mánadagur 21. november 2005síða 23

Nr. 223 - 21. november 2005 23 Við nullloysnini í topp­dystinum í Vestmanna, og stórsigri til klaksvíkingar á koll­ firðingum, eru nú trý topplið í fremstu deildini Talv Carl Eli Nolsøe Samuelsen Oddadysturin í Vestmanna endaði 2-2. Eitt skiftið varð líkt til, at vestmenningar fóru at enda omaná, men veteranurin og føroya­meist­ arin frá 1983, Andrias Ziska, vann eitt gott talv á 4. borði ímóti Sjúrði Thorsteinssyni, og tryggjaði havnarmonnum ein kærkomnan javnleik. Javnt á ovaru borðunum Tað sást á byrjanarspælinum hjá Olaf Berg (avbýtis­vari­ anturin í fronskum), at hann var nøgdur við javnleik við hvíta fólkinum ímóti John Rødgaard. Okkara einasti altjóða meistari kýtti seg hann var mentur fyri at fáa okkurt lívligt burturúr jøvnu støðuni, men Olaf fekk rímiliga trygt hálað javnleikin heim við aftur til Havnar. Carl Eli N. Samuelsen og Helgi D. Ziska leiktu eitt áhugavert talv á 2. borði. Helgi telvdi sum vant konga­indiskt, men kom tíðliga at standa eitt sindur kroystur. Helgi bjóðaði javnt í einari støðu, har hann tó helt seg hava lítlan fyrimun. Carl Eli hugsaði í 25 minuttir um hann skuldi taka av til­ boðn­um ella ikki. Hann helt seg nevnliga eisini hava lítlan fyrimun. Eftir at hava sæð støðurnar hjá liðfeløgunum á hinum borðunum, tók Carl Eli av remistilboðnum. Nógv lív var í støðuni, men í liðkapping er ein eisini noyddur at hugsa um heildarmyndina. Skal ein satsa í liðkapping, tá støð­ur­ nar hjá liðfeløgunum síggja lovandi út? Ein spurn­ingur ringur at svara, serliga tá ein sjálvur situr í búnum talvi. Samson Højgaard vann sítt fyrsta talv í ár, tá hann sannførandi basti Jóh­an Gaard. Martin Poul­sen og Bogi Ziska vant­aðu á havnarliðnum, tí mannaðu Jóhan og Andri­­as aftaru borðini hjá havn­ar­ monn­um. Samson gjørdi sær dælt av heldur veika byrj­ anarspælinum hjá Jóhan, og hóast støðan eitt skiftið var fløkt, eydnaðist tað Samson á skilagóðan hátt at avvikla til eitt vunnið endatalv. Vestmenningar vóru sind­­ur skuffaðir beint eftir dystin. Teir mettu seg hava havt støður til 3-1. Um havn­ armenn eru samdir í hesum, sigur søgan einki um. Klaksvíkingar vunnu stórsigur Dysturin í Hvalvík var merki­ligur. Seint inni í mið­spælunum á teim f‡ra borðunum, var tað als ikki líkt til, at klaksvíkingar fóru at vinna 3,5 - 0,5. Haldur Suni Johansen og Ólavur Simonsen høvdu inn­ an triðja umfar einki stig fing­ið. Tí kunnu teir kanska báðir fegnast um javnleikin teir leiktu á fyrsta borði. Av gomlum vana gav Ólavur eina finnu beinanvegin fyri fríari spæl og leingi tr‡sti hann Haldur Suna. Men hes­ in vardi við góðari telving manniliga borg, og helst hevði Haldur Suni vinnandi fyrimun í endatalvinum, tá javnleikurin varð samdur. Mát í tveir leikir, men tapti tveir leikir seinni. Soleiðis kann tað ganga viðhvørt. Mart­ in Brekká hevði møgu­leik­an at seta Finnbjørn Vang skák og mát, men leikti at kalla beint aftaná ein tapandi leik, ið misti frúnna. Eisini hevði Kári Petersen hjá hvalvíkingum vinnandi fyrimun móti Rana Baldursson. Men Rani fekk lumpað Kára við eini finnu, sum rann heilt fram á málstrikuna og avgjørdi talvið. Tá Tummas Martin Sól­ sker eisini vann á Gunnari Joensen á triðja borði, end­ aði dysturin við stórsigri til klaksvíkingar. Heldur óvæntað hava klaksvíkingar nú blandað seg í