fríggjadagur 18. november 2005síða 19

Nr. 222 - 18. november 2005 19 - Á Postverki Føroya er motivatiónin ógvu­liga vánalig í løtuni. Tað er mis­ stemningur, og trivn­aðurin liggur á einum lágum støði. Vit hava havt eina akkordskipan øll árini, sum hevur virk­ að væl, men nú kenna vit tað, sum um vit verða dupultkekkaði, sigur Sunleiv Høj­ gaard, formaður í Før­ oya Postfelag Postverkið Vilmund Jacobsen vilmund@sosialurin.fo Í eina tíð hava tey, sum starv­ast á Frímerkjadeildini hjá Postverki Føroya, verið noydd at stempla, og seinni eru so stempulklokkur eisini komnar á høvuðsdeildini á Óðinshædd. Hetta hevur eingin havt nakað ímóti. Postboðini, sum arbeiða út frá Óðinshædd, hava verið undantikin hesi skipan, men frá 1. november er eisini álagt teimum at stempla. Hóast leiðslan sigur, at post­ boðini ikki verða avroknaði eftir klokkuni, er nýggja skip­anin ikki fallin í góða jørð hjá limunum í Føroya Postfelag. Eitt haft Sunleiv Højgaard, sum er postmaður í Saltangará og formaður í Føroya Postfelag, sigur, at postboðini kenna stemplingina sum eitt haft um beinini. - Vit hava havt eina ak­kord­ skipan í mong, mong ár, og hendan skipan hevur virkað væl. Hann sigur, at akkord­skip­ anin hevur verið galdandi heilt aftur um tíðina, tá ið Postverk Føroya varð yvir­ tikið. - Akkordskipanin hevur verið ein gularót, har postfólk í stóran mun hava kunnað lagt sær arbeiðsdagin til rætt­ is. Tey hava eitt nú brúkt tíð at skilja postin kvøldið fyri og eru soleiðis sloppin fyrr út fyrr um morgunin. Hetta hevur samstundis gjørt, at tey, sum fáa postin, hava fingið hann fyrr um dagin. Sunleiv sigur, at akkord­ skip­anin hevur verið prakti­ serað soleiðis, at hon gongur yvir eina longri tíð - og við uppteljing yvir eina longri tíð. Á henda hátt hevur bor­ið til at roknað út, um arbeiðsdagurin hjá einum post­boði er passaligur, ov langur ella ov stuttur – og um hús skulu leggjast aftrat ella takast burtur av. Mistrivnaður Hann vísir á, at hóast leiðsl­ an sigur, at postboðini ikki verða avroknað eftir klokk­ uni, hevur nýggja skipanin ført við sær, at motivatiónin er ógvuliga vánalig í løt­ uni. - Skipanin, har tú verður dupultkekkaður, hevur skapt misstemning, og trivnaðurin liggur á einum lágum støði. Sunleiv sigur, at Postfelag Føroya hevur kannað eftir, um leiðslan hevur rætt til at seta hesa skipan í verk. - Vit hava skilt, at tað hev­ ur hon, men eg haldi ikki, at leiðslan hevur tikið hædd fyri tí misstemningi og mis­ trivnaði, sum hetta hevur skapt millum limir okkara. Hann leggur aftrat, at post­ boðini hava havt eina skipan øll hesi ár, sum hev­ur virkað væl, men nú kenna tey tað, sum verða tey dupultkekkaði í sínum arbeiði. Sáttmálin Tað eru ikki bara postboðini, sum eru limir í Føroya Post­ felag, men postfólk sum heild, og Sunleiv leggur ikki fingrarnar ímillum, tá ið hann sigur, at trivnaðurin á Postverki Føroya sum heild er ógvuliga vánaligur í løtuni. - Líkt er til, at leiðslan gong­ur sáttmálanum ov nær á fleiri økjum, og hetta hevur elvt til, at trivnaðurin á postverkinum sum heild er ómetaliga vánaligur í løtuni, sigur formaðurin í Føroya Postfelag. Hann vísir, at arbeiðs­hug­ urin rættiliga hevur verið dal­ andi seinastu tíðina. - Tað eru fleiri orsøkir til hetta, men høvuðsorsøkin er, halda vit, at leiðslan gong­ur sáttmálanum ov nær – og alt ov ofta hevur hug at leypa sáttmálan um, sigur Sun­ leiv. Harmast Hann sigur, at leiðslan hev­ur lovað bata, soleiðis at trivn­ aður aftur kann fáast innan dyrnar á postverkinum, men hann fýlist á, at alt