mikudagur 9. november 2005síða 11

Nr. 215 - 9. november 2005 7 Tað halda møðgurnar báðar, Katrin og Inga Dahl, nú listi 2 vann kirkjuráðsvalið í Havn í gjár við risa­meiriluta. Inga gjørdist triðvald á listanum við 102 persónligum at­kvøðum. Tær báðar halda, at fólkið nú greitt hevur sagt, at kvinnuligir prestar og fráskildir prestar eru vælkomnir í kirkjuna. Kirkjuráðsval Terji Nielsen terji@sosialurin.fo Tað var ikki hissini val­ sig­ur, ið listi 2, sum av fleiri varð skýrdur tann meira frílyntii listin, fekk á kirkjuráðsvalinum í Tórs­havnar Eystaru Sókn í gjár. Av teimum 1074 at­kvøðunum fullu tær 890 til lista 2, og tað svarar til 82,7 prosent. Klárur boðskapur alt at siga At talan gjørdist um ein so­mikið greiðan sigur, kom óvart á tær báðar møðgurnar. Inga var sum áðurnevnt eitt av valevnunum, meðan Kat­ rin var stillari og annars hev­ur verið virkin innan kirkjuarbeiði í drúgva tíð. - Vit hava allatíðina havt ein heilt kláran boðskap. Vit hava meldað greitt út, at vit ganga inn fyri javnstøðu í kirkjuni, og at tað ongan týdn­ing hevur, um prestur er fráskildur. Somuleiðis hava vit lagt dent á, at vit vilja hava prestar, sum kunnu samstarva við allar aðr­ar prestar. Hesin klári boð­skapur hevur havt alt at siga, halda tær báðar. Við hesum verður ivaleyst sipað til umstrídda hjálp­ar­ prestin, Jóanis Fonsdal, sum virkaði í Dómkirkjuni farna valskeið. Hann segði greitt, at hann ikki tók undir við kvinnuligum prestum og frá­skildum prestum. Tað er einki dulsmál, at á lista 1 vóru valevni, sum tóku undir við sjónarmiðjunum hjá fyrrverandi hjálpar­prest­ in­um. At tann listin bert fekk tveir av fjúrtan limum í nýggj­ a kirkjuráðnum, sígg ja tær báðar sum eitt greitt tekin um, at fólkið tekur undir við sjónarmiðunum um, at kvinnu­ligir og fráskilidir prestar eru vælkomnir í kirkjuni. - Valúrslitið hevur sligið tað rimmarfast, at soleiðis vil fólkið hava tað í kirkjuni, siga Katrin og Inga Dahl. Umrøðan í miðlunum stóran týdning Spurdar hvussu tað ber til, at áhugin fyri kirkju­ ráðsvalinum hevur verið so mikið stórur, siga tær báðar, at tað eru fleiri orsøkir til tess. - Eitt er, at fjølmiðlarnir hava gjørt nokk so fitt burturúr, og at viðgerðin í mið­lunum hevur verið siðilig. Hetta eiga fjølmiðlarnir rós fyri, sigur Katrin Dahl. - Tað hevur eisini havt týdning, at tað eru so lang tíð síðani seinasta val, og tí hava fólk nýtt høvi hesaferð at siga sína meining, heldur Inga Dahl. Í nýgg ja kirkjuráðið eru nú fitt av yngri kreftum, og á valinum í gjár sást eisini týðiliga, at áhugin millum ung er vaksandi. Hetta fegn­ ast Inga og Katrin Dahl um, og tær halda, at hetta merkir, at áhugin fyri kirkjuni sum heild er vaksandi. Av teimum 13 kirju­ráðs­ limunum í gamla kirkju­ ráðnum eru bert fýra teirra afturvald. Spurdar um stóra útskfitingin fer at hava við sær nakrar broytingar í kirkjuni, sigur Inga Dahl. - Tað er ilt at siga, um vit fara at fáa eina meiri opna kirkju ella hvat. Sjálvandi skal kirkjan verða opin fyri ymiskum tiltøkum, men nú skal ráðið fyrst savnast og skipa seg. Síðani verður stungið út í kortið, hvat vit ætla, sigur hon. Inga var ovfarin Sum áðurnevt