oddastríðið, eftir at oddadysturin í Vest­ manna fløskaði seg so væl fyri teir. Kollfirðingar á beint Heldur óvæntað vunnu koll­ firðingar 3-1 á Klaksvík 2. Ein javnari dystur var í væntu, men kollfirðingar ynsktu ivaleyst at sleppa úr botninum, og tað hjálpti. Hans Kristian Simonsen og Hans Petur Joensen vunnu á ávíkavist Rana Nolsøe og Rógva Dragaberg. Steintór Rasmussen held­ ur fram við at skava stig inn til lið sítt. Sunnudagin leikti hann javnt ímóti ein­ um øðrum fyrrverandi før­­oyameistara, Torbjørn Thomsen. Petur Hans Poul­ sen og Karl Louis Johansen leiktu somuleiðis javnt á triðja borði. Stuttligt at veteranarnir, Rani, Steintór og Petur Hans Poulsen, eru saman um tað eina liðið hjá klaksvíkingum í 1. deild. Teir fara í ár helst at stríðast fyri at sleppa und­ an niðurflyting og tá koma royndir helst til sín rætt. Fjórða umfar verður 03. desembur. Tá hittast Klaks­ vík 1 og Vestmanna. Nógvir um boðið í 2. deild Í roynd og veru eru øll seks liðini í 2. deild við í kappingini um fyrsta pláss. Tað verða kortini helst hesi fýra lið, sum fara at táttast harðast: HT 2, ST, TT og VT2. Havnarmenn eru fremstir, men rættiliga tætt er millum liðini. Elevator-liðini úr Sandavági og av Toftum eru beint í hølunum. HT 4 flýgur avstað Í 3. deild hava teir úr HT 4 sannførandi tikið leiðsluna eftir fyrstu trýumførini við nærum fullum stigatali. Sanda­­vágsmenn og vest­ menn­­ingar eru næsti í røð­­ini. Sum tað skilst av Oyrarbakka, ætla teir eisini at gera ein vørr í ár í 3. deild. Í løtuni er Rókur nr. 4 við 8 stigum. HT 4 hevur 11. Unglingadeildin er ikki rættiliga komin í fasta legu. Nøkur lið hava tikið seg úr deildini og Rókur fær eitt lið aftrat tí eina teir framanundan hava í deildini. Vit venda tí aftur til tey yngstu seinni í kappingini. Skakligaen Illa gongst hjá útisetunum í Keypmannahavn. Trý umfør eru telvd og Talvfelagið Før­ oyar er næstaftast á 9. plássi við 7 stigum. Tvey lið flyta niður í 1. deild. Sunnudagin taptu okkara menn 2,5 - 5,5 móti Nordkalotten. Fremstir eru Skolerne og DM vinn­ ararnir seinastu fimm árini, Helsinge. Klaksvíkingar blanda seg Veteranarnir í Klaksvík 2 vóru yvirhálaðir, tá teir taptu greitt fyri kollfirðingum. Eitt nú var Rani Nolsøe hart kroystur á fyrsta borðið, har hann telvdi móti Hans Kristiani Simonsen 3. umfar Hvalvík-Klaksvík 1 0,5-3,5 Haldur Suni Johansen-Ólavur Simonsen 0,5-0,5 Martin Brekká-Finnbjørn Vang 0-1 Gunnar Joensen-Tummas Martin Sólsker 0-1 Kári Petersen-Rani Baldursson 0-1 Vestmanna-Havnin John Rødgaard-Olaf Berg 0,5-0,5 Carl Eli N. Samuelsen-Helgi D. Ziska 0,5-0,5 Samson Højgaard-Jóhan Gaard 1-0 Sjúrður Thorsteinsson-Andrias Ziska 0-1 Klaksvík 2-Kollafjørður 1-3 Rani Nolsøe-Hans Kristian Simonsen 0-1 Steintór Rasmussen-Torbjørn Thomsen 0,5-0,5 Petur Hans Poulsen-Karl Louis Johansen 0,5-0,5 Rógvi Dragaberg-Hans Petur Joensen 0-1 Støðan 1 Havnin 7,5 2 Vestmanna 7,5 3 Klaksvík 1 7,0 4 Kollafjørður 5,5 5 Klaksvík 2 5,0 6 Hvalvík 3,5 2. deild 3. umfar ST-VT2 1-3 HT2-GT 3-1 TT-HT3 1,5-2,5 Støðan 1 HT2 7,5 2 ST 7,0 3 TT 6,5 4 VT2 6,0 5 HT3 5,0 6 GT 4,0 3. deild 3. umfar Rókur2-HT5 0,5-3,5 Rókur 1-HT4 2,2 KTF3-VT3 0,5-3,5 ST-GT 4-0 HT4-ST3 3,5-0,5 Støðan 1 HT4 11,0 2 ST2 9,5 3 VT3 9,0 4 Rókur 1 8,0 5 HT5 6,0 6 KTF4 4,5 7 Rókur 2 4,0 8 KTF3 4,0 9 ST3 3,5 10 GT2 0,5 Støður, liðkappingin 1. deild