mikudagur 9. november 2005síða 9

6 Nr. 215 - 9. november 2005 Fjøruti áhugaleikfólk hava í vikuskiftinum verið í Klaksvík á sjónleikarastevnu, har Sjúðrakvæðini vóru reyði tráðurin Sjónleikur Anna V. Ellingsgaard anna@sosialurin.fo Leikstevnan byrjaði fríggjakvøldið, tá útflutti klaksvíkingurin Árni Dahl hevði eina hugvekjandi frá­ søgn um Sjúrðar­kvæðini. Á henda hátt fingu luttakararnir upp aftur betri innlit í Regin Smið, Brynhildar tátt og Høgna tátt, sum eru tey trý kvæðini ella tættirnir í tí, sum samanlagt verða nevnd Sjúrðarkvæðini. Jørð, luft, eldur og vatn Á stevnuni varð arbeitt allan leygardagin í Ósáskúlanum við at flyta kvæði av gólvi á pall. Stevnufólkið varð býtt sundur í 4 arbeiðsbólkar, sum vóru Jørð, Luft, Eldur og Vatn, har Eyð Matras og Gunnvør Joensen virk­aðu sum kveikjarar og hjálp­ arar. Seinnapartin leygardagin framførdu teir fýra bólkarnir so fyri hvørjum øðrum. Tað sást beinanvegin, at væl varð arbeitt, og at luttakararnir høvdu fing­­ið nógv burturúr, tí framførslurnar vóru ser­ stakliga fjølbroyttar – onkur enntá í operaformi. Seinni um kvøldið var veitsla, har farið varð upp á gólv og kvøðið dúgliga. Stimbrandi fyri leikhugin Fyrireikarnir vóru avbera væl nøgdir við stevnuna og fegnaðust serliga um, at teimum ungu dámdu hana serstakliga væl. Tey høvdu stóran áhuga fyri Sjúrðar­kvæð­unum og fyri tí dramatiska og tragiska í hesi klassisku føroysku frásøgnini við søguligum og sagnakendum evni úr Mið- og Eyst­ur­evropa. Nú eru nøkur ár liðin, síðan sovorðin sjónleikarastevna seinast var í Klaksvík. Fyri­ reikarnir halada tað tí vera gott, at tráðurin nú verður tikin upp aftur, tí ongin ivi er um, at ein slík stevna er við til at halda lívi í leikáhuganum og enn meira at menna leik­ hugin í býnum. Tað vóru Meginfelag áhuga­leikara Føroya (MáF) og Klaksvíkar Sjón­ leikarafelag, sum í felag skip­aðu fyri teirri árligu sjón­leikarastevnuni í ár. Nýggjar bøkur: Á skattaveiðu í Bíbliuni Heima­missións­for­ lagið hevur júst givið út tvær barna­ bøkur. Tey eldru børnini kunnu fara á skatta­­veiðu í Bíbliuni, meðan tey minstu hava fingið sína egnu bønar­bók Nýggja bøkur Stóra Skattaveiðan er ein øðrvísi bók á nógvar hættir. Við fýra børnum fara vit á spennandi skattaveiðu gjøgnum Gamla Testamenti í Bíbliuni. Í bókini finnur tú tekningar til Nóa ørk, tú fært loyvi til at hjálpa Ábrahami á hansara longu ferð, og at byggja sáttmálaørkina. Í bókini eru lummar við uppgávum og spøl­ um, sum seta ferð á hug­flogið. Hetta er ein spennandi háttur at læra søguna um Guds fólk. Bókin er ætlað børnum upp til 10 ára aldur, og er væl egnað til kristni­ undirvísing í skúlunum. Fót­bóltsleikarin Tór Ingar Akselsen hevur týtt bókina úr enskum. Bønarbókin fyri børn er vakurt prýdd við mynd­um. Í bókini eru barnavinarligar bønir, sum kunnu vera við til at venja børnini at biðja til Guds og minna tey á, at Gud ansar øllum heiminum, og hvørjum einstøkum. Her eru bøn­ ir til ymiskar umstøður og til serstakar dagar, bønir fyri familju, vin­um og skúlanum og at enda Faðir vár. Jón­gerð Mikkelsen hev­ur týtt bókina úr ensku­m. ave Av dansigólvi á leikpall Teimum ungu dámdu serstakliga væl kvæðatemaið á árligu sjónleikarastevnuni, sum í varð hildin í Klaksvík um vikuskiftið Tað var nógvur dramatikkur í luftini, tá teir fýra bólkarnir, Jørð, Eldur, Vatn og Luft framførdu fyri hvørjum øðrum leygarkvøldið á sjónleikarastevnuni 6. juli 2006 kemur Robb­ie Williams til Keyp­manna­ havnar at spæla konsert á gamla heimavøllinum hjá Toda í Parkini. Tað er langt síðan, at tað gjørdist greitt, at Robbie skuldi spæla í Danmark í 2006, men nú­staðni í dag er dagfestingin almannakunngjørd, skrivar BT. Trý ár eru liðin, síðan Robbie seinast spældi í Parkini, tann konsertin var bæði minnilig og frálík. Robbie spældi annars á Nordic Music Event í Keyp­ mannahavn fyri tveim­um vikum síðan, og hóast bert talan var um eitt lag, fekk hann Forum at kóka. Atgongumerkini verða at fáa í Fona handlum kring Danmark og á www. billetlugen.dk ella +45 70 263267 frá 21. november kl. 10.00. Væntandi verður gravgangurin stórur, og danska blaðið BT, væntar at bíðirøðir verða til at­ gongu­merkjasøluna alla náttina framman fyri Fona handlum. Til ber at keypa upp til 4. atgongumerki pr. fólk. nud Robbie Williams í Parkini