mikudagur 16. november 2005síða 16

16 Nr. 220 - 16. november 2005 Nógvir bileigarar og bilførarar hava funnist at, at landsstýrið ætlar at hækka vegskattin við eini helvt. Fleiri halda, at tað hevði verið rættari at lagt avgjaldið á brennievni ístaðin, tí so hækkaðu útreiðslirnar hjá bil­ eigarunum í samsvari við nýtsluna av bil­in­um Vegskattur Terji Nielsen terji@sosialurin.fo Í uppskotinum fyri løg­tings­ fígg jarlóg fyri komandi ár legg ur landsstýrismaðurin í fígg jarmálum, Bárður Nielsen, upp til, at veg­ skatturin hækkar við um­leið eini helvt. Hetta fer at geva landskassanum eina meirinntøku upp á okkurt um 25 milliónir krónur. Henda hækking rakar øll, ið eiga bil, og tað verður ikki tikið hædd fyri, um tú koyrir 10.000 ella 50.000 kilometrar árliga. Brennievnið kann ístaðin hækka eina krónu Í ár verður mett, at lands­kass­ in fær umleið 52 milliónir inn í vegskatti, meðan fígg jarlógaruppskotið fyri komandi ár sigur ein inntøku upp á 77 milliónir. Um henda meirinntøka hjá landskassanum heldur varð fingin inn við at legg ja hægri avgjald á brennievni, hevði tað merkt eina príshækkan upp á umleið 96 oyru fyri liturin. Hetta hevði havt við sær, at útreiðslurnar hjá bil­ eigarunum høvdu hækkað í mun til, hvussu nógv bilurin verður nýttur. Sum tað sæst á døminum aðrastaðnis á síðuni, eru tað tey, ið hava langan veg til og frá arbeiði, sum kunnu fegnast um, at landsstýrið hevur valt at legg ja størri avgjald á vegskattin heldur enn á brennievni. Tey fáa somu hækkan sum allir aðrir bilførarar. Hjá teimum, ið ikki nýta bilin nógv, hevði tað loyst seg betur, um avgjaldið var lagt á brennievnið ístaðin. Eingin sparing í umsiting Í sambandi við kjakið um hækkaðan vegskatt í mun til hægri avgjald á brennievni, hevur tað verið ført fram, at tað kanska hevði verið eitt hugskot at strika alt tað, sum eitur vegskattur, og ístaðin fingið allan tann peningin inn umvegis brennievnið. Um so var, hevði tað merkt ein hækking í brenni­ evnisprísinum upp á nærum trígg jar krónur fyri liturin, og tað hevði neyvan fallið í góða jørð hjá bileigarunum. Tað er Akstovan, ið um­situr alt tað, ið hevur við vegskatt at gera, men um vegskatturin var strikaður, hevði hetta ikki merkt nakað sum helst sparing í umsiting, sigur Hans Jacob Stenberg, deildarleiðari á Akstovuni. Hann sigur, at tað bert er eitt hálvt starv, ið burtur av tekur sær av vegskatti, so í tí stóru heildarmyndini ger tað ongan mun. Landsstýrismaðurin í fígg j­ ar­málum, Bárður Nielsen, hevur ikki tær stóru við­ merkingarnar, tá ið hann verður spurdur, um tað ikki hevði verið meiri rættvíst at útvega sær meirinntøkur umvegis brennievni heldur enn vegskattin. Fleiri røddir hava borið fram, at bilar, sum koyra meiri enn aðrir, dálka meira og slíta vegirnir í størri mun enn aðrir, og tí eiga hesir eisini at gjalda meira. Tí halda fleiri, at tað hevði verið meiri demokratiskt at lagt hægri avgjald á brenni­ evni heldur enn at hækka vegskattin. - Vit hava viðgjørt málið í samgonguni, men undirtøka var ikki fyri tí. Tað er ein samgonguavtala, at øktu inn­tøkurnar skulu fáast inn umvegis vegskattin, og meiri fái eg ikki sagt, sigur Bárður Nielsen í stuttari við­ merking. tn Hækkaðan vegskatt ella dýrari brennievni Nógv halda tað verða skeivt at hækka vegskattin so markant, ístaðin fyri at hækka avgjaldið á brennievni. Um brennievnisavgjaldið var hækkað ístaðin, hevði tað merkt, at tey, ið koyra langt og harvið dálka meira og slíta vegirnar meira, lutfalsliga skuldu gjalda meira. Bárður Nielsen, landsstýrismaður: - Ein samgonguavtala Bárður Nielsen sigur, at tað er ein samgonguavtala, at veg­ skatturin verður hækkaður. Hann sigur eisini, at samgongan ikki vildi, at meirinntøkurnar heldur fingust til vega við at hækka avgjaldið á brennievni. Mynd: Jens Kr. Vang Um vit samanbera eini eldri hjún í Havn við ein bileigara á Skálafjørðinum, sum hevur sítt dagliga yrki í høvuðsstaðnum, ið hava sama slag bil. Útrokningin er gjørd við útgangsstøði í, at talan er um ein meðal bensinbil, og at bensinprísurin er tann, sum hann er í løtuni. Eldri hjún í Havn: Koyra árliga: 10.000 kilometrar Vegskattur 2005: Vegskattur 2006: 3.450 krónur Øktur vegskattur: 1.150 krónur Avgjald á brennievni ístaðin: 835 krónur meira um árið Bileigari á Skálafjørðinum, ið til dagligt arbeiðir í høvuðsstaðnum: Koyrir árliga: 40.000 kilometrar Vegskattur 2005: 2.300 krónur Vegskattur 2006: 3.450 krónur Øktur vegskattur: 1.150 krónur Avgjald á brennievni ístaðin: 2.650 krónur meira um árið Bilførarin, ið dagligt ferðast millum Havn­ ina og Skálafjørðin, fær eitt ferðaískoyti frá landinum upp á umleið 10.000 krónur árliga. Bíligari hjá teimum ið ferðast langt Um avgjaldið á brennievni hækkaði ístaðin fyri vegskattin, hevði tað verið til gagns fyri tey, ið koyra stutt, meðan tey, ið koyra nógv, høvdu havt fingið væl størri útreiðslur. savnsmynd