mánadagur 14. november 2005síða 23

Nr. 218 - 14. november 2005 23 Havnarmenn og vestmenningar hava skarað framúr tvey tey fyrstu umførini í FM-liðkappingini. Komandi leygardag hittast bæði odda- liðini Talv Carl Eli Nolsøe Samuelsen Í løtuni tykist tað ikki sum nakað felag kann fylgja havnarmonnum og vestmenningum, sum aftur hetta vikuskiftið vunnu góð- ar sigrar. Og Heini Olsen var við klaksvíkingum í botndystinum ímóti koll- firðingum. Spennandi dystur í Vestmanna KTF 2, við veteranunum Rana Nolsøe og Steintóri Rasmussen á ovastu borð- unum, fingu ikki stórvegis burtur úr vitjanini í Vest- manna sunnudagin. Úrslitið varð 3-1 til heimaliðið, sum nú hevur lagt seg á odda saman við verandi føroyameistarunum úr Havn. Sjúrður Thorsteinsson fekk skjótt vinnandi fyrimun ímóti Rógva Dragaberg. Hó- ast ungi klaksvíkingurin stríddist væl, varð ongantíð ivi um úrslitið. Løtu seinni tóku Carl Eli og Steintór javnt í einum ólíkalittum enda- talvi. Í kroystari støðu í miðspælinum fann Steintór eina góða ætlan, sum fyrst gav honum aktivt spæl og seinni kanska enntá fyrimun. Men javnleikur var helst á gongdari leið. John Rødgaard vann aftur hetta vikuskiftið, hesaferð á Rana Nolsøe. Rødgaard fekk við svarta fólkinum lítlan fyrimun í miðspælinum og tá Rani í tíðneyðini misti finnur, var Rødgaard eirindaleysur. Frúgvaoffur og patt Tað mest merkisverda talvið í toppdystinumí Vestmanna var á 3. borði millum Sam- son Højgaard og Rana Bald- ursson. Samson gav finnu fyri gott spæl, men Rani helt tørn og vann sær vinnandi fyrimun. Í vónleysari støðu royndi Samson eina síðstu fellu og hesa leyp Rani beint í. Frúgvaoffur og tvungið patt. Spell fyri Rana, væl strídst a v Samson, og saman skapti teir eitt áhugavert talv, sum endaði við einari snøggari og óvæntaðari finnessu. Hóast talan varð um greiðan sigur til heimaliðið, var tað allatíð spenningur um úrslitið. Telvararnir á liðnum hjá vestmenningum tykjast at vera í góðum formi og ætla sær eftir gullinum, væl vitandi um, at serliga havnarmenn eisini lukta gull. Hvør rennur skjótast í ár? Vunnu aftur uttan Martin Poulsen Í Havn vunnu havnarmenn 2,5 - 1,5 á hvalvíkingum. Leingi sá út til at úrslitið fór at verða 2-2, men Olaf Berg fekk alt stigið í drúgvum talvi á 1. borði ímóti Haldur Suna Johansen. Martin Brekká hevur fingið góða kappingarbyrjan á 3. borði hjá hvalvíkingum. Eftir góðan sigur á Samson í seinastu viku, vann hann sunnudagin á Boga Ziska. Og Bogi er ikki hvør sum helst. Formsterkasti telvari í Før- oyum í løtuni, Helgi Dam Ziska, vann á Finnbjørn Zachariassen og hevur nú vunnið bæði síni talv á 2. borði. Finnbjørn eigur hin- vegin fyrsta stigið til góðar. Faðir Helga, Andrias Ziska, leikti javnt ímóti Sámal Christiansen á 4. borði. Ilt er at siga um havnarmenn eru nøgdir við úrslitið. Sjálvsagt er ein sigur altíð nøktandi, men helst ætlaðu teir sær ein stórsigur. Sum skilst verður Martin Poulsen aftur á liðnum til komandi dyst, toppuppgerðina í Vestmanna. Tepur klaksvíkssigur Sigursvanda klaksvíksliðið hevur fingið eina minni góða byrjan uppá kappingarárið. Fyrst taptu teir fyri egnum b-liði og við Heina Olsen á liðnum sunnudagin megnaðu teir einans at vinna tepran sigur á kollfirðingum. Úr Klaksvík frættist at Heini hevði møguleikar at vinna á Hans Kristiani Simonsen, men úrslitið gjørdist javnleikur. Ólavur Simonsen kom illa frá byrjanarspælinum og hesum gjørdi Torbjørn Thomsen sær sanniliga dælt av og vann trygt. Klaksvíkingar vunnu aftaru borðini; Finnbjørn Vang á Bernhardi Thomsen og Tummas Martin Sólsker (fyrr Anthoniussen) á Hans Peturi Joensen. Eitt heldur skuffandi úrslit hjá klaksvíkingum, sum kortini kunnu fegnast um at hava vaskað ringastu plettarnar av sær eftir lítlu eyðmjúkingini seinasta vikuskiftið. Rani Baldurson - Samson Højgaard 1. deild ( VT-KTF 2), 13.11.2005 Vit leita okkum fram til støðuna eftir leik 52. Kh4 hjá Rana Baldursson: Støðumynd eftir 52.Kh4 52…g5+! (Samson vónar at Rani fer í felluna) 53.fxg5? (Kh5 vinnur) hxg5+ 54.Kxg5 (Kh5 hjálpir heldur ikki uppá støðuna) DIAGRAM2 Støðumynd eftir 54.Kxg5 54…Fg6+! (Líkamikið hvør brikkur tekur frúnna, verður patt. Ein óvanlig og flott støða) 55.Fxg6 patt og remis Úrslit og støður 1. deild 2. umfar Havnin-Hvalvík 2,5-1,5 Olaf Berg-Haldur Suni Johansen 1-0 Helgi D. Ziska-Finnbjørn Zachariassen 1-0 Bogi Ziska-Martin Breká 0-1 Andrias Ziska-Sámal Christiansen 0,5-0,5 Vestmanna-Klaksvík2 3-1 John Rødgaard - Rani Nolsøe 1-0 Carl Eli N. Samuelsen - Steintór Rasmussen 0,5-0,5 Samson Højgaard - Rani Baldursson 0,5-0,5 Sjúrður Thorsteinsson - Rógvi Dragaberg 1-0 Klaksvík1-Kollafjørður 2,5-1,5 Heini Olsen - Hans Kristian Simonsen 0,5-0,5 Ólavur Simonsen - Torbjørn Thomsen 0-1 Finnbjørn Vang - Karl Louis Johansen 1-0 Tummas Martin Sólsker - Hans Petur Joensen 1-0 Støðan 1 Havnin 5,5 2 Vestmanna 5,5 3 Klaksvík 2 4,0 4 Klaksvík 1 3,5 5 Hvalvík 3,0 6 Kollafjørður 2,5 Tvey topplið Helgi Dam Ziska er sera væl koyrandi í løtuni, og aftur hesa ferð fekk hann fulla úrtøku úr sínum talvi á øðrum borði hjá Havnar Talvfelag Talvið hesa vikuna Sosialurin Tíðindi Ítróttur Viðmerkingar Nøvn Skráir Tiltøk Sosialurin Lýsingar Bilar Veðrið