mikudagur 9. november 2005síða 8

12 Nr. 215 - 9. november 2005 Sum nakað nýtt seta vit nú allar myndir av brúðar­pørum, sum vera sendar til til teigin "Heilsanir", í Vikuskiftis Sosialin í litum. Brúðarmyndirnar koma undir somu treytir sum aðrar myndir til "Heils­anir", t.v.s. at tær kosta 30 kr. Síðsta freist at lata brúð­armyndirnar inn er hós­dag kl. 12.00 Sosialurin Litmyndir av brúðarpørum í Tórshavnar Kvøld- og Ungdómsskúli: Jóhannes Eli nýggjur leiðari Tórshavnar kommuna hev­ ur sett Jóhannes Eli Iversen í starvið sum leiðari í Tórshavnar Kvøld- og Ung­ dómsskúla frá 1. januar 2006. Jóhannes Eli er 57 ára gamal, tók læraraprógv á Føroya Læraraskúla í 1972 og hevur verið lærari í Tórshavnar Kommunuskúla síðan tá, frá 2002 vara­skúla­ stjóri. Harum­framt hevur hann fleiri skeið m.a. í leiðslu og fyrisiting. Umframt lærarastarvið hevur Jóhannes Eli verið læru­greinaráðgevi á Landsmiðstøðini 1989-96. Hann hevur eisini verið í nógvum nevndum, ið hava við skúlaskap at gera, t.d. lesi ætlanarnevnd og í nevndini, ið gjørdi álit um savnsrøkt. Í 2001 varð Jóhannes Eli Iversen valdur í nevndina í Føroya Lærarafelag, har hann nú er næstformaður. Hann varð formaður 2003-05. NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Havnar Arbeiðs­kvinnu­felag skipar fyri sangkapping Tíðindaskriv Í sambandi við at Havnar Arbeiðskvinnufelag verður 70 ár komandi ár, varð samtykt á seinasta aðalfundi at skipa fyri eini kapping um at skriva ein sang. Evni er: Gerandisdagur tín, arbeiði og tað ið liggur tær nær. Uppskot skulu sendast inn til Havnar Arbeiðs­ kvinnu­­­felag, Bøgøta 10, FO-100 Tórshavn, merkt: “Sangkapping”, innan 6. Januar 2006. Vinnararnir verða kunngjørdir á aðalfundinum. 1. virðisløn er 5.000 kr., 2. virðisløn er 3.000 kr. og 3. virðisløn er 2.000 kr. Navnabroyting Hanus Hansen, lækni, og Mildrid Einarsdóttir, sjúkra­ røktarfrøðingur, Klaksvík, hava fingið sær eftirnavnið á Lógv. Tey eita nú Hanus á Lógv og Mildrid Einarsdóttir á Lógv. Í sambandi við søguskriving verður leitað eftir myndum av gamla Norðistovu- buss­inum í Sørvági - ella bussinum hjá Henry - sum hann eisini varð nevndur Bussurin varð uppbygdur í smiðjuna hjá J. K. Joensen & soni í Miðvági fyrst í 60-unum fyri N. Niclasen í Sørvági. Seinni yvirtók Henry Davidsen í Sørvági bussin. Eina tíð átti Jógvan Hans Joensen í Miðvági buss­ in, ið hann seldi til Jógvan Martin Høj á Strondum, sum lakkeraði hann reyðan. Áður hevði hann verið bláur. Myndirnar skulu nýtast til søguna um bussin. Tey, sum eiga myndir av bussinum - eisini tá hann stóð í gerð - eru vælkomin at seta seg í samband við Jens Jákup Hansen á tel. 221775. Dagurin í morgin 10. november. Luther. Sjálvandi ikki komin í álma­ nakkarnar sum halgimenni, men dagurin er í luthersku kirkjuni settur sum minningardagur Luthers. Hann varð borin í heim 10. november í 1483 í Eisleben í Týsklandi. Sóknast eftir myndum av bussi í Vágum Annika Olsen á ting Í døgunum 8. til 18. november tekur Annika Olsen sæti á løgtingi. Poul Michelsen, sum er umdømisvaldur fyri Fólkaflokkin í Suðurstreymoy er tá í farloyvi, og sum næsta valevni á listanum tekur Annika sætið hesar dagarnar.