hósdagur 17. november 2005síða 11

Nr. 221 - 17. november 2005 11 Norðoya Sparikassi bjóðar nú eisini kapitalpensjón saman við lívs- og avlamnistrygging Pensjón/Trygging Týsdagin 15. november skriv­aðu Norðoya Sparikassi og Føroya Lívstrygging undir samstarvsavtalu, sum gevur Norðoya Sparikassa rætt til at selja lívs- og av­lamnistryggingar frá Føroya Lívstrygging saman við kapitalpensjónini hjá sparikassanum. Fyri kundan merkir hetta eitt nú, at bæði kap­italpensjónin og tryggingarviðurskiftini verða avgreidd í sparikassanum - alt á einum stað. Norðoya Sparikassi sigur við hesum, at tey eru fyrsti føroyski peningastovnurin, sum bjóðar eina heildarloysn, har bæði kapitalpensjón, lívs- og avlamnistrygging eru innbygd. Hetta er tó ikki fyrstu ferð, sparikassin tengir egin tilboð saman við góðum tryggingartilboðum, tí frammanundan bjóðar Norðoya Sparikassi Bú­­ stað­arlánstryggingina og Viðskiftalívstryggingina. ave Nýtt pensjóns- og tryggingartilboð frá Norðoya Sparikassa Tummas Eliasen, stjóri í Føroya Lívstrygging, Marner Mortensen, varastjóri í Norðoya Sparikassa, Eyðun Nolsøe, starvsfólkaleiðari í Norðoya Sparikassi, og Bartal Kass, fyrisitingarleiðari í Føroya Lívstrygging Bókadeildin hev­ur júst givið út fýra nýggjar bøkur til yngru lesararnar. Her er alt frá ljósareyðum prinsessudreymum og gomlu søguna um Pinocchio til nýggj ævintýr í besta J. K. Rowling stíli BÓKAÚTGÁVA Lucy Cousins: Tað er stutt­ ligari saman við Malju Um músina Malju, sum hevur nógvar vinir. Tey stutt­ leika sær saman við Malju og súkkla, dansa spæla og baka. Hetta er litrík bók við klaffum, sum er prentað á hart papp og er ætlað teimum 0-2 ára gomlu. Niels Jákup Thomsen týddi úr enskum. Amanda Eriksson: Mítt ljósareyða lív Ein myndabók um eina lítla gentu sum ein dagin sær ein ljósareyðan bil og tí fer at droyma um eitt ljósareytt lív, og at dreymar kunnu gerast veruleiki, tað syrgir abbi hennara fyri. Tey fara undir verkætlanina Ljósareytt. Eingin ivi man vera um, at hetta er bók, sum fer at falla í góða jørð hjá gentum, sum ganga við prinsessudreymum. Amanda Eriksson hevur bæði skrivað søguna og gjørt myndirnar. Marna Jacobsen týddi úr svenskum. Bókin er 24 bls. og er til tey 3-6 ára gomlu. Carlo Collodi: Ævintýrið um Pinocchio Um sprellimannin, sum fær langa nøs, tí hann er ólýðin. Hetta er triðju ferð, at bókin kemur út á føroyskum, men hesa ferð í sera vakrari útgávu við myndum og vignettum, sum navnframi Roberto Innocenti hevur gjørt. Bókin er eitt samprent, har amerikanska forlagið Creative Company hevur staðið fyri sniðgevingini. Umframt ta klassisku søg­una um Pinocchio eru myndirnar sum rein listaverk á at líta. Hóast bókin er ætlað børnum í skúlaaldri, er als einki, sum forðar einum vaksnum at ogna sær hesa skreytútgávuna. Stig G.Rasmussen týddi. Bókin er 192 bls. Cornelia Funke: Tjóvanna harri Um børn sum ongan góð­ an eiga. Søgan fer fram í italska býnum Venesia; tað er vetur og bítandi kalt og børnini, sum hava skýli í einum gomlum films­hølum, noyðast at lívbjarga sær á ymsan ikki altíð ló­g­ligan hátt. Í grundini er søgan eisini um børn, sum hava onkran góðan, sum kanska ikki eru so góð við tey allíkavæl. Í Týsklandi verður rit­ høvundurin kallað tann týska Rowling. Sagt verð­ur eisini, at hetta er meistaraverk, fult á hædd við skaldskapin hjá Michael Ende. Bókin er ætlað unga lesaranum. Hon er 375 bls.við svørt/hvít­um tekn­ ingum, sum rit­høv­und­urin sjálv hevur teknað. Símun av Skarði týddi úr týskum Nýtt frá Bókadeildini Næstu dagarnir fara 117 næmingar í føroysku musikk­ skúlaskipanini til roynd í ljóðførisspæli MUSIKKSKÚLI Næmingarnir fáa eina meting í orðum og tølum um teirra framførslu og um teirra førleikar. Royndin fevnir um nøkur tónleikastykki, men eisini um at spæla tóna­stigar uttanat, spæla frá blaðnum, syngja uttanat og frá nótblaði, at klappa rytmur, lurta og at greina. Tónleikararnir fáa prógv, tá teir hava staðið royndina. Tað eru átta stig, og oman á hesi átta, eru trý stig samsvarandi krøvum á hægri útbúgvingum. Byrj­arar kunnu fara til roynd og fáa eitt skrivligt úttalilsi beinanvegin, við ongum tølum, sigur Martin Mouritsen, musikkskúlastjóri. Tað er enski metingar­ stovninum Associated Board of The Royal Schools of Music, ið kemur higar. Stovnurin hevur meira enn hundrað ár á baki og dømir um tónleikaavrik hjá næmingum um allan heim. Sami próvdómari kemur ongantíð aftur á sama stað at døma. Hetta er fyri at tryggja, at próvdómarin er gegnigur. Royndirnar byrja týs­dag­ in 22. november og halda fram til leygardagin 26. november. Føroysku mus­ ikkskúlanæmingarnir fáa undirvísing runt alt landið, og tey, ið fara til roynd hesaferð, spæla á tvørfloytu, blokkfloytu, klarinett, altsaxofon, tenorsaxofon, gittar, klaver, kirkjuorgul, violin, cello, slagverk, trumm­ur, sang, trompet, cornet, waldhorn, baritone, euphonium og trombone. Føroyskur tulkur er til staðar. Próvdómari er Anthony Froggatt, ið er útbúgvin pian­istur, urguleikari og slagverksleikari, kom­pon­ istur og kórleiðari. Næmingar í Musikkskúlaskipanini til royndir í ljóðførisspæli Fyrilestur um motión Týskvøldið 22. november kl. 19.30 heldur Hedvig Matras fyrilestur á Klaksvíkar bókasavni um rørslu. Hedvig Matras arbeiðir sum fysioterapeutur á Klaksvíkar sjúkrahúsi og hevur verið á skeiðum um týdningin av at røra seg. Í fyrilestrinum fer hon at tosa um, hví tað er neyðugt at røra seg, hvørjar ágóðar tað gevur, umframt at hon gevur vegleiðing í gagnligum rørslum og venjingum. Aftaná fyrilesturin verður høvi at seta spurningar. Eisini verður kaffi og køkur at fáa. ave