hósdagur 17. november 2005síða 20

20 Nr. 221 - 17. november 2005 Nr. 221 • hósdagur • 17. november 2005 • 79. árgangur • www.sosialurin.fo Billard Tíðindaskriv Leygardagin varð fin­ alu­umfarið í 25 ára jubileumskappingini hjá Billardsambandi Før­oya spælt í Havn. Úrslitið gjørdist, at Høgni Højgaard úr Havnar Klubba vann kappingina. Nr. 2 varð Njál Petersen úr Klaksvíkar Billardfelag og nr. 3 Max Rasmussen úr Tvøroyrar Billardfelag. Kappingin varð skipað sum handicapkapping. Undan finaluu mfarinum hevði verið kvali­fiser­ings­kapping í fýra av billardfeløgunum kring landið. Høgni Højgaard vann jubileumskapping Billard Tíðindaskriv Ikki bert í 1. deild hevur Kaggin havt eydnuna við sær. Eftir at Kaggin í 1. deild vann 18-0 á Havnar Klubba herfyri, endurtók 2. deildarliðið hjá Kagganum sama sigur móti Tvøroyrar Billardfelag við at vinna 18-0. Heimir Ottoson var bestur við 12,80 eygum í meðal, meðan Jens Pauli Petersen eisini frá Kagganum gjørdist næstbestur við 11,40 eygum í meðal. Triði maður á Kaggaliðnum var Fríðbjartur Reinert við 8,53 eygum í meðal. Teir, ið mannaðu liðið hjá Tvøroyrar Billardfelag, vóru Rókur Dimon, Páll Heri Nolsøe og Jan Egil Johannesen. Bestur av teimum var Páll við 8 eygum í meðal. Jens Pauli hevði besta umfarið, 124 eygu. Støðan í 2. deild: 1 Havnar Klubbi 32 stig 2 Billardfelag Kaggans 26 stig 3 Vágs Billardfelag 20 stig 4 Klaksvíkar Billardfelag 8 stig 5 Tvøroyrar Billardfelag 4 stig Billard Tíðindaskriv 1. deildarliðið hjá Kagg­ anum tók nú um dagarnar føroyameistaraliðið úr Havnar Klubba á bóli og vann rætt og slætt tað ein kann kalla kanónsigur. Kagg­in vann ikki minni enn 18-0 á liðnum hjá Havn­ ar Klubba, sum vann FM heitið seinasta kappingarár. Manningin á Kaggaliðnum var Bjarni Skaalum, Jan Müller og Steinbjørn í Dali. Klubbaliðið var mannað við Henrik Pedersen, Niels Nielsen og Carsten Hansen. Einki vildi hjá Klubba­ monnum á borðinum hjá Kagganum. Henrik, sum fyri stuttum vann Haldor Holm Cup, fekk ongantíð spælið at koyra, tó at hann tapti tepurt tveir av dystunum. Bjarni Skaalum var bestur við 24,57 eygum í meðal, meðan Jan Muller gjørdist næstbestur við 22,20 eyg­ um í meðal. Kaggin endaði við tilsamans 21,28 eygum í meðal, meðan Havnar Klubbi hevði 17,30 eygu. Henrik hevði besta umfarið uppá 128 eygu. Tað er greitt, at við hes­um sigrinum hevur Kaggin fingið eina sera góða byrjan, men tað eru tilsamans seks umfør í kappingini, so nógv kann henda. Kaggin kanónsigur móti Klubba Kaggin 2. deild ruddaði borðið Høgni Højgaard vann um vikuskiftið stóru jubileumskappingina hjá Billardsambandinum Mikukvøldið vórðu seinastu nøvnini funnin á fótbóltstjóðum, sum fara at vera við í lutakastinum í Leipzig fríggjadagin 9. desember. Millum tey 32 londini eru seks, sum ongan tíð áður hava roynt seg í HM- endaspælinum HM-endaspælið Jóannes Hansen/Jákup Mørk Fríggjadagin 9. desember fer lutakast at vera í Leip­ zig í Týsklandi um, hvussu teir 32 luttakararnir í HM endaspælinum næsta summar skulu setast saman í átta innleiðandi bólkar. Tá fer eisini at verða greitt, hvat mótstøðuliðið fer at verða hjá týsku vertunum í fyrsta dystinum, sum er settur at vera 9. juni. Finalan