eru eisini merktar av poppsang- arum og klassiskum tón- leikarum. Sjómaðurin er eisini við, og úr hesum jør- ildi eru føroyingar komnir. Framsýningin í Leikalund verður at síggja fram til 30. november. ave Tónleikans heimur er aftur- vendandi myndevni í máln- ingunum hjá Fritsi Johannesen Loftferðslupakkin hjá ES letur upp fyri full- komuligari fríari kapping á Føroya-rut- uni. Hjá Atlantic Air- ways síggja tey hetta tó fyrst og fremst sum eina nýggja avbjóð- ing, ið gevur nýggjar møguleikar FLOGFERÐSLA Jákup Mørk Á landsstýrisfundi tann 31. oktober varð avrátt, at Føroyar nú skulu knýtast at loftferðslupakkanum hjá ES, ella teirri sonevndu ECAA-avtaluni. Hetta merkir, at frá 1. januar 2007 verður latið upp fyri fríari kapping á føroya-flúgvingini, sam- stundis sum føroysk feløg - t.e. Atlantic Airways - eisini fáa møguleika at flúgva upp á rutur innan ES-lond í javnbjóðis kapping við flogfeløg í ES. Betri atkomuligheit Tað føroyska virkið, sum fyrst og fremst kemur at merkja broytingarnar í hes- um, er sjálvandi Atlantic Airways, sum í dag er einsa- malt um Føroya-flúgving- ina, men Magni Arge, stjóri, tykist á ongan hátt at vera ræddur um nýggju avbjóð- ingina. - Alt hevur jú í minsta lagi tvær síður. Men her hjá okk- um hava vit valt at síggja hetta sum eina nýggja av- bjóðing, sum gevur okkum nýggjar møguleikar. Spurdur, hvørjar ítøki- ligar broytingar hetta kann geva hjá føroyska felagn- um, sigur stjórin, at tað kanska er nakað trupult at siga her og nú. - Tú kanst í øllum førum siga, at vit við hesum fáa betri møguleika at gera eff- ektiva nýtslu av flotanum hjá okkum, sum nú telur fimm flogfør. Tí vit kunnu neyvan brúka øll hesi til bara at flúgva millum Føroyar og Danmark. Í dag gera vit sjálvandi eisini nýtslu av flogførunum til aðrar rutur, men í verandi støðu mugu vit hvørja ferð søkja um loyvi, um vit vilja víðka ferðslunetið hjá okkum. Eitt nú hava vit í summar flogið Føroyar-Aberdeen-Stansted, men tá hava vit ikki havt loyvi at taka ferðafólk mill- um Aberdeen og Stansted. Við nýggju avtaluni kunnu vit gera hetta, um vit hava hug. Ætlanirnar skulu tá bara fráboðast, so á tann hátt verður tað meira ómaksleyst hjá okkum at koma inn á ymsu ruturnar. Frátekur politiskari stýring Hinvegin, so ásannar Magni Arge eisini, at broytingin kann seta nýggj krøv á Før- oya-flúgvingini, sum í dag er krumtappurin í virksem- inum hjá Atlantsflogi. - Tað gevur jú øðrum sama møguleika at koma inn á okkara rutu, sum vit fáa hinvegin, og tað er sum so í tráð við tað, sum vit hava ynskt. Tá vit hava tos- að við myndugleikarnar um broytingar á Føroya-rutuni, hava vit alla tíðina sagt, at treytirnar mugu vera eins báðar vegir, og tað er í grundini tað, sum nú er hent. Hinvegin haldi eg ikki, at verandi skipan hev- ur verið nøkur forðing sum so, tí myndugleikarnir hava altíð givið tilsøgn, tá um- sóknir eru lætnar inn. Men tað frátekur politisku skip- anini møguleikan fyri at stýra útboði og prísseting á rutuni. Og tað vil náttúrligt vera nakað, sum vit eisini skulu tillaga okkum. Men vil Atlantic Airways ikki altíð hava ein náttúrlig- an fyrimun í júst hesi kapp- ingini, tá tit hava tykkara heimstað í Føroyum? - Tað vil so millum annað vera nakað av tí, sum kapp- ingin í framtíðini kemur at snúgva seg um. Tá verða tað lutir sum marknaðar- kunnleiki, heimstaður og annað, sum kemur at vera kappingarparametrini. Ikki nakar altjóða risi Og ætlar Atlantic Airways sær nú í enn størri mun at gerast partur av hørðu kappingini á stóra europe- iska marknaðinum? - Sjálvandi gevur hetta okkum nakrar nýggjar møguleikar. Men tú skalt so ikki rokna við, at vit í næstum fara at operera kring alt Europa. Kappingin á marknaðinum er knall- hørð, og vit eru alt ov veikir, tá talan er um málrættaða marknaðarføring í ymsu londunum. Og kunnleiki okkara til ymsu markn- aðirnar er eisini rættiliga avmarkaður í so máta. - Sum eg síggi tað, so verður tað framvegis okk- ara lutur at finna nakrar nisjur á marknaðinum, har vit kunnu útfylla nøkur tómrúm. Ella kanska at ger- ast liður í einum samstarvi hjá størri feløgum, sum onkursvegna hava tørv á okkara hjálp. Og so mugu vit bara síggja, hvussu tingini kunnu útvikla seg har og frá, heldur Magni Arge at enda. Frí kapping í luftini Frits í Leikalund