mánadagur 28. november 2005síða 12

12 Nr. 228 - 28. november 2005 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Tøkk Øllum tykkum, sum gjørdu mær 80 ára dagin minniligan við vitjanum, gávum, blómum, fjarritum og heilsanum, sendi eg eina hjartans tøkk. Sámal Jákup Petersen Tøkk Hjartans tøkk til tykkum øll, sum gleddu meg á 65 ára føðingardegnum 22. oktober. Gud signi tykkum. Herluf Gaard Joensen Minninum um Ingálv av Reyni kannað Sjá sólin nú í eystri roðar sæl, og veturin í stillum bráðnar burtur. Nú vakna ljóð av fuglum. Smáar urtir í búnum brósti. Myndin spretta skal. Og dreymurin var altíð tann, sum var so guddómlig ein mynd av dygdar sjónum. Sum altíð kundu líta móti vónum og lívið livað spurdi ei um svar. Nú búnast allar myndir sum tú sást. Um enn tær tókti eygu grótu frost, so stendur alt í ljósum blóma eftir. Eg komi við eitt brá av tíni tíð. Tú farin er, men eydnan er tær blíð. Og fagrast eru firvalda palettir. 27. 11. 05 Christian Ólason Farna leygardag andaðist Anna hjá Óla Olsen á Dalinum, ella seinni Anna hjá Svend Joensen, morbróður, sála, 81 ára gomul aftan á drúgva og móti endanum svára sjúkralegu. Anna var úr góðum bergi brotin, dóttir navnframa bátsformannin Óla Olsen á Dalinum í Uppsølum í Klaksvík og Marin Elisabeth Joensen úr Miðstovuni á Syðradali í Kalsoynni. Systkini vóru 8 í tali, og hava fleiri teirra gjørt vart við seg í bygdar- og samfelagshøpi, eitt nú var Poul Jacob løgtingsmaður fyri Javnaðarflokkin í mong Harrans ár umframt eisini í bygdarráðnum. Arnold, bróðir, var tiltikin skipstimbrari, og Mourits í eitt mannaminni á sýsluskrivstovuni, umframt at Sofus, sum andaðist fyrr í heyst, hevði verið skipari á Pride. Mær kunnugt er bert tann yngsti bróðirin, Jacob, eftir á lívi. Anna giftist Svend, mórbróður, í 1952. Tey bygdu á Uppsalareiði við Nýggjaveg undir liðini á hinum systkjum Onnu, Poul Jacob, Arnoldi og Sofusi. Svend og Anna fyri børnini trý: Rudolf, Hallgerð og Eyðbjørg, sum eisini er guddóttir mín. Meðan børnini vóru smá og vuksu upp, var Anna mest sum burturav heima at passa mann og børn, men tað mundi heldur ikki bara vera sum at siga tað, síðani Svend hevði slíkt arbeiði, sum kravdi hann til taks all­ an sólarkringin, gerandis so væl sum heilagt. Nú var eg av ávísum ávum ser­ liga knýttur at Svend, og tað kom meira enn einaferð fyri, at eg kom at vera hjá teimum til fosturs í stytri og longri tíðarbil, og tað má eg siga, at stillførari og tryggari um­­støður havi eg neyvan kent í upp­vøkstr­ inum. Reint, nossligt og friðsælt um­hvørvi, og so var Anna við sínum fyrikomandi og stillføra lyndi ein so frálíka góður lurtari og eygleiðari fyri ein unglinga í viðkvomum aldri. Hálvvaksin fór eg so til skips og síðani í lestrarørindum av bygdini at kalla fyri vell, men tá morbróðir fekk egna vinnufyritøku, samstundis sum børnini vóru vorðin vaksin, fór Anna út at arbeiða hjá honum og stuðlaði væl upp undir virksemið. Nú eru umsíðir nøkur ár liðin, síðani Svend andaðist, og hóast vit høvdu unnað Onnu nógv góð ár afturat saman við sínum børnum og ommubørnum, fór heilsan skjótt at bila. Saknur verður í Onnu, serliga hjá hennara allarnærmastu, men eis­ ini vit onnur fara at goyma hana í minninum sum hana, sum í sínum stillføri og lítillætni kortini var til taks á røttum stað og í tøkum tíma við síni róligu og fjálgandi hond. Hvíl í friði, góða Anna. Heilsan Eyðun Onnu Joensen í Klaksvík til minnis Bæði Toll- og Skatt­ stova Føroya og Lønardeildin í Fíggjarmálaráðnum hava fingið nýggjar stjórar, teir eru Arnold Hjelm Nielsen og Snorri Fjallsbak Tvey nýggj andlit verða at síggja í leiðslunum hjá ávikavist Toll- og Skattastovu Føroya og á Lønardeildini í Fíggjarmálaráðnum. Á Toll- og Skattstovu Før­oya er Arnold Hjelm Niel­sen settur í starv sum stjóri. Hann tekur við eftir Óla Heinesen, ið hevur verið stjóri har síðani 1998. Arnold Hjelm Nielsen er 41 ára gamal og útbúgvin verkfrøðingur. Seinastu tvey árini hevur hann ver­ ið varastjóri á Toll- og Skattstovuni, og hann hev­ ur m.a. leiðsluroyndir frá svensku telefyritøkuni Ericsson í Noreg. Á Lønardeildini í Fíggjar­ málaráðnum er Snorri Fjall­ sbak settur sum stjóri. Hann tekur við starvinum eftir Duritu Tausen, ið hevur verið settur stjóri, síðani Thomas Magnussen fór úr starvinum 1. mars 2005. Snorri Fjallsbak er 56 ára gamal og útbúgvin cand. scient. Hann hevur starvast sum fulltrúi á Lønardeildini í 4 ár. Frammanundan var Snorri Fjallsbak lærari á stu­dentaskúlanum í Hoy­ døl­um í 23 ár, eitt skifti um­sitingarleiðari og eitt skifti rektari. Í 4 ár var hann formaður í Yrkisfelag Studentaskúla- og HF-lær­ ara. Tveir nýggir stjórar Snorri Fjallsbak Arnold Hjelm Nielsen Tíðindaskriv Leygardagin 19. november tóku Hendrik A. Olsen, Árna­fjørður, og Steinmund Klakstein, Klaksvík, prógv sum kavarar á kavara­skúl­ anum Faroe Dive í Klaksvík. Teir hava staðið bæði skriv­ ligar og teoretiskar royndir innan kaving. Hendrik og Steinmund tikið kavaraprógv Hendrik A. Olsen (v.m.) og Steinmund Klakstein eftir seinasta kavið á skeiðnum