verður í Berlin 9. juli. Mikukvøldið varð navn sett á síðstu luttakararnar. Undan undankappingini var tað greitt, at Týskland fór at luttaka. Týskland verður við, tí týskarar fara at hýsa endaspælinum. Í øllum undanfarnu HM endaspølunum hevur heims­ meistarin frá undanfarnu kappingini verið sjálvskrivaður luttak­ari. Heimsmeistarin hevur ikki luttikið í und­ ankappingunum. Soleiðis hevur tað ikki verið hesa ferð. Men Brasilia, sum var best í endaspælinum, sum í 2002 var í Japan og Suðurkorea, hevur spælt seg í endaspælið í Týsklandi. Seks av teimum 32, sum fara at luttaka í HM endaspælinum í Týsklandi næsta summar, hava ikki áður verið við í endaspølum. Talan er um Ukreina, Trini­dad/Tobago, Togo, Fílabeinsstrondin, Angola og Ghana. Australia fer at taka lut fyri aðru ferð. Fyrra ferð­ in, at Australia royndi seg í HM endaspæli, var í 1974, tá ið kappingin var í Vesturtýsklandi. Sveis tapti - menn vann Sæð við føroyskum eygum var kanska serliga spennandi at vita, hvussu leikur fór, tá Sveis vitjaði í Turkalandi. Sveis, sum var í okkara undankappingarbólki, hevði enn til góðar at tapa dyst í undankappingini, og við einum 2-0 sigri á heimavølli skaptu teir sær eitt framúr útgangsstøði undan trupla dystinum í Istanbul. Og eftir bara einum min­ utti stóð uppaftur betur til hjá alpulandinum. Al­exander Frei, sum føroyska landsliðið neyvan gloymir í bræði, fekk mest sum alt fyri eitt møguleikan av brotsteigarblettinum, og hann var ósvikaliga tryggum úr ellivu metrum. Men turkar góvust tó ikki. Seinastu 89 minuttirnar gjørdist talan um eitt langt álop, og spenningurin gjørd­ ist eisini øgiligur. Eftir 52 minuttum hevði Turkaland vunnið seg upp á 3-1, og so skuldi bara eitt mál til, áðrenn teir vóru á odda. Sveis minkaði tó aftur um munin, men tá Sanli í seinasta minuttinum av vanligu leiktíðini økti til 4-2, gjørdist talan um eina seinastu desperatu roynd. Tveir minuttir vóru farnir av yvirtíðini, tá turkar fingu gyltan møguleika við frísparki úr 18 metrum, men skotið brast í manngarðin, og nærri enn tí sama komu turkar ikki. Teir vunnu dystin, men tað vóru spælararnir hjá Sveis, sum fegnaðust, tá dysturin var av. Aðrastaðni í Europa eydnaðist sum væntað Spania og Kekkia at koma víðari. Spania hevði trivaliga 5-1 leiðslu at dúva uppá, og tí var 1-1 á útivølli móti Slovakia ríkiligt hjá teimum. Kekkia vann í Noreg 1-0 leygardagin, og mikukvøldið var úrslitið aftur tað sama - hesa ferð við Rosicky sum málskjútta. Teir 32 luttakararnir, sum fríggjadagin 9. desember skulu flokkast í átta bólkar, eru hesir: Europa: Týskland (vertur), Ukreina, Holland, Ongland, Pólland, Kroatia, Italia, Portugal, Svøríki, Ser­ bia/Montenegro, Frakland, Sveis, Kekkia og Spania. Suðuramerika: Arg­ent­ ina, Brasilia, Ecuador og Para­guay. Asia: Japan, Saudi-Arabia, Iran og Suðurkorea. Norður- og Millum­am­er­ ika: USA, Meksiko, Costa Rica og Trinidad/Tobago. Afrika: Angola, Togo, Fílabeinsstrondin, Ghana og Tunesia. Oceania: Australia. So er klárt til HM Sveis megna›i ta›! Hóast li›i› fyri fyrstu fer› í hesi HM-undankappingini mátti lúta, so var 4-2 tapi› í Istanbul akkurát nóg miki› hjá Sveis, sum vann fyrra dystin 2-0 Mynd: Reuters