mikudagur 2. november 2005síða 9

Nr. 210 - 2. november 2005 9 Tá ið verkfall var, og leiðslan á Lands- sjúkrahúsinum tók avgerð um at avlýsa allar ikki bráðneyð- ugar skurðviðgerðir, vóru avvarðandi læknar ikki altíð kunnaðir um hetta LANDSSJÚKRAHÚSIÐ Terji Nielsen terji@sosialurin.fo Tá ið sjúkrahúsleiðslan hevði tikið avgerð um at avlýsa allar skurðviðgerðir, ið ikki vóru bráðneyðugar, var hetta gjørt uttan um fleiri av avvarðandi lækn- um. Í onkrum føri var tað, sum skilst, enntá ein sjúkrarøktarfrøðingur, ið gjørdi av, um talan var um bráðneyðuga skurðviðgerð ella ikki. Tóku læknafakligar avgerðir Tá ið Jóhan Petur David- sen, uppsagdur yvirlækni, frætti, at yvirsjúkrasysturin á skurðdeildini hevði avlýst fleiri av ætlaðu skurðvið- gerðunum hjá honum eftir øllum at døma við vælsign- ilsi frá sjúkrahúsleiðsluni, var hann ikki blíður. Jóhan Petur Davidsen tók so ógvusligani til í hesum sambandi, at sjúkrahús- leiðslan ynskti at siga hann úr starvi. Jóhan Petur Dav- idsen kundi ikki góðtaka, at sjúkrarøktarfrøðingur tók læknafakligar avgerðir. Hóast ákæruritið móti Jóhan Petur Davidsen, sum Sosialurin hevur fingið hendur á, bert viðgerð ósemjur í leiðsluhøpi, ynskir sjúkrahúsleiðslan at siga hann úr starvi sum tænastumannasettur yvir- lækni eisini. Sum skilst kunnaði Jóhan Petur Davidsen sjúkrahús- leiðsluna á fundi tann 19. oktober um, at hann ikki kundi góðtaka, at sjúkl- ingaviðgerðir hjá honum vóru avlýstar, uttan at hann var vitandi um hetta. Dagin eftir fekk Jóhan Petur Dav- idsen bráddliga at vita, at sjúklingarnir vóru kallaðir inn aftur, og heldur ikki hesaferð varð hann kunnað- ur um hetta. Sum skilst á læknum, er væntandi, at avgerðin hjá sjúkrahúsleiðsluni um at lata sjúkrarøktarfrøðingar taka avgerð um, hvat er bráðneyðug skurðviðgerð og hvat er ikki, verður kærd til landslæknan. Sjúkrahús- leiðslan fór út um sína heimild Sambært advokat- inum hjá Jóhan Petur Davidsen, uppsagdum yvir- lækan, fór sjúkra- húsleiðslan út um sína heimild, tá ið hon sendi yvirlæknan til hús UPPSAGDUR YVIRLÆKNI Terji Nielsen terji@sosialurin.fo Í skrivi dagfest 25. oktober til advokatin hjá Landssjúkrahúsin- um sigur Christian Andreasen, advokatur, umboðandi Jóhan Petur Davidsen, at av- gerðin hjá sjúkrahús- leiðsluni er ógyldug, og hann krevur tí, at hetta verður broytt beinanvegin. Ikki setanar- myndugleiki Christian Andreasen ger í skrivinum vart við, at sjúkrahúsleiðsl- an ikki er setanar- myndugleiki, og hann metir tí, at avgerðin hjá leiðsluni er ein ógyld- ug avgerð, og tí verður kravt, at hetta verður broytt beinanvegin. Í skrivinum sigur Christian Andreasen, advokatur, eisini: »annars skal eg endur- taka, at grundgeving- arnar fyri uppsagnini m.a. er, at Jóhan Petur Davidsen ikki skal hava aktað givin boð, og at talan tí er um disiplinær viðurskifti, og at Jóhan Petur Davidsen tí ikki kann sigast upp, uttan so at ein tænastumannasak er reist móti honum. Hesa avgerð kann sjúkrahúsleiðslan held- ur ikki taka, tí sjúkra- húsleiðslan er ikki setanarmyndugleiki«. Somuleiðis