mikudagur 2. februar 2000síða 8

Edvard Joensen Tað blásti á Eiði um viku- skiftið. Høgættin lá so trá og helt øllum í sínum jarntaki, so tað ýldi millum húsini og gav endurljóð í loranmastr- ini, sum sendi sínar melan- kolsku tónar oman til teirra., sum vildu lurta. Men eisini aðrir, og meira skipaðir, tónar hoyrd- ust á Eiði. Tað vóru ungfólk úr Havnar Ungdómshornor- kestri, sum vóru á venjing- arlegu í Eiðis Skúla saman við venjaranum Kenneth Jones. Hesi fólkini hava tað til felags, at tey blása í mess- ingljóðføri og eru skipað í felag, sum hevur til enda- máls at fáa nýtt fólk í ver- andi hornorkestur. Ung lei›sla Tað situr ein ungur drongur við eini trombone í venjing- arhølinum. Hann vísir venj- arin okkum til, tá sagt verð- ur, at Yngd biður um eitt prát. Dávur Juul Magnussen er 14 ára gamal og formaður í Havnar Ungdómshornor- kestri. Hann sigur okkum, at nevndin er mannað við fýra limum. Umframt hann sjálvan eru Tróndur Herason úr Havn og Ragnar Djurhuus úr Kollafirði, sum báðir spæla í orkestrinum. Og so venjarin, Kenneth Jones, sum er walisari og musikskúlalærari í Føroy- um. Hann er kassameistari. Dávur greiðir frá, at Havnar Ungdómshornor- kestur hevur havt tvær slíkar venjingarlegur fyrr, og at tær hava eydnast væl. Hetta gevur líkasum eitt eyka skump til teirra, sum frammanundan hava hug at spæla, sigur hann. Og enda- málið er heilt greitt at hækka støðið hjá teimum, sum spæla, soleiðis at tey seinni nær sum helst kunnu sleppa upp í tey verandi hornor- kestrini í landinum. Sjálvur spælir Dávur í Havnar Hornorkestri. Og tað hóast tað bert eru eini tvey ár, síðan hann byrjaði at spæla. Teir eru tríggir úr Ungdómsorkestrinum, sum spæla í Havnar Hornorkest- ri, sigur hann. Dávur greiður frá, at hesi sonevndu messingvikuskift- ini eru fyrst og fremst venj- ingarlegur, sum enda við eini konsert. Men tað er eis- ini nakað sosialt í einum slíkum tiltaki, sigur hann. Fólk hugna sær og takast við ymiskt annað enn bara tón- leik. Til dømis vóru tey og svumu í Felagsskúlanum á Oyrarbakka leygardagin. Blanda›ur skari Hóast tað er Havnar Ung- dómshornorkestur, sum stendur fyri tiltakinum, eru eisini bygdarfólk við. Hesa- ferð varð tiltakið hildið á Eiði, tí onkrir blásarar úr musikskúlanum har skulu við á konsertferðina til Noregs í summar. Tað kemst av, sigur Dávur, at Ken, sum hann nevnir læraran, eisini er musikskúlalærari á Eiði og haðani kennir onkrar spælarar. Tað krevur fígging, tá farast skal út at ferðast. Og vanligt er, at “hatturin fer runt”, tá ymiskt tiltøk eru, sigur Dávur. Til dømis hava tey onkuntíð selt lutaseðlar undir konsertum. Og tey hava havt tiltøk, har stuðlar kundu binda seg til at gjalda eitt ávíst krónutal fyri hvønn tíma, tónleikararnir spældu. Dávur sigur, at tað til- takið gav eitt sindur av pengum. Og tann, sum spældi longst ta ferðina, spældi í fimm tímar. Men hann væntar ikki, at tað veð- ur gjørt aftur fyribils. Dávur Juul Magnussen, formaður í Havnar Ung- dómshornorkestri, sigur, at tey í løtuni eru 18 fólk í orkestrinum. Tá eru eiðis- fólkini tald við, sigur hann. Og talan er, sum sagt, bert um messingblásarar. Dávur greiðir frá, at messingljóð- føri eru tey, sum verða nýtt í teimum traditionellu horn- orkestrunum. Har verða saxofonir ikki roknaðar við, sigur hann frá. Og hann met- ir, at tað krevur eina nærri frágreiðing, hví so er. Nógv fólk halda, sigur Dávur, at saxofonin er mess- ingljóðføri, tí hon er gjørd av sama tilfari sum hornini. Men so er kortini ikki, Hon verður flokkað saman við træblásarunum sum til dømis klarinettunum. Saxo- fonin hevur nevniliga blað, meðan hornini hava mess- ingmundstykki. Saxofonin hevur eisini fleiri ventilar, enn hornini hava. Hon líkist klarinettini. Sera einfalt og lætt at skilja, tá kunnleikin greiðir frá. Sjálvur ætlaði Dávur sær at spæla saxofon. Men hann fløktist eisini í hugtøkunum og teknaði seg til mess- ingblásararnar hjá Musik- skúlanum. Men honum dámar væl at spæla trom- bone, sigur hann. Um-framt spælir hann klaver. Men hann væntar ikki, at hansara framtíð fer at liggja í at vera tónkeikalærari. Hurðin fer upp, og onkur rópar inn í skúlastovuna, vit sita í, at nú byrja tey at venja. Dávur reisist, fer inn í eina aðra stovu og setist við trom- bonini. Tær svingandi sam- barútmurnar, sum fylla skúl- an á Eiði hendan illfýsna, sinasta leygardagin í januar, køva heilt stormduni fyri uttan og leiða hugin til lýggjari umhvørvi, har dansur og spæl eru stórur partur av lívinum hjá fólki. Blástur norðaneftir Blástur norðaneftir Umleið 20 ungfólk hittust á Eiði til messingvikuskifti. Tey ætla sær til Noregs á konsertferð í summar