ov lítið ber á tað borðið. - Vit halda heilt avgjørt, at nýggja skipanin, sum varð sett í verk 1. november, ger meira skaða enn gagn fyri stovnin, sigur Sunleiv Høj­ gaard, sum annars harmast um gongdina og mistrivnaðin sum heild á sínum egna ar­beiðs­plássi. Sunleiv Højgaard, formaður í Føroya Postfelag: Trivnaðurin er ómetaliga vánaligur um alt postverkið - Vit halda heilt avgjørt, at nýggja skipanin, sum varð sett í verk 1. november, ger meira skaða enn gagn fyri stovnin, sigur Sunleiv Højgaard, formaður í Føroya Postfelag, sum annars harmast um gongdina og mistrivnaðin sum heild á sínum egna arbeiðsplássi Mynd: Vilmund Jacobsen - Vil vilja hava at vita, nær fólk eru í tænastu, og vit vilja eisini hava at vita, nær tænasta verður veitt okkara viðskiftafólkum, sigur Bergur í Garði, postverksstjóri Postverkið Vilmund Jacobsen vilmund@sosialurin.fo Stjórin á Postverki Før­ oya, Bergur í Garði, sig­ur, at starvsfólk á Frí­merkja­ deildini hava stemplað í nøkur ár, og tá ið partur umsitingini og giro-virkseminum varð flutt á Óðinshædd, var tað nattúrligt, at hesi fólk hildu fram við somu skipan. - Síðan eru øll tey, sum vit rópa tey vanligu skriv­ stovufólkini, komin undir somu skipan, og nú at enda eisini postboðini og tey, sum eitt nú fáast við at skilja post. Tænastan Bergur í Garði vísir á, at hóast postboð nú eisini skulu stempla, er gamla ak­kordskipanin framvegis gald­andi. - Postboðini arbeiða undir eini akkordskipan, sum er ellligomul og ikki dagførd. Tey møta til arbeiðis, gera sín post lidnan og eru liðug tá ella tá. Stempul-skipanin ávirkar soleiðis ikki teirra arbeiði og løn. Postverksstjórin sigur, at tað, sum leiðslan vil við stemplingini, er, at øll skulu vera undir somu skipan. - Vil vilja hava at vita, nær fólk eru í tænastu, og vit vilja eisini hava at vita, nær tænasta verður veitt okkara viðskiftafólkum. Hann heldur, at hetta er ein náttúrligur partur av upp­ gávuni hjá stovninum. - Tað hevur týdning fyri Postverk Føroya, nú grund­ ar­lagið er broytt, at vit vita, nær vit veita okkara við­ skifta­fólkum tænastu. Bergur sigur, at stempul­ klokkan soleiðis einki hevur við lønarviðurskiftini hjá post­boðunum at gera, tí hesi arbeiða sum nevnt undir akkordskipanini. Hann ásannar, at hetta er ein skipan, sum eisini snýr seg um vunnin rættindi. - Nakað annað er so tað, at vit hava biðið um at fáa hesa skipan, sum gongur so nógv ár aftur í tíðina, dagførda. Avleiðingar Stjórin vísir á, at nú Postverk Føroya arbeiðir undir heilt øðrum fyritreytum – og leingi hevur verið undir polit­ iska luppinum, er neyðugt, at leiðslan hevur fingurin á ”pulsinum”. Spurdur, um hann skilir, at trivnaðurin á Postverki Føroya, soleiðis sum for­mað­ urin í Postfelag Føroya sipar til, er vánaligur, sigur Bergur í Garði: - Jú, eg skilji væl, at tann ótryggleiki, sum hevur vald­­að um postverkið í so langa tíð, hevur havt sínar av­leiðingar – bæði fyri starvs­fólk og leiðslu. Tað er altíð keðiligt, tá ið ting leingi liggja í ógreiðu. Bergur í Garði vísir á, at Postverk Føroya leingi hevur verið til viðgerðar á politiska leikpallinum. - Hetta hevur havt sín kostn­að, bæði fyri tey, sum arbeiða innan stovnin og tey, sum hava dagligu leiðsl­ una á stovninum, sigur post­ verksstjórin. Ótryggleikin hevur havt sín kostnað - Eg skilji væl, at tann ótryggleiki, sum hevur valdað um postverkið í so langa tíð, hevur havt sínar avleiðingar – bæði fyri starvsfólk og leiðslu. Tað er altíð keðiligt, tá ið ting leingi liggja í ógreiðu, sigur Bergur í Garði, postverksstjóri