mikudagur 23. november 2005síða 35

Nýggi BMW 300- serian er nú eisini komin í stationcar útgávuni Touring, ið er bæði størri, rúmligari og praktisk­ ari enn forgangarin. Heildarmyndin av bilinum er sum vit kundu vænta - ein gjøgnumførdur bilur í allar mátar Bilar Magnus Gunnarsson maggi@sosialurin.fo Hóast BMW-300 serian í Touring útgávuni er ein størri og rúmligari bilur enn forgangarin, er tó størsti denturin lagdur á koyri­egin­ leikarnar, sum altíð hava verið eitt av eyðkennunum hjá BMW. Hesin koyrir sum ein dreymur, og vegfesti er heilt optimalt undir øllum koyriumstøðum, serliga kem­ ur hetta til sjóndar í svingum. Fyri at lætta um bilin eru partar av undirvogninim gjørdir úr aluminium. Tær ymisku útgávurnar fáast við 16” og 17” hjólum. Nýggi BMW-300 serian í Touring útgávuni er longri og breiðari enn forgangarin og verður enn sum áður drivin av bakhjólunum. Bilurin er gjørdur sera praktiskur við at t.d. gardinan, ið fjalir tað sum liggur í viðførisrúminum, rullar seg automatiskt sam­ an, tá baklúkan verður latin upp. Eisini kann rúturin í baklúkuni latast upp sepa­ rat. Í viðførisrúminum, sum nú er 460 litrar, er einki eykahjól, hetta er helst tí, at bilurin hevur RFT-dekk (Run Flat Tyre) sum standard í øll­ um útgávunum. Hesi dekk eru gjørd til at kunna koyra eitt strekki upp á minst 80 kilometrar við 80 km/t uttan luft. Eitt sum eyðkennir alla ta nýggju BMW 300-seriuna er ljóðdoyvingin, sum nú er betrað munandi. Startlykilin er avloystur av einum elektroniskum start/stopp knøtti, og servo­ stýringin er hydraul­isk. BMW-300 serian í Tou­ ring útgávuni fæst við fleiri ymiskum bensin og diesel­ motorum. Til dømis er 6-syl. rekkjumotorurin á Touring 325i útgávuni við 218 hk ein tann lættasti motorurin í síni stødd yvirhøvur. Hetta kemur av, at stórur partur av motorinum er gjørdur úr magnesium. Hesin koyrir frá 0-100 km/t upp á 7,2 sek. Dieselútgavan, Touring 320d við 163 hk, er eisini ein kvikur, vælkoyrandi og økonomiskur bilur. Hann koyrir frá 0-100 km/t upp á 8,6 sekund. Oljunýtslan er einans 16,9 km/l, ið má metast sum sera gott fyri ein bil í hesum klassanum. Annars fæst Touring út­­ gávan eisini í hesum út­gáv­ unum: 320i við 150 hk, 330i við 258 hk, og 330d (diesel) við 231 hk. Saman við kompakta BMW kvalitetinum og góðu sportsligu koyri­egin­leik­un­ um, er heildarmyndin av nýggja BMW 3-Touring, tað sum vit kundu vænta - ein gjøgnumførdur bilur í allar mátar. Bíligasti BMW Touring í 300-seriuni kostar nú kr. 399.000,-, tí fram til 1. januar 2006 eru introduktiónsprísir galdandi fyri alla 300 seri­ una, soleiðis at teir eru upp til 35.000 krónur biligari enn vanligi prísurin. BMW 300-serian Touring : Sportsligur og praktiskur stationcar BMW 320d Touring Motorurin 2,0 litur 4 syl. diesel 163 hk 0-100 km/t 8,6 sek Oljunýtsla 16,9 km/l Dekkstødd 205/55-16 Stødd og vekt Longd 452,0 cm Breidd 181,7 cm Hædd 141,8 cm Eginvekt 1.350 kg Viðførisrúm 460 litrar Prísur kr. 465.000, - (vanligur prísur) kr. 435.000, - (introduktiónsprísur) Søluumboð Sp/f Nordcar Smiðjugerði 4 FO-100 Tórshavn Tel. 308080 Nr. 225 • mikudagur • 23. november 2005 • 79. árgangur • www.sosialurin.fo Nýggi BMW 320d Touring við smartum og elegantum designi Nýggi BMW-300 Touring er longri og breiðari enn forgangarin. Bilurin verður framvegis drivin av bakhjólunum. Startlykilin er avloystur einum elektroniskum start/stopp knøtti, og servostýringin er hydraulisk Rúturin í baklúkuni kann latast upp separat