týsdagur 22. november 2005síða 15

Men bólkurin, sum fyrireikar ætlanina um undirsjóvartunlar á Skálafjørðinum, heldur ikki, at tað ber til at halda fram, fyrrenn politiski myndugleikin hevur givið sítt viðmæli SKÁLAFJARÐAR­ TUNLARNIR Jóannes Hansen Fimm og eitt hálvt ár. Tað er tíðin, sum skal til, frá tí at loyvið er givið at fara und­ir ætlanina at gera tunnil tvørt­ ur um Skálafjørðin og tunnil til Suðurstreymoy, og inntil tað fer at bera til at koyra í tunnlunum. - Sjálv byggitíðin verður trý og eitt hálvt ár. Um tað varð farið undir fyrstu fyri­ reikingarnar í oktober í ár, so siga metingarnar hjá okkum, at tað hevði borið til at koyrt á sumri í 2011. Nú eru vit eitt sindur aftanfyri løgdu tíðarætlanina. Nær tað fer at verða koyrandi er ikki greitt enn. Tað valdast um, nær tað fer at bera til at fara víðari við fyrireikingunum. Felag skal stovnast, for­pro­ jekt skal gerast, sam­ráð­ ing­ar skulu vera við Vinnu­ mála­ráðið, tingið skal gera sítt, og ætlanin skal detail­pro­jekterast. Men vit halda, at tað ber til at gera alt fyrireikingararbeiðið í tvey ár og so at arbeiða við tunnlunum í trý og eitt hálvt ár, sigur Niklas Foldbo, verk­frøðingur og limur í fyri­reikingarbólkinum, og sum í sínum starvi hjá Lands­ verkfrøðinginum og hjá pf. Vágatunnlinum hevur nógvar royndir í tunnilsarbeiði. - Á Skálafjørðinum eru nógvar kanningar gjørdar. Í miðfláunum er gott at gera tunlar, men í einstøkum støð­um verður neyðugt at leggja upp fyri rivum. Í Tanga­firði verður neyðugt at gera fleiri kanningar, og har er dýpið upp til 80 metrar. Har verður komið í ovastu fláirnar, og royndirnar vísa, at tað kanska er torførari at borða í teimum. Men talan er ikki um trupulleikar, sum tað ikki kann vinnast á, sigur Martin Heinesen, limur í fyri­ reikingarbólkinum. - Vit eru klárir at fara víðari við kanningararbeiðnum. Kost­n­aðurin av fyrireik­ing­ ar­arbeiðnum, sum skal til, er mettur til seks milliónir krónur. Tí er neyðugt, at landsstýrið kemur við signal­ um um, hvat teir vilja og ætla, áðrenn vit kunnu fara víðari, sigur Ingi Høgjaard. - Talan er um rættuliga sterkt fíggjarligt grundarlag. Vit rokna við ávísum ferðslu­ lopi. Sambært ferðslu­simu­ leringarnar, sum vit hava gjørt í samráð við ferðslu­ ráðgevarafelagið Rambøl & Nyvig í Danmark, fer hetta at bera við sær, at bila­talið fyrsta árið verður 4850 um samdøgrið, og at tað eftir tjúgu árum fer at vera hækkað til 8341 bilar hvørt samdøgur. Prísurin fer fyri privatbilar at vera tíggju krónur fyri at koyra tvørtur um Skálafjørðin og umleið fjøruti krónur fyri størri bilar. Tað fer at kosta fjøruti krónur fyri privat­bilar at koyra millum Eystur­oy og Suðurstreymoy - tá fer tað einki at kosta at koyra tvørtur um fjørðin - og kostnaðurin fyri størri akfør ætlast at liggja um 190 krónur. Um eginpeningurin verður hundrað milliónir, um lánsupphædd in verður 700 milliónir, um roknað verður við 7 prosentum í rentu, og avdráttartíðin verður 25 ár, so verður úrslitið út frá okkara fyritreytum fyrsta árið 13,2 prosent í egin­ peningsavkasti, upplýsir Tummas Eliasen, limur í fyri­reikingarbólkinum. Hann vísir harvið á, at ætl­ anin hongur saman, hóast ferðslutíttleikin ikki fer at økjast so nógv, sum tað verður roknað við, og