týsdagur 22. november 2005síða 12

12 Nr. 224 - 22. november 2005 Her liggur nýggjasta farið í føroyska fiskiflotanum við botninum uppeftir. Hendingin fór fram stutt áðrenn middag 21. november 1975, tá nýggi ísfiskatrolarin Froyður skuldi fara frá bryggju í Runavík og yvir um havnina at taka ís frá flakavirkinum Lynfrost til nýggjan túr. Skipið legði seg, av óskiljandi orsøkum, á liðina, og eftir stuttari løtu fór tað runt og fleyt við botninum uppeftir. Tað eydnaðist tíbetur øllum, sum umborð vóru, at sleppa av skipinum í evstu løtu. Tann seinasti mátti loypa á sjógv. 12. desember var Froyður togaður á rættkjøl av flótikrana, sum var komin úr Týsklandi. Leggið til merkis hvussu fá hús eru á myndini í mun til í dag. Kelda: Myndaárbókin - árið ið fór Vága Floghavn hev­ ur fingið nýggja heima­síðu við nógv­um nýggjum møguleikum, har tú fart munandi meira at vita um floghavnina og tað sum har til hoyrir Heimasíða Barbara Tausen Vága Floghavn hevur fingið nýggja heimasíðu, ið er rættuliga nógv víðkað í mun til ta gomlu. Heimasíðan hev­ ur nógvar hentar upplýsingar til ferðafólk, og eisini onnur kunna fáa gleði av henni. Nógvir heintr upplýsingar finnast, so sum nær og hvar flogførini koma og fara, vevmyndatól er av for­pláss­ inum, so tað eis­ini sæst um flogførini eru komin ella farin. Veðurupplýsingar eru eisini at finna. Hagtøl vísa eisini hvaðani ferðafólkini koma og hvar tey fara, seink­ ingar, farmamongdir v.m. Leikjur eru til aðrar heima­ síður, har ein kann finna fram prísir o.l. Nógv hagtøl eru á síðuni um m.a. talið av ferðafólkum, frá­ferðum/komum hvønn mán­að. Hópin av myndum av flogførum, tyrlum, og hend­ingum eru at finna á heimasíðuni. Hetta kann vera sera hent hjá ferðafólki, ið ferðast ofta, og eisini til tey ið ikki vita hvussu tey skula koma til og frá floghavnini. Heimasíðan ber heitið www.floghavn.fo NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Vága Floghavn nýggja heimasíðu Nú er lív komið aftur í skóta­ arbeiðið í Sørvági. Tað eru Thordis Lorentzen og Erik Hansen, sum eru eldsálirnar aftanfyri til­ takið. Thordis hevur seinastu árini verið virkin skótaleiðari í Danmark. Fyrsta dagin vóru eini 50 børn og ung samlað í Róð­ rarneystinum, so sigast má at áhugin er sera stórur. Sørvágs kommuna hevur eisini sýnt hesum arbeiðinum áhuga, og hevur m.a. játtað pening til hetta endamálið. Sb. Skótaarbeiði í Sørvági endurstovnað Eldsálir í Sørvági hava nú tikið stig til at endurstovna skótarnar í bygdini Mynd: Jákup Suni Lauritsen Fyri 30 árum síðan: Froyður koppaði í 1975