gjørdist Inga Dahl triðvald í kirkjuráðið við 102 persónligum atkvøðum. Hon sigur, at hon var ovfarin av úrslitinum. - Tað eri eg ótrúliga errin av, og eg havi eisini merkt sjálv, at áhugin fyri valinum hevur verið stórur. Tað eru nógv fólk, sum hava tosað við meg um valið, og nú í morgun, dagin eftir valið, havi eg fingið nógva respons á arbeiðsplássinum, sigur Inga Dahl. Hon dugir ikki at siga, nær nývalda kirkjuráðið savnast at skipa seg, tí tað er tann fyrstvaldi, ið kallar ráðið saman. Fyrstvaldur er Jákup Sím­un Simonsen, og tað er eis­ini rættuliga áhugavert. Sein­­ast kirkjuráðsval var í sóknini í 1985, var fyrst­ valdi kirkjuráðslimurin Axel Simonsen, pápi Jákup Símun. Tær báðar, Inga og Katrin Dahl, halda, at úrslitið á kirkjuráðsvalinum í Havn í gjár bert kann tulkast sum greið tala frá fólkinum, ið heldur, at pláss skal verða fyri bæði kvinnum og fráskildum í kirkjuni. Mynd: Jens Kr. Vang Bíði­røðin var long Áhugin fyri at sleppa at velja á kirkjuráðsvalinum í Havn í gjár var so mikið stórur, at bíðirøðin var nærum 100 metrar long uttan fyri valstaðið í Meinig­ heitshúsinum. Valluttøkan var nærum 17 prosent. Kirkjuráðsval Terji Nielsen terji@sosialurin.fo Tað var sjáldsama stórur áhugi fyri at sleppa at greiða atkvøðu á kirkju­ ráðs­valinum í Tórshavnar Eystaru Sókn í gjár. 20 ár eru síðani, at borgarar í hesum partinum av høvuðs­staðnum sluppu at velja til kirkjuráðið, og tað hevur kanska gjørt sítt til, at áhugin hesaferð var so mikið stórur. Bæði ung og gomul Jensa Heinesen, for­ kvinna í valnevndini, segði, tá ið liðugt var at telja atkvøðurnar um tígg ju­tíðina í gjárkvøldið, at 1074 fólk høvdu greitt atkvøðu. Hon fegnaðist um góðu undirtøkuna til valið, og seliga hugaligt helt hon tað verða, at tað vóru fólk í øllum aldri, ið høvdu víst valinum áhuga. Valluttøkan kundi eis­ ini verið væl hægri, tí sum skilst vóru tað fleiri veljarar, ið vendu við aftur, tá ið tey sóu longu bíðirøðina. Nýggja kirjuráðið: Jákup Símun Simonsen Vagnur Michelsen Inga Dahl Helgi í Brekkunum Bente Kjær Ása M. Justinussen Petur Even Djurhuus Anna Dahl Olsen Sólrun Michelsen Andrias Sjóvará Randi Petersen Hans Debes Kartni Olsen Per Jacobsen Listi 1: Listin: 4 Randi Petersen: 33 Magnus B. Jørgensen: 4 Ove Láberg: 7 Heðin Mikkelsen: 16 Egon Hansen: 16 Elsa Fonsdal: 6 Christian M. Christiansen: 3 Katrin Johannesen: 4 Steingrím Vang: 8 Atli Klein Olsen: 1 Kjartan E. Dalsgaard: 4 Michael Thomsen: 6 Kristin Magnussen: 4 Turid Joensen: 2 Eyðbjørg Fossadal: 9 Per Jacobsen: 26 Osvald Joensen: 9 Sólrun Poulsen: 10 Birgit T. Olsen: 6 Michaela Sørensen: 5 Tilsamans: 184 atkvøður Listi 2: Listin: 24 Jákup Símun Simonsen: 109 Petur Even Djurhuus: 48 Helgi í Brekkunum: 75 Inga Dahl: 102 Anna Dahl Olsen: 47 Hans Debes: 26 Jacoba Funding: 16 Per Hansen: 14 Annika Højgaard: 16 Johannes Eli Iversen: 16 Elinborg Johannesen: 22 Ása M. Justinussen: 56 Ulla undir Kletti: 9 Sólrun Michelsen: 44 Vagnur Michelsen: 103 Kaj P. Mortensen: 22 Kartni Olsen: 26 Malan Rasmussen: 15 Andrias Sjóvará: 43 Bente Kjær: 57 Tilsamans: 890 atkvøður Fólkið hevur talað Atkvøðubýtið á kirkjuráðsvalinum í Havn: i