hann vísir eisini á, at tað aðra staðni í Europa er vanligt at rokna við longri avdráttarskeiðum, enn tað verður roknað við í Føroyum. - Vágatunnulin skal av­ dragast í fimtan ár. Tað er lut­falsliga ógvuliga stutt áramál. Í Noregi verður kon­ sessiónin ella loyvi vanliga veitt 30 ár, og avdráttartíðin er sett til 25 ár. Longri suðuri í Europa er avdráttartíðin í sovonrum førum ofta hálvt hundrað ár, sigur Tummas Eliasen. Kári Sverrison heitti á tey, sum arbeiða við tunnilsætlanum, eisini at hugsa um barnagarðsbørnini og um Toftavatn, sum hann heldur vera kanska størstu náttúruperluna í landinum SKÁLAFJARÐAR­ TUNLARNIR Jóannes Hansen Fundurin á Svanga­skarði mána­kvøldið snúði seg um tunlar og um nógvar hundrað milliónir krónur. Fyrireikingarbólkurin legði eitt nú eftirgjørt filmsbrot fram, sum vísti, hvussu tunl­arnir roknast við at fara at síggja út, og hvussu um­hvørvið fer at síggja út, har tunnilsinntøkini fara at vera. Í Breiðagili á Tofta­land­ inum verður tunnilsmunnin ikki so langt frá Toftavatni, og vegurin, sum ætlast at fara eystur í rundkoyring, ið verður á núverandi Ritu­­víks­vegnum, ætlast at liggja tvørtur um Løk­in, sum rennur úr innara Tofta­ vatninum og oman í Runa­ víkina. Fram við Ritu­víks­ vegnum og nakað innanfyri ætl­aðu rundkoyringina er stóri og rættuliga nýggi barnagarðurin hjá Runavíkar kommunu. - Nú verður nógv tosað um tunlar, vegir, bilar og ferðslu. So vítt sum eg dugi at síggja, so fer tunnilin her at liggja rættuliga tætt at Toftavatni, og vegurin og harvið ferðslan fer at fara framvið bæði Løkinum og barnagarðinum á Mýrunum. Harvið verður vandi á ferð fyri Toftavatn, Løkin og børnini í barnagarðinum. Í staðin fyri at hava útsýni yvir Toftavatn, sum er størsta náttúruperla her á leið og kanska vakrasta og sermerktasta staðið í land­ in­um, so fara tey at síggja yvir á vegir og tunlar og bilar. Tað líkar mær ikki væl at frætta. Nakað soleiðis málbar Kári Sverrison, listarmaður, seg, tá ið hann sum tann fyrsti bað um orðið, tá ið tað var frítt á Svangaskarði mánakvøldið. - Vit halda okkum hava hugsað um Toftavatn, Løk­ in og barnagarðin. Í máls­ viðgerðini er tað greitt, at friðingarmyndugleikin fer at skula siga sína mein­ ing um hetta. Men vit halda okkum hava lagt upp­fyri tí, sum spyrjarin bar fram. Eitt nú ætlast møguleiki at vera fyri at ganga framvið Løkinum og undir vegnum, sum verður frá tunnilsmunnanum og eystur á Rituvíksvegin, svar­aðu fyrireikararnir. Fíggjarliga grundarlagið er sterkt Hugsið um børnini og vatnið 15 Nr. 224 - 22. november 2005 lands­­stýrismaðurin at biðja ting­ið um heim­ild til lands­ stýrismannin at geva felagi rættin at gera neyð­ugar kann­ ingar av eitt nú botn­in­um í Tangafirði við tí fyri eyga at finna fram til, hvussu tað skal farast fram, tá ið tunnil skal gerast. Ein 50-krónuseðil fyri at koyra av Toftum til Havnar. Tað er úrslitið, sum stitakararnir eru komnir til, tá tosað verður um prís fyri nýtslu av tunlunum Mynd: Vilmund Nøkur av teimum, sum eru í fyrireikingarbólkinum, f.v.: Niclas Foldbo, verkfrøðingur, sum hevur staðið aftanfyri fleiri tunnilsbyggingar, Tummas Eliasen, stjóri á Føroya Lívstrygging og fíggjarkønur og Símun Johannesen, borgarstjóri í Nes kommunu Mynd: Vilmund Jacobsen