sigur Christian Andreasen í skrivinum, at hann metir framferðarháttin hjá sjúkrahúsleiðsluni við at frítstilla Jóhan Petur Davidsen og at innstilla hann til eina uppsøgn verða langt uttan fyri løgfrøðisligt mark, og advokaturin tekur tí fyrivarni um øll rættarstig í hesum sambandi. Tað var ikki bert Jóhan Petur Davidsen, uppsagdur yvirlækni, ið var misnøgdur við avgerðina hjá sjúkra- húsleiðsluni um at steðga øllum ikki bráðneyðugum skurðviðgerðum undir verkfallinum UPPSAGDUR YVIRLÆKNI Terji Nielsen terji@sosialurin.fo Í einum notati, sum Tummas í Garði, lækna- stjóri, hevur skrivað, og sum Sosialurin hevur fing- ið hendur á, verður greitt frá eini telefonsamrøðu millum læknastjóran og Eliesar Olsen,yvirlækna. Líkist svartasta ongum Í notatinum stendur at lesa, at Eliesar Olsen tann 19. oktober ringdi til Tummas í Garði og segði, at hann var sera illa nøgdur við, at leiðslubólkurin hevði tikið avgerð um, at allar ikki bráðneyðugar skurðvið- gerðir skuldu avlýsast. Eli- esar Olsen, yvirlækni segði við læknastjóran, at hann helt, at tað líktist svartasta ongum, at hann ikki kundi fáa loyvi til at fremja nakrar smáar skurðviðgerðir, ið hann hevði á skránni. Talan var um skurðviðgerðir, har honum ikki hevði nýtst stórvegis hjálp ella serliga nógv tilfar. Tummas í Garði fasthelt tó, at talan var um eina undantaksstøðu fyri alt sjúkrahúsið, og avgerðin skuldi respekterast. Eliesar Olsen var kortini sera misnøgdur, og hann helt, at tað var ein býtt avgerð, sum varð tikin, men at hann kortini fór at fylgja boðunum frá leiðsluni. Sjúkrahússtjórin er ikki samdur við Christian Andreasen, advokati hjá Jóhan Petur Davidsen, sum vil verða við, at avgerðin at koyra uppsagda yvirlæknan til hús er ógyldug UPPSAGDUR YVIRLÆKNI Terji Nielsen terji@sosialurin.fo Poul Geert Hansen sigur, at sambært lóg er sjúkrahús- leiðslan setanarmyndug- leiki á Landssjúkrahús- inum, men ikki uppsagnar- myndugleiki, tá ið talan er um uppsøgn uttan umsókn. Hann heldur tískil ikki, at tað var ein ógyldug avgerð, ið sjúkrahúsleiðslan tók, tá ið hon sendi Jóhan Petur Davidsen til hús. Fleiri vóru misnøgd Spurdur hvussu tað ber til, at Landssjúkrahúsið valdi bert at gera bráðneyðugar viðgerðir, meðan verkfall var, samstundis sum Klaks- víkar Sjúkrahús og Suð-ur- oyar Sjúkrahús koyrdu við fullari megi, sigur Poul Geert Hansen: – Vit eru meginsjúkra- hús, og tí er nógv meiri virksemi sum heild á Landssjúkrahúsinum, enn tað er á hinum báðum sjúkrahúsunum. Vit eru fyri so vítt eisini megingoymsla fyri alt sjúkrahúsverkið. Vit viðgjørdu málið í leiðsluni og í leiðslubólkinum, og avgerðin bleiv so tikin, hóast tað vóru fleiri, sum ikki vóru nøgd við avgerð- ina. Í einari organisatión vilja tað tó altíð verða summi, sum eru misnøgd, sigur Poul Geert Hansen. Sjúkrahússtjórin hevur annars ikki hug til at gera tær stóru viðmerkingarnar til málið, tí talan er um eitt persónsmál. Sjúkrarøktarfrøðingar tóku læknaavgerðir Poul Geert Hansen, sjúkrahússtjóri: – Vit eru setanarmyndugleiki Aðrir yvirlæknar vóru eisini misnøgdir