týsdagur 15. november 2005síða 13

Nr. 219 - 15. november 2005 13 Tøkk Hjartaliga takka vit øllum, ið sýndu samkenslu, tá kæri pápi, verpápi, abbi og langabbi okkara Edvin Olsen Vestmanna andaðist og varð jarðaður. Vit takka Ingu Dam, presti, Agnari Nielsen , kirkjutænara, sangarum, gravara og tykkum, sum við sangi, tóku ímóti okkum í kirkjuni. Takk fyri blómur, kransar og gávur til eldrasambýli. Takk øll tit sum fylgdu honum til gravar. Somuleiðis takka vit heimahjálparunum, sjúkrasystrunum og starvsfólkunum á eldrasambýlinum fyri góða hjálp og umsorgan. Hanna, Leivur, Lisbjørg og Brynhild NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Andlát og jarðarferðir Hans Jacob Poulsen, Tórshavn, andaðist á Pleygudeildini 14. november, 83 ára gamal. Farið verður úr kapellinum á Landssjúkrahúsinum mikukvøldið klokkan 18. Jarðarferðin verður úr Kirkjugarðskapellinum hósdagin klokkan 13. Sungið verður úr sálmabókini. Tey, ið vilja Hans Jacob kunnu lata eina gávu til Pleygudeildina. Konto Føroya Banka. Isabella Hansen, Toftir, fer til gravar úr Nebo hósdagin 17. november klokkan 13. Tey, ið vilja Isa-bellu, kunnu lata eina peningagávu til Ne-bo. Konto í Føroya Sparikassa. Hanna Hansen í Kálvalíð, í Mið-vági andaðist á Lands-sjúkrahúsinum mána-náttina, 67 ára gomul. Jarðarferðin verður lýst seinni. Ingibjørg Johannesen, Tórshavn andaðist á Landssjúkrahúsinum sunnudagin 81 ára gomul. Kistan fer úr Kapellinum á Landssjúkrahúsinum týskvøldið klokkan 18.30 Jarðarferðin verður úr Ebenezer mikudagin klokkan 13. Tey ið ynskja at minnast Ingibjørg, kunnu lata eina gávu til Zarepta Sanna Hvidbro, Klaksvík, ættað av Sandi, andaðist á Norðoya Røktarheimi leygardagin 12. november, 82 ára gomul. Farið verður úr kapellinum týsdagin klokkan 18 heim í Kristianskirkjuna. Jarðarferðin verður úr Kristianskirkjuni mikudagin klokkan 13. Tey, ið vilja minnast Sannu kunnu lata Norðoya Røktarheimi eina gávu. Konta í Norðoya Sparikassa. Henry Klein, Oyndar- fjørður, fer til gravar úr Oyndarfjarðar kirkju mikudagin klokkan 14. Tey, ið vilja minnast Henry, kunnu lata Oyndarfjarðar kirkju eina peningagávu. Sungið verður úr sálmabókini Petur Juul Isaksen, Klaksvík, andaðist mánadagin 14. november, 72 ára gamal. Kistan fer úr kap- ellinum á Klaksvíkar Sjúkrahúsi heim í Christianskirkjuni mikukvøldið klokkan 19. Jarðarferðin verður úr Christianskirkjuni hósdagin klokkan 13. Sofus Andreasen, ættaður av Strondum, andaðist á Landssjúkrahúsinum leygardagin 12. november, 65 ára gamal. Jarðarferðin verður kunngjørd seinni. Hans David Petersen av Viðareiði, sonur Elsupu og Petur Petersen, andaðist leygardagin 12. november, 23 ára gamal. Andlát og jarðarferðir Kunngjørt verður fyri ætt, vinum og kenningum at okkara elskaða mamma, omma og langomma Isabella Hansen Toftir andaðist 12. november í sambýlinum Vesturskin, 89 ára gomul. Jarðarferðin verður úr Nebo hósdagin 17. november kl. 13.00. Familjunnar vegna Børnini Mikudagin 16. november fyllir Alma Petersen í Havn 60 ár. Alma er upprunaliga úr Heiðunum, hon kom sum 6 ára gomul til Havnar og gekk í barnaskúla hjá Nonnunum. Hesa tíðina var hon nógv í Skálbúðini, har omma henn- ara, Jenny, búði. Liðug við skúlan búði hon eitt skifti aftur í Heiðunum, men síðan 1962 hevur hon búð fast í Havn. Hon arbeiddi eina tíð á bakarínum hjá Conrad Skaale, ið hevði tveir handlar tá, ein í J.C. Svabosgøtu, har sum bakaríið var, og ein á Abbatrøð, har sum Sjónvarpið er í dag. Seinni sat hon við vekslaran á Landssjúkrahúsinum. Alma er elst av teimum fimm børnunum hjá Nansy, f. Danielsen, og Hans David Heinesen. Hini systkini eru: Karolina, Hanus, Olga og Debus. Alma giftist í 1965 við Frank Petersen úr Kaldbak. Tey bygdu hús í Havn og fingu tveir synir, Jan og Ing- vard. Jan er timburmaður og býr á Argjum, og Ingvard er trúboðari í Venezuela. Meðan dreingirnir vóru smáir, arbeiddi Alma heima. Síðan fekk hon starv sum skrivstovukvinna hjá Føroya Brunatrygging, har hon arbeiddi í mong ár. Síðan miðskeiðis í 90- unum hevur Alma selt hús og aðrar ognir. Hon arbeiðir nevniliga hjá Húsamekling á Vaglinum. Alma er ógvuliga familju- kær, hon eigur 6 ommubørn, og hon gongur høgt upp í famlijuna sum heild. Hon er ikki so nógv fyri at ferðast, men í fjør vóru hon og Frank í Venezuela og vitjaðu sonin Ingvard og familjuna har. Hon bjóðar seg ofta fram til at hjálpa í ymiskum sam- anhangum, eitt nú til tiltøk í Ebenezer og aðrastaðni. Alma Petersen 60 ár Automatiska telefonsam- bandið millum Føroyar og útheimin varð alment tikið í brúk 12. november 1975. Í tí sambandi var aðalstjórin í danska Post- og Telegrafverkinum Poul Hansen komin til Føroya. Í mekanikhøllini á Tele- fonstøðini var automatiska uttanlanda telefonsambandið alment opnað við at Finnbogi Ísakson, landsstýrismaður, og Poul Hansen, aðalstjóri, togaðu í hvør sín snór (snór- urin var í føroysku litu- num: reytt, blátt og hvítt). Samstundis varð gamla telefonsambandið slitið. Fyri 30 árum síðan: Automatiska telefonsambandið kom í 1975 Myndin sýnir, tá Finnbogi Ísakson roynir nýggja sam­bandið og tosar í telefonini við starvsbróður sín, danska ráðharran Niels Mathiassen. Dagurin í morgin 16. november. Otenius. Skrivað skeivt fyri hin halga Otmarus, sum var abbati í kleystrinum St. Gallen í Sveis og doyði í 759.